ព័ត៌មានជាតិ

តោះ! មកស្គាល់ឈ្មោះប្រាសាទទាំងអស់ក្នុងខេត្តព្រះវិហារ ជាខេត្តមានប្រាសាទបុរាណច្រើនជាងគេទីពីរនាសម័យអង្គរ

បានផុស

៣ years មុន

នៅ

ថ្ងៃចន្ទ ២៧ មីនា ២០២៣

ដោយ

ខេត្តព្រះវិហារដែលស្ថិតនៅទិសឧត្តរប្រទេសជាប់ប្រទេសថៃ ជាខេត្តដែលមានសំណង់ប្រាសាទបុរាណច្រើនជាងគេនាសម័យអង្គរបន្ទាប់ពីខេត្តសៀមរាប។

ស្ថិតនៅចម្ងាយជាង ៣០០ គីឡូម៉ែត្រពីរាជធានីភ្នំពេញ ខេត្តព្រះវិហារធ្លាប់ជាអតីតរាជធានីបុរាណរបស់ព្រះមហាក្សត្រនាសម័យអង្គរ។ ប្រាសាទព្រះវិហារ និងក្រុមប្រាសាទកោះកេរ ជាសំណង់ប្រាសាទដ៏លេចធ្លោ ខណៈប្រាសាទព្រះវិហារត្រូវបានចុះបញ្ជីជាសម្បត្តិបេតិកភណ្ឌពិភពលោករបស់អង្គការយូណេស្កូ។

ប្រាសាទនាគបួសក្នុងស្រុកជំាក្សាន្តខេត្តព្រះវិហារ

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើតាមប្រធានមន្ទីរវប្បធម៌ខេត្តព្រះវិហារធ្លាប់ប្រាប់បណ្តាញសារព័ត៌មានកម្ពុជាថ្មីឲ្យដឹងថា ខេត្តព្រះវិហារមានប្រាសាទបុរាណចុះបញ្ជីសរុបចំនួន ២៤៨ ទីតាំង នៅរាយប៉ាយគ្រប់ស្រុក។ ខណៈមានប្រាសាទមួយចំនួនបានបាក់បែកដោយសារអាយុកាល សង្គ្រាមនិងការបំផ្លិចបំផ្លាញដោយជនទុច្ចរិត ប្រាសាទដែលនៅរូបរាងល្អមានជាង ៧០ ភាគរយ។

តាមរយៈឯកសាររបស់មន្ទីរវប្បធម៌ខេត្តព្រះវិហារ កម្ពុជាថ្មីបង្ហាញពីឈ្មោះប្រាសាទក្នុងខេត្តព្រះវិហារតាមភូមិសាស្រ្តក្រុងស្រុកនានាទូទាំងខេត្តដែលមានឈ្មោះដូចខាងក្រោមនេះ។

ក្រុងព្រះវិហារ

ស្រុកជ័យសែន

ស្រុកឆែប

ស្រុកគូលែន

ស្រុកជាំក្សាន្ត

ស្រុកត្បែងមានជ័យ

ស្រុករវៀង

ស្រុកសង្គមថ្មី

ក្រៅពីសំបូរដោយប្រាង្គប្រាសាទបុរាណអាយុកាលរាប់រយឆ្នាំ ខេត្តព្រះវិហារក៏មានតំបន់ទេសចរណ៍សំខាន់ៗចំនួន ២៧ កន្លែង។ នេះបើយោងតាមមន្ទីរទេសចរណ៍ខេត្តព្រះវិហារ ក្នុងនោះមានរមណីយដ្ឋានប្រវត្តិសាស្ត្រ ធម្មជាតិ វត្តបុរាណ និងគោលដៅទេសចរណ៍ផ្សេងទៀត៕