ព័ត៌មានជាតិ
សម្ដេចតេជោ ហ៊ុន សែន រំលឹកថា បើសម្ដេចមិនរវៀសរវៃទេ កំពង់ផែក្រុងព្រះសីហនុ នឹងធ្លាក់ក្នុងដៃឯកជន
សម្ដេចតេជោ ហ៊ុន សែន បានរំលឹកថា សម្ដេច ជាអ្នកមិនយល់ព្រមឲ្យកំពង់ផែក្រុងព្រះសីហនុ ធ្លាក់ទៅក្នុងដៃឯកជននោះទេ ក្នុងដំណាក់កាលរដ្ឋាភិបាលចម្រុះ។
ការរំលឹកខាងលើនេះ គ្រាដែលសម្តេចតេជោ ហ៊ុន សែន បានអញ្ជើញជាអធិបតីភាពដ៏ខ្ពង់ខ្ពស់ នៅក្នុងពិធីអបអរសាទរ ខួបអនុស្សាវរីយ៍លើកទី ១៣៧ នៃទិវាពលកកម្មអន្តរជាតិ ១ឧសភា និងពិធីបើកការដ្ឋានសាងសង់ចំណត ផែកុងតឺន័រ នៅខេត្តព្រះសីហនុ និងពិធីអបអរសាទរខួបអនុស្សាវរីយ៍លើកទី ៧០ នៃទំនាក់ទំនងការទូតរវាងកម្ពុជា និងជប៉ុន ដែលប្រារព្ធធ្វើឡើងនៅចំណតកំពង់ផែក្រុងព្រះសីហនុ នាព្រឹកថ្ងៃទី ១ ខែឧសភា ឆ្នាំ ២០២៣នេះ។
នៅក្នុងពិធីនេះសម្ដេចតេជោ ហ៊ុន សែន បានថ្លែងដោយរំលឹកថា ដើម្បីការពារកំពង់ផែស្វយ័តក្រុងព្រះសីហនុកុំឲ្យក្លាយទៅជារបស់ឯកជន សម្ដេចបានខិតខំខ្លាំងណាស់ក្នុងការការពារ។
សម្ដេចតេជោ ហ៊ុន សែន ថ្លែងបែបនេះថា «ខ្ញុំគួរតែរំលឹកបន្តិច ហើយរឿងនេះ កំពង់ផែនេះត្រូវចងចាំ បើសិនជាខ្ញុំមិនរវៀសរវៃទេ កំពង់ផែនេះនឹងធ្លាក់ក្នុងដៃឯកជនហើយ ពេលនោះ»។
សម្ដេចតេជោ ហ៊ុន សែន រំលឹកទៀតថា នៅក្នុងដំណាក់ប្រទេសកម្ពុជា ដឹកនាំដោយរដ្ឋាភិបាលចម្រុះ មានការប្រទាញប្រទង់ជាខ្លាំង ពាក់ព័ន្ធនឹងបញ្ហាកំពង់ផែក្រុងព្រះសីហនុនេះ តែសម្ដចមិនយល់ព្រមឲ្យកំពង់ផែនេះធ្លាក់ក្នុងដៃឯកជននោះទេ។
សម្ដេចតេជោ ហ៊ុន សែន ថ្លែងបន្ថែមថា «ដើម្បីការពារនូវកំពង់ផែនេះ កុំឲ្យធ្វើឯកជនូបនីយកម្ម ដែលដំណាក់កាលនោះ គឺរដ្ឋាភិបាលចម្រុះប្រទាញប្រទង់យ៉ាងខ្លាំង ហើយខ្ញុំមិនយល់ព្រមជាមួយនឹងការឲ្យកំពង់ផែនេះ ទៅជាផ្នែកឯកជនទេ»។
ជាមួយគ្នានេះ សម្ដេចតេជោ ហ៊ុន សែន លើកឡើងថា ប្រសិនបើ កំពង់ផែក្រុងព្រះសីហនុ ក្លាយទៅជាកំពង់ផែឯកជននោះ សូមកុំសង្ឃឹមថា ជប៉ុនអាចផ្ដល់ថវិកាដល់កម្ពុជាខ្ចី និងផ្ដល់ជំនួយដើម្បីអភិវឌ្ឍន៍កំពង់ផែនេះឲ្យសោះ៕
អត្ថបទ៖ ឃួន សុភ័ក្រ
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង