Connect with us

ព័ត៌មានជាតិ

បុណ្យវិសាខបូជាដើម្បីអ្វី មានសារសំខាន់បែប​ណា ទើបពុទ្ធសាសនិកជនត្រូវតែប្រារព្វឡើង?

បានផុស

នៅ

ក្បួនដង្ហែយ៉ាងគគ្រឹកគគ្រេង អមជាមួយផ្ទាំងរូបព្រះពុទ្ធដ៏ធំ រួមសម្លេងសូត្រធម៌យ៉ាង​ពិរោះរណ្តំ​​ស្ថិត​នៅ​ក្នុង​អារម្មណ៍មនុស្សម្នាឲ្យមានចិត្តស្ងប់ បានចាកផុតពីក្តីទុក្ខទាំងឡាយឲ្យប្រែក្លាយជាក្តីសុខចម្រើន កើនបញ្ញាតាមក្តីបំណងប៉ងប្រាថ្នា។

រដ្ឋបាលខេត្តបាត់ដំបង បាន​រៀបចំ​បុណ្យវិសាទ​បូជា​ក្នុងនោះក៏មានពុទ្ធសាសនិកជន ព្រះសង្ឃជាច្រើនអង្គ តាជី​យាយជី ប្រជាពលរដ្ឋ មន្ត្រីរាជការមកពីគ្រប់មន្ទីរអង្គភាព សិស្សានុសិស្ស លោកគ្រូ អ្នកគ្រូ បានចូលរួមដង្ហែ។ ក្រៅពីនេះក៏មានវត្តមានមន្ត្រីសំខាន់ៗមានដូចជា លោក អ៊ុយ រី ប្រធានក្រុមប្រឹក្សាខេត្ត លោក សុខ លូ អភិបាលនៃគណៈអភិបាល​ខេត្តបាត់ដំបង ចូលរួម​ក្នុង​ពិធីបុណ្យវិសាខបូជា និងដង្ហែឆ្ពោះទៅវត្តពោធិ៍វាលក្រុងបាត់ដំបង។

មន្ត្រីរដ្ឋបាលខេត្តបានឲ្យដឹងថា ការដង្ហែនៅក្នុងពិធីបុណ្យពិសាខបូជានាឆ្នាំនេះ មាអ្នកចូលរួមច្រើនជាងឆ្នាំមុន និងមានព្រះសង្ឃចូលរួមដង្ហែមានចំនួន ១,០៦៧អង្គ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ពាក់ព័ន្ធបុណ្យពិសាខបូជានេះ កម្ពុជាថ្មីបានដាក់សំណួរទៅលោក គឹម សោភ័ណ ប្រធានមន្ទីរវប្បធម៌ និងវិចិត្រសិល្ប: ខេត្ត​ថា តើបុណ្យវិសាខបូជាធ្វើឡើងដើម្បីអ្វី? ហើយមានសារ:សំខាន់បែបណា? រហូតមកដល់ពេលនេះម៉ោងនេះ លោកមិនបានឆ្លើយតបនោះទេ។

បើទោះបីយ៉ាងនេះក្តី លោកអាចារ្យនៅក្នុងវត្តពោធិ៍វាល​នៅ​ក្នុងក្រុង​បាត់ដំបងបានពន្យល់ថា ពាក្យថា “វិសាខបូជា” មកពីពាក្យថា “វិសាខបុណ្ណមីបូជា” ដែលមានន័យថា ការបូជាក្នុងថ្ងៃពេញបូណ៌មីខែពិសាខ គឺខែទី៦ ដោយគិតចាប់តាំងពី ខែ មិគសិរ បុស្ស មាឃ ផល្គុន ចែត្រ ពិសាខ។

ការរៀបចំពិធីបុណ្យពិសាខបូជានេះ ដើម្បីរំឮកដល់​ព្រឹត្តិការណ៍ធំៗ៣ នៃសម័យកាលរបស់ព្រះសម្មាសម្ពុទ្ធសមណ​គោតម នោះគឺថ្ងៃដែលព្រះអង្គទ្រង់បានប្រសូត ត្រាស់ដឹង និងបរិនិព្វាន។ ព្រឹត្តិការណ៍ទាំងបីនេះកើតឡើងចំថ្ងៃ ១៥ កើត ពេញបូណ៌មី ជាថ្ងៃដែលមានព្រះច័ន្ទពេញវង់ ក្នុងខែពិសាខដូចគ្នាគ្រាន់តែខុសឆ្នាំគ្នាប៉ុណ្ណោះ ដូច្នេះហើយទើបបុណ្យជាតិមួយនេះមានសារ:សំខាន់ណាស់ ដែលខ្មែរយើងចំណាំថា ខែពិសាខ គឺជាខែដែលប្រជាកសិករចាប់ផ្តើមភ្ជួស្រែចម្ការ។

អ្វីដែលនាំឲ្យមានការប្រារឰពិធីពិសាខបូជានាថ្ងៃ១៥កើតខែពិសាខនេះឡើង គឺអាស្រ័យដោយសារលោកអ្នកប្រាជ្ញខាងពុទ្ធសាសនា​បានកំណត់ទុកក្នុងគម្ពីរបឋមសម្ពោធិថា ជាមហាមង្គលអភិលក្ខិតកាល គឺជាថ្ងៃមហាមង្គល ត្រូវថ្ងៃព្រះសម្មាសម្ពុទ្ធ បរមគ្រូប្រសូតផង។ ដូច្នេះហើយទើបនៅថ្ងៃ១៥កើត ខែពិសាខ គឺជាថ្ងៃដែលពុទ្ធសនិកជននៅទូទាំងសកលលោកបានចាត់ទុកជាថ្ងៃមានសារ:សំខាន់បំផុត ក៏បាននាំគ្នាប្រារព្ធពិធីបុណ្យពិសាខបូជា ខណះដែលអង្គការសហប្រជាជាតិ ក៏បានប្រកាសទទួលស្គាល់តាំងពីថ្ងៃទី១៥ខែធ្នូឆ្នាំ១៩៩៩ថា ពិសាខបូជាគឺជាពិធីបុណ្យអន្តរជាតិមួយដែលគេអាចប្រារព្ធធ្វើនៅតាមការិយាល័យទាំងឡាយរបស់អង្គការសហប្រជាជាតិនៅលើពិភពលោកផងដែរ៕

អត្ថបទ៖ សៅ សារិទ្ធ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ១ ម៉ោង មុន

អតីតសេដ្ឋិនីវៀតណាម Truong My Lan ត្រូវបានរដ្ឋអាជ្ញាស្នើកាត់ទោសប្រហារជីវិត

ព័ត៌មានអន្ដរជាតិ៥ ម៉ោង មុន

ស្ត្រីវៀតណាមដែលបានលក់ផ្លែពុទ្រាក្នុងតម្លៃថ្លៃទៅឱ្យភ្ញៀវទេសចរម្នាក់ ត្រូវរងការព្រមានពីអាជ្ញាធរ

ព័ត៌មានជាតិ៥ ម៉ោង មុន

ក្រសួង​ការងារ និង​បណ្តុះបណ្តាល​វិជ្ជាជីវៈ បើក​វគ្គ​បណ្តុះបណ្តាល​លើ​ជំនាញ​ផ្នែក​កំបោរ​ក្នុង​វិស័យ​សំណង់

ព័ត៌មានជាតិ៦ ម៉ោង មុន

ក្រសួងការងារ៖ ការបំផ្លើសព័ត៌មានអំពីការបើកប្រាក់ឈ្នួលដល់កម្មករ Y & W នៅថ្ងៃស្អែកនេះ ជាព័ត៌មានមិនពិត

ព័ត៌មានជាតិ៦ ម៉ោង មុន

មន្ត្រីជំនាញខេត្តកំពង់ចាម ចុះព្រមានម្ចាស់យានដ្ឋាន កែច្នៃ ឧបករណ៍បំពងសំឡេងខុសបច្ចេកទេស

Sokha Hotels

ព័ត៌មានពេញនិយម