ព័ត៌មានជាតិ
ឥណ្ឌូនេស៊ីនឹងពង្រីកកិច្ចសហប្រតិបត្តិការជាមួយកម្ពុជាលើវិស័យឱសថ និងបរិក្ខារវេជ្ជសាស្ត្រ
លោក ប៉ាហាឡា នូរាហា ម៉ានស៊ូរី (Pahala Nugraha Mansury) អនុរដ្ឋមន្ត្រីក្រសួងសុខាភិបាលនៃសាធារណៈរដ្ឋឥណ្ឌូនេស៊ី បានលើកឡើងថាឥណ្ឌូនេស៊ីនឹងពង្រឹង ពង្រីកនូវកិច្ចសហប្រតិបត្តិការជាមួយប្រទេសកម្ពុជាបន្ថែមទៀតលើវិស័យសុខាភិបាល ដោយផ្តោតសំខាន់លើផ្នែកឱសថ និងបរិក្ខារវេជ្ជសាស្ត្រ ព្រោះថាឥណ្ឌូនេស៊ី ជាប្រទេសធំមួយនិងមានក្រុមហ៊ុន រោងចក្រផលិតឱសថច្រើន។
ការលើកឡើងរបស់លោក ប៉ាហាឡា នូរាហា ម៉ានស៊ូរីបានធ្វើឡើងនៅព្រឹកថ្ងៃទី៥ឧសភានៅក្នុងជំនួបពិភាក្សាការងារជាមួយលោកសាស្ត្រាចារ្យ ម៉ម ប៊ុនហេង រដ្ឋមន្ដ្រីក្រសួងសុខាភិបាលនៅទីស្តីការក្រសួង។
ជាការឆ្លើយតបលោក សាស្ត្រាចារ្យ ម៉ម ប៊ុនហេង បានសម្តែងនូវការស្វាគមន៍ចំពោះកិច្ចសហប្រតិបត្តិការ ជាពិសេសនៅក្នុងផ្នែកឱសថនេះ តាមរយៈកិច្ចសហប្រតិបតិ្តការរវាងរដ្ឋាភិបាល និងរដ្ឋាភិបាល ឬក៏រវាងវិស័យឯកជន និងឯកជន ដោយអាស្រ័យទៅលើការពិភាក្សាគ្នា រវាងមន្រី្តបច្ចេកទេសជំនាញនៃប្រទេសទាំងពីរ ដែលក្រសួងសុខាភិបាល នៃព្រះរាជាណាចក្រកម្ពុជា មាននាយកដ្ឋានឱសថ បរិក្ខារពេទ្យ និងគ្រឿងសំអាង ជាសេនាធិការក្នុងការពិភាក្សាការងារកិច្ចសហប្រតិបតិ្តការលើវិស័យផ្នែកឱសថនេះ។
ជាមួយគ្នានេះ លោករដ្ឋមន្ត្រីបានសម្តែងការអបអរសាទរ ដែលសាធារណរដ្ឋឥណ្ឌូនេស៊ី ធ្វើជាប្រធានអាស៊ានប្តូរវេន នាឆ្នាំ២០២៣នេះ និងបានសម្តែងមនោសញ្ចេតនាស្វាគមន៍យ៉ាងកក់ក្តៅក្នុងដំណើរអញ្ជើញទស្សនកិច្ចរយៈពេលខ្លី មកកាន់ព្រះរាជាណាចក្រកម្ពុជា របស់លោកអនុរដ្ឋមន្ត្រីសុខាភិបាលឥណ្ឌូនេស៊ី ជាពិសេសការអញ្ជើញចូលរួមក្នុងព្រឹត្តិការណ៍កីឡាអាស៊ីហ្គេម លើកទី៣២ និងអាស៊ានប៉ារាហ្គេម លើកទី១២ ដែលកម្ពុជាធ្វើជាម្ចាស់ផ្ទះ ក្នុងឆ្នាំ២០២៣នេះ៕
ដោយ ៖ សំអឿន
-
ព័ត៌មានអន្ដរជាតិ២ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេចក្ដីជូនដំណឹង៣ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
សេដ្ឋកិច្ច៤ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
អត្ថាធិប្បាយ១ សប្តាហ៍ agoសេចក្ដីអធិប្បាយលើសុភាសិតខ្មែរ៖«អណ្តាតជាអាទិ៍កន្លង បានសុខទុក្ខផងពីព្រោះអណ្តាត»
-
កីឡា៥ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ១ សប្តាហ៍ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
សេដ្ឋកិច្ច៧ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ
-
សន្តិសុខសង្គម២ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម