ព័ត៌មានជាតិ
កសិករមួយរូបចែករំលែកបច្ចេកទេសដាំដំណាំពោតក្រហមតាមបច្ចេកទេសកសិកម្ម
ពោតក្រហមជាដំណាំមួយប្រភេទ ដែលអាចច្នៃជាចំណីសត្វក៏ដូចជាប្រើប្រាស់បម្រើជាប្រយោជន៍ផ្សេងៗ។ នៅក្នុងខេត្តក្រចេះប្រជាជនដែលរស់នៅតាមដងទន្លេមេគង្គមួយចំនួន ក៏មានដាំដំណាំពោតក្រហមក្រៅពីដំណាំកសិកម្មផ្សេងទៀត។
កសិករម្នាក់ឈ្មោះ ជ្រុយ រស់នៅក្នុងភូមិព្រែករការ ឃុំសោប ស្រុកព្រែកសប់ ខេត្តក្រចេះបានបង្ហាញពីការដាំពោតក្រហមឲ្យទទួលបានទិន្នផលខ្ពស់តាមបច្ចេកទេសកសិកម្ម។
បុរសជាកសិកររូបនេះបានលើកពីបច្ចេកទេសដាំដំណាំពោតក្រហម ចំបាច់ត្រូវធ្វើដីឲ្យល្អមិនត្រូវឲ្យមានស្មៅឡើយ។ មុនដាំត្រូវភ្ជួរដីហាលថ្ងៃឲ្យបាន ៧ ថ្ងៃដើម្បីសម្លាប់ស្មៅនិងមេរោគ។ សំខាន់មួយទៀតគឺការជ្រើសរើសពូជ បើពូជមិនល្អអាចខាតបង់ពេលវេលា និងថវិកា។
កសិករូបនេះបន្តថា ពោតមានអាយុកាលឲ្យផលពី ៩៥-១១០ ថ្ងៃ។ នៅតាមតំបន់ដែលកសិកររូបនេះរស់នៅ ការដាំពោតភាគច្រើនគេប្រើគោយន្តកន្រ្តៃភ្ជួរធ្វើរង។
កសិកររូបនេះបានប្រាប់ពីបច្ចេកទេសបន្ថែមថា មុនដាំពោតដីត្រូវមានសំណើម ៥០-៧០% ជម្រៅសើម ២៥-៥០cm។ពោតចេញពន្លកដើមរត់ជួរលូតលាស់រយះពេល ៤-៧ ថ្ងៃ។ ពោតអាយុ ១៥-៣០ ថ្ងៃត្រូវការទឹក និងជី N,K ខ្លាំង ដើម្បីលូតលាស់ដើមនិងស្លឹក។ អាយុ ៣០-៤៥ ថ្ងៃចាប់ផ្តើមលែងដើមនិងស្លឹកខ្លាំងចាប់ផ្តើមក្របួចផ្កា ដាក់ស្នៀត។ អាយុ ៤៥-៥៥ ថ្ងៃ ត្រូវទឹកច្រើន និងជី N,P ដើម្បីជួយជំរុញស្នៀតពោតរីកធំពេញលេញតាមស្រទាប់ស្លឹក លូតលាស់ផ្លែ។ អាយុ ៥៥-៧០ ថ្ងៃ ត្រូវការទឹក និងជី P,K ដើម្បីដាក់សាច់ម៉្សៅ និងក្លុយកូសធ្វើឲ្យមានរសជាតិផ្អែម ជំរុញឲ្យផ្លែធំគួបផ្សំការសំយោគពន្លឺព្រះអាទិត្យពេលព្រឹកផងដែរ។
កសិករដាំពោតអះអាងថា បច្ចេកទេសដាំដុះនេះគឺអនុវត្តតាមមន្ទីរជំនាញដែលបានចុះមកបង្ហាត់បង្រៀន។ កសិកររូបនេះបានបន្តថា នៅពេលប្រមូលផលជារៀងរាល់ឆ្នាំគាត់អាចប្រមូលផលបានចាប់ពី ៥ ទៅ ៦ តោនក្នុង ១ ហិតា។
ជាចុងក្រោយលោកស្នើដល់ក្រសួងកសិកម្មមេត្តាជួយដោះស្រាយបញ្ហារឿងតម្លៃទីផ្សារផង។ ពេលខ្លះទោះគាត់ខំធ្វើបានច្រើនមែនតែមិនសូវចំណេញប៉ុន្មានដែរទេព្រោះចំណាយលើជីថ្នាំអស់ច្រើន៕
អត្ថបទ៖ លី រតនា
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានជាតិ៥ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត