កម្ពុជានឹងបន្តធ្លាក់ភ្លៀងមួយសប្ដាហ៍ដោយសារឥទ្ធិពលជ្រលងសម្ពាធទាប

ក្រសួងធនធានទឹក និងឧតុនិយមនៅថ្ងៃទី ៣០ ខែឧសភានេះ បានចេញចេក្តីជូនដំណឹងស្តីពីស្ថានភាពអាកាសធាតុ ប្រកាសថា មួយសប្តាហ៍ខាងមុខនេះ ព្រះរាជាណាចក្រកម្ពុជានឹងទទួលនូវឥទ្ធិពលពីជ្រលងសម្ពាធទាប និងខ្យល់មូសុងនិរតី ក្នុងកម្រិតពីមធ្យមទៅបង្គួរចាប់ពីថ្ងៃទី ៣១ ខែឧសភា ដល់ថ្ងៃទី ០៦ ខែមិថុនា ឆ្នាំ២០២៣។

លក្ខណៈបែបនេះនឹងធ្វើឲ្យតំបន់ទំនាបកណ្តាល មានសីតុណ្ហភាពអប្បបរមាពី​ ២៥-២៧°C សីតុណ្ហភាពអតិបរមា មានពី៣៣-៣៥-°C និងអាចមានភ្លៀងធ្លាក់ក្នុងកម្រិតពីខ្សោយទៅមធ្យម លាយលំដោយផ្គរ រន្ទះ និងខ្យល់កន្រ្តាក់។តំបន់ខ្ពង់រាប មានមានសីតុណ្ហភាពអប្បបរមាពី ​២៤-២៦°C សីតុណ្ហភាពអតិបរមា មានពី៣៣-៣៤-°C ។

តំបន់់មាត់សមុទ្រ មានមានសីតុណ្ហភាពអប្បបរមាពី​២៣-២៥°C សីតុណ្ហភាពអតិបរមា មានពី៣០-៣២-°C ។ នៅលើផ្ទៃសមុទ្រនឹងអាចមានភ្លៀងធ្លាក់ ខ្យល់ ផ្គរ រន្ទះ និងរលកសមុទ្រខ្ពស់។

ជាមួយគ្នានេះ ក្រសួងធនធានទឹក និងឧតុនិយម បានអំពាវនាវដល់សារធារណជនឲ្យបង្កើនការប្រុងប្រយ័ត្ន ចំពោះបាតុភូតុធម្មជាតិដែលអាចកើតមានឡើងជាយថាហេតុ៕