ព័ត៌មានជាតិ
ក្រសួងវប្បធម៌ បើកវគ្គបណ្តុះបណ្តាលស្តីពី«កិច្ចការពារកុមារពីការកេងប្រវ័ញ្ចផ្លូវភេទលើកុមារតាមប្រព័ន្ធអនឡាញ»
ក្រសួងវប្បធម៌ និងវិចិត្តសិល្បៈ បានសហការជាមួយក្រុមប្រឹក្សារជាតិដើម្បីកុមារ បើកវគ្គបណ្តុះបណ្តាលស្តីពី «កិច្ចការពារកុមារពីការកេងប្រវ័ញ្ចផ្លូវភេទលើកុមារតាមប្រព័ន្ធអនឡាញ» ក្រោមវត្តមានលោក ស្រី សួន រដ្ឋលេខាធិការក្រសួងវប្បធម៌ និងវិចិត្តសិល្បៈ និងជាតំណាងដ៏ខ្ពង់ខ្ពស់លោកជំទាវបណ្ឌិតសភាចារ្យ ភឿង សកុណា រដ្ឋមន្រ្តីក្រសួងវប្បធម៌ និងវិចិត្រសិល្បៈ។
ថ្លែងក្នុងពីធីនៅថ្ងៃទី១៤ ខែមិថុនា នេះ លោករដ្ឋលេខាធិការបានលើកឡើងថា រាជរដ្ឋាភិបាលកម្ពុជា បានយកចិត្តទុកដាក់ខ្លាំងខ្លាបំផុងក្នុងការលើកតម្កើងសិទ្ធិកុមារ ដោះស្រាយបង្ការ ទប់ស្កាត់ បញ្ហាផ្សេងៗរបស់កុមារ និងចាត់ទុកកុមារជាអ្នកបន្តវេនរបស់ប្រទេសជាតិ ជាក់ស្តែងកម្ពុជាបានផ្តល់សច្ចាប័នលើលិខិតតុបករណ៍អន្តរជាតិជាច្រើនដូចជា សន្ធិសញ្ញា កតិការណ៍សញ្ញា ពិធីសារ សេចក្តីថ្លែងការណ៍ ជាដើម និងបានតាក់តែងច្បាប់ លិខិតបទដ្ឋានគតិយុត្តនានា គោលនយោបាយជាតិ ផែនការណ៍សកម្មភាពជាតិ ដែលទាក់ទងនឹងកុមារ សំដៅពង្រឹងកិច្ចការពារកុមារពីការរងគ្រោះទាំងឡាយ ពិសេសពេលបច្ចុប្បន្នការកេងប្រវ័ញ្ចផ្លូវភេទលើកុមារតាមប្រព័ន្ធអនឡាញ គឺជាបញ្ហាសកលដែលពិភពលោកកំពុងតែយកចិត្តទុកដាក់ និងរួមគ្នាដើម្បីបង្ការទប់ស្កាត់ និងឆ្លើយតបការរំលោភបំពានក្នុងបរិបទប្រព័ន្ធបច្ចេកវិទ្យាព័ត៌មាននេះ។ ម្យ៉ាងទៀតក្នុងរយៈពេលវិបត្តិកូវីដ-១៩ កំពុងរាតត្បាតពិភពលោកការប្រើប្រាស់ប្រព័ន្ធបច្ចេកវិទ្យាព័ត៌មាន ពិសេសបណ្តាញសង្គមផ្សេងៗ រឹតតែមានសារៈសំខាន់ក្នុងការប្រាស្រ័យទាក់ទង និងដោះស្រាយគ្រប់បញ្ហា រួមទាំងការសិក្សាអប់រំរបស់កុមារ និងយុវវ័យទាំងនៅទីក្រុងនិងជនបទ។ ប៉ុន្តែទោះបីយើងទទួលបានផលប្រយោជន៍ពីការរីកចម្រើនផ្នែកបច្ចេកវិទ្យាព័ត៌មានបែបនេះពិតមែន ក៏មានករណីអវិជ្ជមានមួយចំនួនបានកើតឡើងផងដែរដោយសារការប្រើប្រាស់ខុសគោលដៅរបស់អ្នកប្រើប្រាស់ និងការឆ្មក់ឱកាសពីក្រុមឧក្រិដ្ឋជនប្រើប្រាស់ប្រព័ន្ធនេះដើម្បីកេងប្រវ័ញគ្រប់រូបភាពលើកុមារដែលជាទម្រង់ថ្មីមួយកំពុងរាលដាល និងបង្កហានីភ័យខ្ពស់ដល់កុមារនៅលើពិភពលោករួមទាំងកម្ពុជាផងដែរ។
លោកបន្តទៀតថា ដោយមើលឃើញនូវបញ្ហាប្រឈម និងផលប៉ះពាល់ជាអវិជ្ជមានធ្ងន់ធ្ងរបែបនេះហើយ ទើបបានជាក្រុមការងារដើម្បីកុមាររបស់ក្រសួងវប្បធម៌ និងវិចិត្រសិល្បៈ សហការជាមួយក្រុមប្រឹក្សារជាតិដើម្បីកុមារ បើកវគ្គបណ្តុះបណ្តាលវគ្គបណ្តុះបណ្តាលស្តីពី«កិច្ចការពារកុមារពីការកេងប្រវ័ញ្ចផ្លូវភេទលើកុមារតាមប្រព័ន្ធអនឡាញ»នាថ្ងៃនេះ។
គួរបញ្ជក់ផងដែរថា វគ្គបណ្តុះបណ្តាលនៅថ្ងៃនេះគឺឆ្លើយតបទៅនឹងអនុសាសន៍ដែលសម្ដេចក្រឡាហោម ស ខេង បានដាក់ចេញថ្មី-ពង្រឹងបណ្តាញប្រឆាំងបទល្មើសបច្ចេកវិទ្យា និងសមត្ថភាពអនុវត្តនៅថ្នាក់ក្រោម ជាតិ ដោយរួមសហការជាមួយដៃគូពាក់ព័ន្ធជាតិនិងអន្តរជាតិ ក្នុងការបង្ការទប់ស្កាត់ និងឆ្លើយតបករណីរូបភាព និងសម្ភាសន៍ អាសអាភាសលើកុមារឱ្យបានទាន់ពេលវេលា៕
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ