ព័ត៌មានជាតិ
ទំនងស្រវឹង! បើកម៉ូតូទៅបុករថយន្ត ស្លាប់ម្នាក់ របួសធ្ងន់ម្នាក់
បន្ទាយមានជ័យ៖ បុរសម្នាក់ស្លាប់ ម្នាក់ទៀតរបួសធ្ងន់ ក្នុងករណីគ្រោះថ្នាក់ចរាចរណ៍ នៅវេលាម៉ោង៥ល្ងាច ថ្ងៃទី២៣ ខែមករា ឆ្នាំ២០២១ ចំណុចផ្លូវកោង លើកំណាត់ផ្លូវក្រាលកៅស៊ូ ពីឃុំបត់ត្រង់ទៅឃុំរហាត់ទឹក ស្រុកមង្គលបូរី ខេត្តបន្ទាយមានជ័យ ។
លោកវរសេនីយ៍ទោ សួន នីប៉ូ នាយរងការិយាល័យ នគរបាលចរាចរណ៍បានឲ្យដឹងថា ម៉ូតូម៉ាកហុងដាឌ្រីម ពណ៌ ក្រហម ពាក់ស្លាកលេខ ប.មានជ័យ 1H-1303 បើកដោយឈ្មោះ រឿង រ៉ាវុធ ភេទប្រុស អាយុ ៣០ ឆ្នាំ នៅភូមិត្រសេកជុំ ឃុំម៉ាឡៃ ស្រុកម៉ាឡៃ ខេត្តបន្ទាយមានជ័យ។ រីឯអ្នករួមដំណើរឈ្មោះ គល់ ផានី ភេទប្រុស អាយុ ២៩ ឆ្នាំ នៅភូមិរង្វាន់លិច ឃុំចំណោម ស្រុកមង្គលបូរី ខេត្តបន្ទាយមានជ័យ ។
លោកវរសេនីយ៍ទោបញ្ជាក់ថា នៅមុនពេលកើតហេតុ អ្នកបើកម៉ូតូបើកពីលិចទៅកើតក្នុងល្បឿនលឿនដូចហោះដល់ចំណុចផ្លូវកោងខ្លាំង ចាប់ចង្កូតមិនទាន់ក៏ជ្រុលទៅបុករថយន្តមួយគ្រឿងម៉ាកនីសាន់ ប្រភេទដឹកទំនិញពណ៌បៃតង ពាក់ផ្លាកលេខ បាត់ដំបង 2A-7217 ចំពីមុខពេញទំហឹងបណ្តាលឲ្យអ្នកបើកម៉ូតូស្លាប់នៅនឹងកន្លែង ចំណែកអ្នករួមដំណើររងរបួសធ្ងន់។
ក្រោយពីកើតហេតុហើយអ្នកបើករថយន្តរត់គេចខ្លួនបាត់បន្សល់ទុកតែរថយន្តនៅកន្លែងគ្រោះថ្នាក់។ លោកសួន នីប៉ូ បបញ្ជាក់ឲ្យដឹងទៀតថា គ្រោះថ្នាក់នេះអ្នកបើកម៉ូតូសង្ស័យស្រវឹង ហើយបើកមានល្បឿនលឿន ដល់ចំណុចផ្លូវកោងខ្លាំងជ្រុលចង្កូតទៅបុករថយន្តចំពីមុខអ្នករងរបួសបាននាំយកទៅសង្រ្គោះនៅមន្ទីរពេទ្យ ចំណែកអ្នកស្លាប់បានប្រគល់សពជូនក្រុមគ្រួសារចាត់ចែងធ្វើបុណ្យតាមប្រពៃណី។ ដោយឡែក រថយន្ត និងម៉ូតូយកទៅរក្សាទុកនៅអធិការដ្ឋាននគរបាលស្រុកមង្គលបូរី ក្រោយពីនគរបាលចរាចរណ៍បានពិនិត្យវាស់វែងរួច ៕
អត្ថបទ៖ វ៉ាន់ណាង
ចុចអាន៖ ឃ្មុំធម្មជាតិដែលពលរដ្ឋស្វែងរកនៅបឹងទន្លេសាប បានដាក់លក់នៅផ្សារបន្លែច្បារអំពៅ
ចុចអាន៖ សមត្ថកិច្ចថៃ ឃាត់ខ្លួនឃាតកបានហើយ ករណីឃាតកម្មលើពលករខ្មែរដូចគ្នា
-
ព័ត៌មានជាតិ២ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៥ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៤ ម៉ោង ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
កីឡា៦ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៤ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សន្តិសុខសង្គម១ ថ្ងៃ ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
សន្តិសុខសង្គម១១ ម៉ោង ago
បឋម៖ អគ្គិភ័យកំពុងឆេះផ្ទះពលរដ្ឋក្នុងបុរីពិភពថ្មីកំបូល
-
សន្តិសុខសង្គម១ សប្តាហ៍ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)