ព័ត៌មានជាតិ
សន្លឹកឆ្នោត ឯកសារ និងសម្ភារៈសំខាន់ៗ បម្រើឲ្យការបោះឆ្នោត បានដឹកជញ្ជូនដាក់តាមការិយាល័យខេត្តសៀមរាបរួចរាល់
នៅថ្ងៃទី ២២ ខែកក្កដា ឆ្នាំ ២០២៣ នេះ លោក នឹម វ៉ាន់សំ ប្រធានលេខាធិការដ្ឋានរៀបចំការបោះឆ្នោតខេត្តសៀមរាប និងមន្ត្រី នៃគណៈកម្មការរៀបចំការបោះឆ្នោត ហៅកាត់ថា គ.ជ.ប បានឲ្យកម្ពុជាថ្មី ដឹងថា ឯកសារ និងសម្ភារៈសំខាន់ៗ ដែលបម្រើឲ្យការបោះឆ្នោតជ្រើសតាំងតំណាងរាស្ត្រអាណត្តិទី ៧ បានធ្វើការដឹកជញ្ជូនដាក់តាមការិយាល័យក្នុងខេត្តសៀមរាប ជាមួយនឹងកងកម្លាំងការពារ ប្រកបដោយសុវត្ថិភាព។
លោក នីម វ៉ាន់សំ បង្ហាញឲ្យដឹងថា ឯកសារ និងសម្ភារៈសំខាន់ៗ ដែលលេខាធិការដ្ឋានរៀបចំការបោះឆ្នោតខេត្តទទួលបាននោះរួមមាន ៖ បញ្ជីបោះឆ្នោត ,សន្លឹកឆ្នោត ,ត្រាសម្ងាត់ ,និងទឹកខ្មៅលុបមិនជ្រះ ព្រមទាំងសម្ភារៈសំខាន់ៗ មួយចំនួនទៀត ជាមួយការការពារយ៉ាងត្រឹមត្រូវ។
លោកបន្តថា សម្ភារៈ និងឯកសារបម្រើឲ្យការបោះឆ្នោតនោះ នឹងដឹកជញ្ជូនទៅតាមបណ្ដាឃុំ-សង្កាត់ ដែលមានកិច្ចសហការ និងសម្របសម្រួលដឹកជញ្ជូនពីសមត្ថកិច្ច អាជ្ញាធរដែនដី។
ជាមួយគ្នានោះ លោកក៏បានបង្ហាញថា នៅទូទាំងខេត្តសៀមរាប អ្នកមានសិទ្ធបោះឆ្នោតមានចំនួន ៦១៨,៨៣៥ នាក់ និងមានការិយាល័យបោះឆ្នោតចំនួន ១៥២១ ការិយាល័យ។ ចំណែកអ្នកសង្កេតការណ៍ជាតិ មកពីអង្គការ និងសមាគម មានចំនួន ជាង ៧,៦០០ នាក់៕
អត្ថបទ ៖ គឿនវេត
-
ព័ត៌មានអន្ដរជាតិ២១ ម៉ោង agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
សេចក្ដីជូនដំណឹង២ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ៧ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៦ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ