ព័ត៌មានជាតិ

សម្ដេចក្រឡាហោម ស ខេង ស្នើឲ្យគណៈមេធាវីកម្ពុជាខិតខំបង្កើន ការជួយដោះស្រាយនិងការពារក្តីដល់ពលរដ្ឋក្រីក្រី

បានផុស

៥ years មុន

នៅ

ថ្ងៃពុធ ២៧ មករា ២០២១

ដោយ

សម្ដេចក្រឡាហោម ស ខេង ឧបនាយករដ្ឋមន្ដ្រី រដ្ឋមន្ដ្រីក្រសួងមហាផ្ទៃបានស្នើឲ្យគណៈមេធាវីកម្ពុជាជួយការពារក្តីដល់ប្រជាពលរដ្ឋ ដែលមានជីវភាពក្រីក្រីមិនមានលទ្ធភាពជួលមេធាវីការពារ ដោយមិនត្រូវគិតអំពីនិន្នាការនយោបាយនិងសាសនាអ្វីនោះឡើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅក្នុងជំនួបពិភាក្សាការងារជាមួយ ក្រុមប្រឹក្សាគណៈមេធាវីកម្ពុជា នារសៀលថ្ងៃទី២៧ មករានេះនៅទីស្ដីការក្រសួងមហាផ្ទៃ សម្ដេចក្រឡាហោម ស ខេង បានជំរុញទៅដល់ លោក លី ច័ន្ទតុលា ដែល ជាប់ឆ្នោតជាប្រធានគណៈមេធាវីកម្ពុជាថ្មី និងសមាជិកគណៈមេធាវីទាំងអស់ ត្រូវបន្ដបេសកកម្មពីគណៈមេធាវីមុនៗ ជាពិសេសបង្កើនការដោះស្រាយពាក្យបណ្តឹង និងជួយរកដំណោះស្រាយ(ការពារក្តី) ជូនដល់បងប្អូនប្រជាពលរដ្ឋឲ្យបានល្អប្រសើបន្ថែមទៀត ដោយមិនត្រូវគិតអំពីនិន្នាការនយោបាយ និងសាសនាអ្វីនោះឡើយ ខណៈការដោះស្រាយនាពេលកន្លងទៅមានភាព វិជ្ជមានច្រើនជាងមុននោះ។

សម្ដេចក្រឡាហោម ស ខេង សង្ឃឹមថា គណៈមេធាវីថ្មីរបស់កម្ពុជា នឹងដើរតួនាទីកាន់តែសកម្មបន្ថែមទៀត ដើម្បីជួយដោះស្រាយបញ្ហានានា ក្នុងសង្គមជាតិ ជាពិសេស ពង្រឹងប្រព័ន្ធយុត្តិធម៌នៅកម្ពុជា ឲ្យកាន់តែមានប្រសិទ្ធភាពខ្ពស់បន្ថែមទៀត៕