ព័ត៌មានជាតិ

បើកទាក់ខ្សែភ្លើងបាក់សង្កត់រថយន្ដមួយគ្រឿងទៀត

បានផុស

៣ years មុន

នៅ

ថ្ងៃព្រហស្បតិ៍ ២៨ មករា ២០២១

ដោយ

រថយន្តក្រឡុកស៊ីម៉ងត៍របស់ក្រុមហ៊ុនចិន បើកទាក់ខ្សែភ្លើងទាញបាក់បង្គោលថ្មមួយដើមសង្កត់លើរថយន្តក្រឡុកស៊ីម៉ងត៍មួយគ្រឿងទៀតរងការខូចខាត និងធ្លាក់ដាច់ខ្សែភ្លើងរាយប៉ាយពេញផ្លូវ។

ហេតុការណ៍នេះ បានកើតឡើងកាលពីវេលាម៉ោង៩និង៤០នាទីព្រឹក ថ្ងៃទី២៨ ខែមករា ឆ្នាំ២០២១ នៅផ្លូវបេតុងចូលមន្ទីរពេទ្យបង្អែកពោធិ៍ចិនតុង ភូមិតាងួន សង្កាត់កាកាបទី១ ខណ្ឌពោធិ៍សែនជ័យ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ព័ត៌មានពីកន្លែងកើតហេតុបានប្រាប់ថា រថយន្តបង្កជារបស់ក្រុមហ៊ុន ចៀន សិន យាន ពណ៌ ស លាយខៀវ ពាក់ស្លាកលេខភ្នំពេញ5A 2791 បើកចូលការដ្ឋានហើយបានទាក់ខ្សែភ្លើងទាញទាំងបង្គោលភ្លើងបណ្តាលឲ្យបាក់មួយដើមទៅសង្កត់ទៅលើរថយន្តក្រឡុកស៊ីម៉ងត៍មួយគ្រឿងទៀត ដែលបើកមកពីក្រោយ បណ្តាលឲ្យរងការខូចខាត និងធ្លាក់ខ្សែភ្លើងរាយប៉ាយពេញផ្លូវ តែសំណាងល្អមិនបង្កឲ្យមានមនុស្សរងរបួសនោះទេ។

សមត្ថកិច្ចមូលដ្ឋានបានចុះទៅដល់ចំណុចកើតហេតុ ដោយសារបង្គោលភ្លើងជាកម្មសិទ្ធរបស់ប្រជាពលរដ្ឋក្នុងមូលដ្ឋាននោះ ទើបធ្វើការសម្របសម្រួល ដោយភាគីខាងរថយន្តបង្ក ព្រមជួសជុលជូនប្រជាពលរដ្ឋវិញដើម្បីបញ្ចប់រឿង៕

អត្ថបទ ៖ សុខុម