មន្ទីរកសិកម្មខេត្តព្រៃវែង បើកវគ្គបណ្តុះបណ្តាលបច្ចេកទេស​ត្រួតពិនិត្យគុណភាពគ្រាប់ពូជស្រូវ

នៅមន្ទីរកសិកម្ម រុក្ខាប្រមាញ់ និងនេសាទខេត្តព្រៃវែង បានរៀបចំពិធីបើកវគ្គបណ្តុះបណ្តាលបច្ចេកទេស​ត្រួតពិនិត្យគុណភាពគ្រាប់​ពូជ​ស្រូវដល់​សហគមន៍កសិកម្ម នៅថ្ងៃទី១២ ខែកញ្ញា ឆ្នាំ២០២៣ ។

វគ្គបណ្តុះបណ្តាលនេះ មានការអញ្ជើញចូលរួមពីលោក គិត សេង អនុរដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ និងជានាយកអង្គភាព MAFF-NIO នៃកម្មវិធី Rice-SDP លោក អ៊ុក សំណាង ប្រធានមន្ទីកសិកម្ម រុក្ខាប្រមាញ់ និងនេសាទខេត្តព្រៃវែង លោក អោម ពេជ្រ ប្រធាននាយកដ្ឋានពូជដំណាំ និងជាប្រធានសម្រប​សម្រួល​គម្រោងអង្គភាព MAFF-NIO។  វគ្គបណ្តុះបណ្តាលនេះ បានចូលរួមសហការជាមួយ អង្គភាព MAFF-NIO នៃកម្មវិធីជំរុញផលិតកម្មស្រូវ និងការនាំចេញអង្ករ(Rice-SDP) ដោយមានសិក្ខាកាមចូលរួមជាតំណាង​មកពីសហគមន៍​កសិកម្មចំនួន៥សហគមន៍ នៅខេត្តព្រៃវែង។

សូមបញ្ជាក់ថា គោលបំណងសំខាន់ នៃវគ្គបណ្តុះបណ្តាលនេះ ទី១.បង្កើនសមត្ថភាពជំនាញដល់អ្នកត្រួត​ពិនិត្យគ្រាប់​ពូជស្រូវ នៅគ្រប់ដំណាក់កាល នៃផលិតកម្មគ្រាប់ពូជស្រូវ, ទី២. ផ្តល់បទពិសោធន៍ក្នុងការអនុវត្តការងារវិញ្ញាបនបត្រ​គ្រាប់ពូជ ការត្រួតពិនិត្យគុណភាព និងការធ្វើតេស្តគ្រាប់ពូជស្រូវ និងទី៣.បង្ហាញនូវទម្រង់ការសុំសិទ្ធិនៃការចេញស្លាក និងការបិទស្លាក៕

អត្ថបទ ៖ សៅគ្រី