ព័ត៌មានជាតិ

សិក្ខាសាលាចែករំលែកព័ត៌មានស្តីពី«កម្មវិធីលទ្ធភាពទទួលបានហិរញ្ញវត្ថុ» សម្រាប់សហគ្រាសធុនមីក្រូ តូច និងមធ្យម

បានផុស

៥ years មុន

នៅ

ថ្ងៃសៅរ៍ ២៣ មករា ២០២១

ដោយ

ខេត្តសៀមរាបះកាលពីរសៀលថ្ងៃទី២៣ ខែមករា ឆ្នាំ២០២១ សមាគមសហគ្រិនវ័យក្មេងកម្ពុជា សាខាខេត្តសៀមរាប បានរៀបចំសិក្ខាសាលាស្តីពី “កម្មវិធីលទ្ធភាពទទួលបានហិរញ្ញវត្ថុ សម្រាប់សហគ្រាស ធុនមីក្រូ តូច និងមធ្យម (Access to Finance Program for MSMEs)” នៅសណ្ឋាគារ Empress Angkor ក្រុងសៀមរាប ដោយមានអ្នកចូលរួមជាសមាជិកសមាជិកាសមាគម តំណាងសហគ្រាសធុនមីក្រូ តូច និង មធ្យម និង អ្នកសារព័ត៌មាននានា សរុបជាង ៥០ នាក់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សិក្ខាសាលានេះ ត្រូវបានរៀបចំឡើងដោយមានការធ្វើបទបង្ហាញពីមន្ត្រីកម្មវិធី កញ្ញា នាង សុវ៉ាតថា និង អ្នកតំណាងមកពីធនាគារធនាគារ វឌ្ឍនៈ អាស៊ី ចំកាត់ (ABA) ធនាគារ ព្រីនស៍ ម.ក និង ធនាគារស្ថាបនា ភីអិលស៊ី ដែលជាវាគ្មិនកិត្តិយសដើម្បី ចែករំលែកផ្សព្វផ្សាយពីខ្លឹមសារ និង អត្ថប្រយោជន៍នៃកម្មវិធីនេះរួមមានរបៀប និង សកម្មភាពដើម្បីសហគ្រាសធុនមីក្រូ តូច និងមធ្យមក្នុងការដាក់ពាក្យស្នើសុំប្រាក់កម្ចី និង តើឯកសារអ្វីខ្លះដែលជាតម្រូវការរបស់ធនាគារ។ ក្នុងនោះក៏មានតំណាងធនាគារក្នុងខេត្តសៀមរាប ចែករំលែកអំពី ព័ត៌មាននៃផលិតផលកម្ចីរបស់ធនាគារខ្លួន និង លក្ខខណ្ឌតម្រូវផ្សេងៗដែលសហគ្រិនត្រូវបំពេញ ដើម្បីស្នើសុំកម្ចី ព្រមទាំង កញ្ចប់សេវាកម្មនានាជូនដល់អ្នកចូលរួម ផងដែរ។

ថ្លែងក្នុងឱកាសនោះ លោក ឡាយ គីមសួរ ប្រធានសមាគមសហគ្រិនវ័យក្មេងកម្ពុជាសាខាខេត្តសៀមរាប បានមានមានប្រសាសន៍ថា ជាការឆ្លើយតបទៅនឹងយុទ្ធសាស្ត្រឆ្នាំ២០២៥ និង ស្រោចស្រង់អាជីវកម្មដែលកំពុងជួបប្រទះបញ្ហាក្នុងអំឡុងពេលការរិករាលដាលនៃជំងឺConvid-19 បន្ថែមពីលើកម្មវិធីនេះ សមាគមសហគ្រិនវ័យក្មេងកម្ពុជា ក៏បានផលិតចេញនូវកូនសៀវភៅមគ្គុទេសធនាគារ ដែលក្នុងកូនសៀវភៅនេះ បានបង្ហាញពីអត្រាការប្រាក់កម្ចី ឯកសារតម្រូវការក្នុងការដាក់កម្ចី និងលក្ខខណ្ឌនានាដែលចាំបាច់ និងព័ត៌មានច្រើនទៀតសម្រាប់សហគ្រិនក្នុងការស្វែងយល់ និងធ្វើការជ្រើសរើសស្ថាប័នហិរញ្ញវត្ថុណាមួយដែលត្រូវនឹងតម្រូវការ និងលក្ខខណ្ឌរបស់ខ្លួន។

កម្មវិធីលទ្ធភាពទទួលបានហិរញ្ញវត្ថុ សម្រាប់សហគ្រាស ធុនមីក្រូ តូច និងមធ្យម (Access to Finance Program for MSMEs) គឺជាកម្មវិធីបង្កើតឡើងដោយសមាគមសហគ្រិនវ័យក្មេងកម្ពុជា (YEAC) ដោយមានការសហការឧបត្ថម្ភថវិកាពីសហគ្រិនខ្មែរ និងគម្រោងមូលនិធិទឹកប្រាក់ចំនួន 1 លានដុល្លាររបស់ក្រុមហ៊ុនស្មាត ដើម្បីប្រឆាំងវីរុសកូវីដ ១៩ ក្នុងគោលបំណង ផ្តល់ជំនួយបច្ចេកទេស ទៅកាន់សហគ្រាសធុនមីក្រូតូច និង មធ្យម ក្នុងការដាក់ពាក្យកម្ចីទៅស្ថាប័នហិរញ្ញវត្ថុនានា។

សហគ្រាសធុនមីក្រូ តូច និងមធ្យមដែលជាប់ចូលរួមក្នុងកម្មវិធីនេះ នឹងទទួលបានការវាយតម្លៃជាមុនក្នុងការដាក់ពាក្យសុំប្រាក់កម្ចី ជំនួយរៀបចំឯកសារក្នុងការដាក់ស្នើសុំប្រាក់កម្ចី ជាពិសេសដោយមានការសហការពីក្រុមហ៊ុនបញ្ជី សហគ្រាសធុនមីក្រូ តូច និងមធ្យម នឹងទទួលបានជំនួយបច្ចេកទេសក្នុងការអភិវឌ្ឍន៍ប្រព័ន្ធហិរញ្ញវត្ថុ និងរបាយការណ៍ហិរញ្ញវត្ថុ ដើម្បីដាក់ពាក្យកម្ចីកាន់តែមានប្រសិទ្ធិភាព៕

អត្ថបទ៖ គឿនវេត

Related Topics:ហិរញ្ញវត្ថុ

ព័ត៌មានអន្ដរជាតិ១៩ ម៉ោង ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេដ្ឋកិច្ច៣ ថ្ងៃ ago

ធនាគារ ARDB ចាក់បញ្ចូលទុនលើស្វាយចន្ទី និងដំឡូងមី

ព័ត៌មានជាតិ១ សប្តាហ៍ ago

រដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ

សេចក្ដីជូនដំណឹង២ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា