ព័ត៌មានជាតិ
កម្ពុជា គ្រោងស្នើដាក់បញ្ចូលសារមន្ទីរគុកទួលស្លែង ជាសម្បត្តិបេតិកភណ្ឌ នៃការចងចាំពិភពលោក
កម្ពុជា គ្រោងស្នើដាក់បញ្ចូលសារមន្ទីរគុកទួលស្លែង ជាសម្បត្តិបេតិកភណ្ឌ នៃការចងចាំពិភពលោក។ នេះបើតាមការព្រលយឱ្យដឹងពី លោក គង់ ពុទ្ធិកា អគ្គនាយក នៃអាជ្ញាធរជាតិព្រះវិហារ នៅក្នុងសន្និសីទសារព័ត៌មានពីសន្និសីទសារព័ត៌មាន ស្ដីភាពជោគជ័យនៃការដាក់បញ្ចូលរមណីយដ្ឋានប្រាសាទកោះកេរ ក្នុងបញ្ជីសម្បត្តិបេតិកភណ្ឌពិភពលោក នាល្ងាចថ្ងៃទី១៩ខែកញ្ញា។
ពីសន្និសីទសារព័ត៌មានដែលរៀបចំនៅអាកាសយានដ្ឋានអន្តរជាតិភ្នំពេញ លោក គង់ ពុទ្ធិកា បានព្រលយឱ្យដឹងថា “លោកស្រី ភឿង សកុណា រដ្ឋមន្ត្រីក្រសួងវប្បធម៌ និងវិចិត្រសិល្បៈ បាននឹងកំពុងខិតខំប្រឹងប្រែងស្នើសុំដាក់បញ្ចូលសារមន្ទីរគុកទួលស្លែង ចូលជាសម្បត្តិបេតិកភណ្ឌនៃការចងចាំពិភពលោក”។
ចំពោះមូលហេតុដែល លោកស្រី ភឿង សកុណា ព្យាយាមស្នើដាក់បញ្ចូលសារមន្ទីរគុកទួលស្លែងជាសម្បត្តិបេតិភណ្ឌនៃការចងចាំពិភពលោកនេះ “ដើម្បីឱ្យពិភពលោកចងចាំថា អ្វីដែលកើតឡើងនៅគុកទួលស្លែងកំឡុងរបបប្រល័យពូជសាសន៍ខ្មែរក្រហម គឺជាមេរៀនមួយដែលមិនត្រូវកើតមានឡើងនៅក្នុងពិភពលោក”។ នេះជាការគូសបញ្ជាក់បន្ថែមរបស់ លោក គង់ ពុទ្ធិកា។
ជាការរំលឹកឡើងវិញ សារមន្ទីរគុកទួលស្លែងគឺគុកមួយក្នុងចំណោមគុកចំនួន១៩៦នៅទូទាំងកម្ពុជា ក្នុងរបបប្រល័យពូជសាសន៍ខ្មែរក្រហមចាប់ពីឆ្នាំ១៩៧៥ ដល់ឆ្នាំ១៩៧៩។ តាមរយៈសាវតាសង្ខេបរបស់គុកទួលស្លែង នៅក្នុងរបបខ្មែរក្រហម មានមនុស្សយ៉ាងហោចណាស់២០ ០០០នាក់ រាប់ទាំងជនជាតិខ្មែរ និងជនជាតិបរទេស ត្រូវបានពួកខ្មែរក្រហមសម្លាប់យ៉ាងសាហាវព្រៃផ្សៃជាទីបំផុត។
នៅជុំវិញរឿងរ៉ាវដ៏សាហាវព្រៃផ្សៃ នៃគុកទួលស្លែង កំឡុងពេលមកចូលរួមកិច្ចប្រជុំកំពូលអាស៊ានលើកទី៤០ និង៤១ ដែលកម្ពុជាធ្វើជាម្ចាស់ផ្ទះកាលពីខែវិច្ឆិកា ឆ្នាំ២០២២ លោក អង់តូរីញ៉ូ ហ្គាត់ធឺរ៉ែស អគ្គលេខាធិការអង្គការសហប្រជាជាតិ បានទៅទស្សនាគុកទួលស្លែងផ្ទាល់។ ក្នុងពេលទៅទស្សនាសារមន្ទីរគុកទួលស្លែង លោក អង់តូរីញ៉ូ ហ្គាត់ធឺរ៉ែស បានថ្លែងដោយមានការបកប្រែជាខេមរភាសា ហើយបានចុះផ្សាយដោយវិទ្យុសម្លេងសហរដ្ឋអាមេរិក VOA Khmer ថា “ទួលស្លែងគឺជាការក្រើនរំឭកដ៏ចាំបាច់សម្រាប់យើងទាំងអស់គ្នា។ ឥដ្ឋនិងការ៉ូដែលប្រឡាក់ដោយឈាមនៅទីនេះគឺជាការព្រមានដល់យើងទាំងអស់គ្នា។ យើងចាំបាច់ត្រូវធ្វើអ្វីៗទាំងអស់ដើម្បីរក្សាទុកការចងចាំអំពើឃោរឃៅដែលត្រូវបានប្រព្រឹត្តនៅទីនេះ គឺប្រទេសកម្ពុជា។ ការចងចាំវាលពិឃាត ការចងចាំសាលារៀននេះ ហើយពួកគេត្រូវនាំយករឿងនេះទៅប្រាប់អ្នកជំនាន់គ្រប់ទិសទីចំពោះស្ថានភាពបែបនេះ ដែលដាច់ខាតមិនត្រូវបានធ្វើឲ្យកើតឡើងបានជាថ្មីម្តងទៀតនោះឡើយ”។
នៅជុំវិញទិដ្ឋភាព នៃការស្នើដាក់សម្បត្តិផ្សេងៗរបស់កម្ពុជាចូលជាសម្បត្តិបេតិកភណ្ឌពិភពលោកវិញ បើតាមការបញ្ជាក់ឱ្យដឹងរបស់លោក គង់ពុទ្ធិកា ក្រៅពីការស្នើដាក់បញ្ចូលសារមន្ទីរគុកទួលស្លែងជាសម្បត្តិបេតិកភណ្ឌនៃការចងចាំពិភពលោក លោកស្រី ភឿង សកុណា បាននឹងកំពុងរៀបចំឯកសារស្នើសុំដាក់បញ្ចូលក្រមាខ្មែរជាសម្បត្តិបេតិកភណ្ឌពិភពលោកវប្បធម៌អរូបី ក៏ដូចជាស្នើដាក់បញ្ចូលប្រាសាទដទៃទៀតរបស់កម្ពុជាចូលជាសម្បត្តិបេតិកភណ្ឌពិភពលោក៕
ដោយ៖ ង៉ិល ណារ៉ាត់
តំណាងរាស្ត្រខេត្តរតនគិរី ឱ្យពលរដ្ឋនៅក្បែរទន្លេស្រែពកប្រុងប្រយ័ត្ន និងត្រៀមខ្លួនទៅរកទីទួលសុវត្ថិភាព បើភ្លៀងបន្តធ្លាក់ខ្លាំង
តូចចិត្តខ្លួនឯងមានជំងឺប្រចាំកាយ យកកូនកាំបិតចាក់សម្លាប់ខ្លួនក្នុងបន្ទប់
ទូតស្រីលង្ការចប់អាណត្តិការងារ ប្ដេជ្ញាបន្តជួយផ្សព្វផ្សាយអំពីសក្ដានុពលកម្ពុជាដល់ប្រជាជនស្រីលង្កា
ជលផលខេត្តកំពង់ចាមបង្ក្រាបលូស្បៃម៉ុងបានចំនួន៩មាត់ នៅស្រុកកងមាស
ជនចំណាកស្រុករាប់ពាន់នាក់សម្រុកចូលទឹកដីអាមេរិកឲ្យបានមុនការបោះឆ្នោត
ភរិយាលោកគ្រូ អេ ភូថង ចេញសារសុំទោសរឿងតវ៉ាម្សិលមិញ
ត្រួសៗអំពីលោកស្រី កាម៉ាឡា ហារីស ដែលលោក បៃដិន គាំទ្រជាបេក្ខភាពប្រធានាធិបតីអាមេរិក
តេស្ដរកសារធាតុញៀន៖ មនុស្ស៩៧នាក់ប៉ុណ្ណោះបានប្រើសារធាតុញៀន ក្នុងចំណោមមន្ត្រី និងកងកម្លាំងជាង៩ម៉ឺននាក់
អាជ្ញាធរម៉ាឡេស៊ី ស្ទាក់ចាប់នាវាដឹកប្រេងដែលរត់គេច ក្រោយបុកគ្នានាវាសិង្ហបុរី
បៃដិនដកខ្លួន មានន័យថា លោក ត្រាំ ជួបគ្រោះធំក្នុងដំណើរទៅអង្គុយកៅអីសេតវិមានជាថ្មី
-
ព័ត៌មានជាតិ១ សប្តាហ៍ agoសមត្ថកិច្ចថា បានហៅលោក ផន ផល្លា ទៅអប់រំ ធ្វើកិច្ចសន្យាឱ្យឈប់បង្ហោះអ្វីដែលងាយយល់ច្រឡំ ប៉ះពាល់សន្តិសុខជាតិ
-
ព័ត៌មានជាតិ៧ ថ្ងៃ agoអ្នកឧកញ៉ា ឡេង ណាវ៉ាត្រា គោរពអរគុណនាយកទីចាត់ការហ្វឹកហ្វឺនអគ្គបញ្ជាការផ្តល់កងត្រែទ័ព សម្រួលការថតចម្រៀង( ប្រាំសីហាការដ្ឋានប្រវត្តិសាស្រ្តហ្វូណនតេជោ )
-
ជីវិតកម្សាន្ដ១ សប្តាហ៍ agoព្រឺរោម!! វីដេអូចម្រៀងប្រវត្តិសាស្ត្រ នៃកាបើកការដ្ឋានព្រែកជីកហ្វូណនតេជោ ដែលមានអ្នកច្រៀងរួមគ្នា ជាង៣០០០នាក់
-
សេដ្ឋកិច្ច៧ ថ្ងៃ agoចំណុចចាប់ផ្តើមផ្លូវល្បឿនលឿនភ្នំពេញ-ប៉ោយប៉ែត ស្ថិតនៅខាងជើងវិមានឈ្នះឈ្នះ
-
ព័ត៌មានជាតិ៥ ថ្ងៃ agoត្រីតុកកែមានតម្លៃថ្លៃតាមហាងចិន កំពុងបង្កាត់ពូជនៅមជ្ឈមណ្ឌលវារីវប្បកម្មនៅខេត្តព្រះសីហនុ
-
ព័ត៌មានអន្ដរជាតិ១ សប្តាហ៍ agoជម្លៀសខ្លួនប្រជាជននៅកោះត្រល់ ក្រោយភ្លៀងធ្លាក់ខ្លាំង១២ម៉ោងជាប់គ្នា
-
ព័ត៌មានជាតិ៥ ថ្ងៃ agoក្រុងបាត់ដំបង កំពុងប្រឈមនឹងភក់ជ្រាំ មិនខុសពីទសវត្សរ៍ទី ៨០
-
ព័ត៌មានជាតិ១ សប្តាហ៍ agoបុរស២នាក់ បើកបរក្នុងស្ថានភាពស្រវឹងបុកបង្គោលភ្លើង ក្រឡាប់រថយន្តរងរបួសស្រាល