ព័ត៌មានជាតិ

សមាជិកសភាទូងស្គរអបអរការចុះបូជនីយដ្ឋានចងចាំនៃកម្ពុជាក្នុងបញ្ជីបេតិកភណ្ឌពិភពលោក

បានផុស

១១ ខែ មុន

នៅ

ថ្ងៃអាទិត្យ ១៣ កក្កដា ២០២៥

ដោយ

សមាជិកសភា និងថ្នាក់ដឹកនាំអគ្គលេខាធិការដ្ឋានរដ្ឋសភាបានចូលរួមវាយគង ទូងស្គរ អបអរសារទរការចុះ «បូជនីយដ្ឋានចងចាំនៃកម្ពុជា៖ ពីទីតាំងឧក្រិដ្ឋកម្មមកជា មណ្ឌលផ្សះផ្សានិងសន្តិភាព» ជាសម្បត្តិបេតិកភ័ណ្ឌពិភពលោកនៅព្រឹកថ្ងៃទី១៣ ខែកក្កដា ឆ្នាំ២០២៥នេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បូជនីយដ្ឋានចងចាំនៃកម្ពុជាពីទីតាំងឧក្រិដ្ឋកម្មមកជា មណ្ឌលផ្សះផ្សានិងសន្តិភាព ដែលត្រូវបានចុះក្នុងបញ្ជីបេតិកភណ្ឌពិភពលោក រួមមាន សារមន្ទីរទួលស្លែង (ស២១) វាលពិឃាតជើងឯក និងអតីតមន្ទីរឃុំឃាំង ម១៣ ត្រូវបានគណៈកម្មាធិកាបេតិកភ័ណ្ឌពិភពលោកបានសម្រេចចុះក្នុងបញ្ជីបេតិកភណ្ឌពិភពលោក នាសម័យប្រជុំលើកទី៤៧ នៅក្នុងទីក្រុងប៉ារីសប្រទេសបារាំងកាលពីថ្ងៃទី១១ ខែកក្កដា ឆ្នាំ២០២៥។

គំនិតផ្ដួចផ្ដើមនៃការដាក់បញ្ជូលនេះត្រូវបានលើកឡើងពីឆ្នាំ២០១៩ តាមអនុសាសន៍របស់អតីតនាយករដ្ឋមន្ត្រី សម្ដេចតេជោ ហ៊ុន សែន ដើម្បីបន្សល់ទុកជាមរតកប្រវត្តិសាស្ត្រនៃការចងចាំ សម្រាប់មនុស្សជំនាន់ក្រោយរាប់ពាន់ឆ្នាំតទៅមុខ។

នាយករដ្ឋមន្ត្រីកម្ពុជា សម្ដេចធិបតី ហ៊ុន ម៉ាណែត ថាការដាក់សារមន្ទីរប្រល័យពូជសាសន៍ទាំង៣កន្លែងនៅកម្ពុជាជាសម្បត្តិបេតិកភណ្ឌពិភពលោកគឺជាគំរូមួយចំពោះពិភពលោកស្ដីពីការតស៊ូដ៏យូរអង្វែងរបស់កម្ពុជា ក្នុងការផ្លាស់ប្ដូរដោយជោគជ័យពីរបបប្រល័យពូជសាសន៍ មកជាទឹកដីនៃសន្ដិភាព៕