Connect with us

ព័ត៌មានជាតិ

ពាណិជ្ជកម្មកម្ពុជា-ចិន សម្រេចបានជាង ៩ពាន់លានដុល្លារ កើនឡើងជាង៣% ត្រឹម ៩ខែឆ្នាំនេះ

បានផុស

នៅ

ប្រទេសចិន គឺជាដៃគូពាណិជ្ជកម្ម ដ៏ធំបំផុតរបស់កម្ពុជា ដែលមានទំហំពាណិជ្ជកម្មជាង ៩ ពាន់លានដុល្លារ គិតត្រឹមរយៈពេល ៩ខែ ចាប់ពីខែ មករា ដល់ កញ្ញា ឆ្នាំ ២០២៣ ពោលគឺកើនឡើង ៣.៤ភាគរយ បើធៀនឹងរយៈ​ពេលដូចគ្នា ឆ្នាំ ២០២២ មានចំនួន ៨.៧ ពាន់លានដុល្លារ។ នេះបើយោងតាមទិន្នន័យពាណិជ្ជកម្ម ដែលចេញផ្សាយ​ដោយអគ្គនាយកដ្ឋានគយ និងរដ្ឋាករកម្ពុជា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមរយៈរបាយការណ៍គយ បានបង្ហាញថា ចិន នៅតែបន្តឈរលេខរៀងទី១ មានទំហំពាណិជ្ជកម្មធំជាងគេ បន្ទាប់ពី​អាមេរិក មានចំនួនជាង ៧ពាន់លានដុល្លារ វៀតណាម ៤.៧ពាន់លានដុល្លារ ថៃ ២.៨ពាន់លានដុល្លារ និងជប៉ុន សម្រេច​បាន ១.៣ពាន់លានដុល្លារ។

ចំពោះផលិតផលនាំចេញសំខាន់ៗរបស់កម្ពុជា ទៅចិន រួមមាន សម្លៀកបំពាក់ គ្រឿងចក្រ និងឧបករណ៍អគ្គិសនី ផលិតផលស្បែកជើង ទំនិញស្បែក គ្រាប់ធញ្ញជាតិ គ្រឿងសង្ហារិម កៅស៊ូ ផ្លែឈើ បន្លែ គុជ ប្រដាប់ក្មេងលេង និងវាយនភណ្ឌ។ ចំណែកទំនិញនាំពីចិនមកវិញ មានដូចជា ក្រណាត់ចាក់ ក្រណាត់ត្បាញពីកប្បាស គ្រឿងចក្រ ដែក គ្រឿងសំណង់ផ្សេងៗ បរិក្ខារ គ្រឿងអេឡិចត្រូនិក វត្ថុធាតុពីប្លាស្ទិក អាលុយមីញ៉ូម ក្រដាស និងក្រដាសកាតុងជាដើម។

កិច្ចព្រមព្រៀងពាណិជ្ជកម្មសេរីរវាងកម្ពុជា និងចិន បានហុចផលជាច្រើនសម្រាប់ពាណិជ្ជកម្មរវាងប្រទេសទាំងពីរ ក្នុងការនាំចេញទំនិញ ដោយលើកលែងពន្ធ។

ទំនាក់ទំនងកិច្ចសហប្រតិបត្តិការរវាងកម្ពុជា-ចិន បានឈានដល់ដំណាក់កាលថ្មីមួយទៀតលើសពី​មិត្តភាពដែកថែប ទៅជាមិត្តភាពក្នុងកម្រិតត្បូងពេជ្រ និងបានប្តេជ្ញា​​រួមគ្នា កសាងវឌ្ឍនភាព វិបុលភាព និងការយល់ចិត្តថ្លើមគ្នា។

កម្ពុជា-ចិន បានក្លាយជាដៃគូយុទ្ធសាស្រ្ត និងកិច្ចសហប្រតិបត្តិការគ្រប់​ជ្រុងជ្រោយចាប់ពីឆ្នាំ២០១០កន្លងមក។ ចក្ខុវិស័យរបស់រដ្ឋាភិបាលនៃប្រទេសទាំង២ កម្ពុជា-ចិន ក្នុងក្របខណ្ឌ ​គោលនយោបាយវិថីសូត្រ ខ្សែក្រវ៉ាត់សេដ្ឋកិច្ច និងផ្លូវសូត្រសមុទ្រសតវត្សរ៍ទី២១ បានប្តេជ្ញាខិតខំរួមគ្នា ជំរុញការកសាងសហគមន៍ជោគវាសនាតែមួយ កម្ពុជា-ចិន និងប្តេជ្ញាជំរុញទំហំពាណិជ្ជកម្មទ្វេភាគីឱ្យកើនឡើងលើស ១២ ពាន់លានដុល្លារអាមេរិក ក្នុងឆ្នាំ២០២៣នេះ។

ទន្ទឹមនឹងនេះ សម្តេច ហ៊ុន ម៉ាណែត នាយករដ្ឋមន្រ្តី បានកំពុងចូលរួម “វេទិកាខ្សែក្រវាត់ និងផ្លូវ លើកទី៣ សម្រាប់កិច្ច​សហប្រតិបត្តិការអន្តរជាតិ ចាប់ពីថ្ងៃទី១៦-១៩ តុលា ២០២៣ នៅរដ្ឋធានីប៉េកាំង ប្រទេសចិន បានជួបថ្នាក់​ដឹកនាំ​កំពូលចិន និងក្រុមហ៊ុនធំៗជាច្រើន រួមទាំងវិស័យធនាគារផងដែរ។ អ្នកជំនាញរំពឹងថា ជំនួបរវាងសម្តេចធិបតី ជាមួយក្រុម​ធុរជន​ទាំងអស់នេះ គឺជាសញ្ញាវិជ្ជមានសម្រាប់កម្ពុជា ក្នុងការទាក់ទាញវិនិយោគ​ចិនឱ្យចូលមកដាក់​ទុនរកស៊ីនៅកម្ពុជាបន្ថែមទៀត។

ជាក់ស្តែង នៅក្នុងជំនួបជាមួយសម្តេច ហ៊ុន ម៉ាណែត នៅប្រទេសចិន ក្រុមហ៊ុន CP Group បានបង្ហាញអំពីគោល​បំណងរបស់ខ្លួន ក្នុងការពង្រីកការវិនិយោគបន្ថែមទៀតនៅកម្ពុជា ជាពិសេសក្នុងវិស័យអចលនទ្រព្យ សុខាភិបាល និងផ្កាយរណប។

សូមបញ្ជាក់ថា ពាណិជ្ជកម្ម​កម្ពុជា​-​ចិន កាលពីឆ្នាំ ២០២២ មាន​ចំនួន​សរុបជាង ១១ពាន់លាន​ដុល្លារ​ កើនឡើង ៤.៤​ ភាគរយ​ធៀប​ឆ្នាំ ២០២១ ក្នុងនោះ​កម្ពុជា​ នាំ​ទំនិញ​ទៅ​ទីផ្សារ​ប្រទេស​ចិន ១ ២៤០,៦៣​ លាន​ដុល្លារ ថយចុះ ១៧.៩​ ភាគរយ និង​ទំនិញ​នាំចូល​ពី​ចិន មានចំនួនជាង ១០ពាន់លាន​ដុល្លារ កើន ៧.៩​ ភាគរយ​។ នេះបើយោង​តាម​អគ្គនាយក​ដ្ឋា​ន​គយ និង​រដ្ឋាករ​កម្ពុជា៕

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ១៤ នាទី មុន

បេសកជនសិទ្ធិមនុស្សអង្គការសហប្រជាជាតិ បង្ហាញថា ប្រសិនបើគ្មានអ្នកផ្ដល់សព្វាវុធ របបយោធានៅមីយ៉ាន់ម៉ា​នឹងទន់ខ្សោយ

សន្តិសុខសង្គម១ ម៉ោង មុន

តុលាការផ្តន្ទាទោស លោក William Guang  ឱ្យជាប់ពន្ធនាគារ៦ឆ្នាំ ពីបទលួច និងកាន់អាវុធខុសច្បាប់

ព័ត៌មានជាតិ១ ម៉ោង មុន

មន្ត្រីជាន់ខ្ពស់ ប.ស.ស. ជំរុញផ្តល់សេវាឱ្យលឿនរហ័ស ស្របតាមកំណែទម្រង់ថ្មី

សន្តិសុខសង្គម២ ម៉ោង មុន

១សប្ដាហ៍ សមត្ថកិច្ច ឃាត់ខ្លួនជនសង្ស័យពាក់ព័ន្ធបទល្មើសគ្រឿងញៀន២១០នាក់ និងក្មេងទំនើង១០៩នាក់

សេចក្ដីជូនដំណឹង៣ ម៉ោង មុន

Yeo’s Cambodia បន្ថែមអត្ថប្រយោជន៍ទ្វេដងក្នុងទឹកសណ្តែកសៀង Immuniti របស់ខ្លួនជាមួយវីតាមីន B6 និងរ៉ែស័ង្កសី ដើម្បីជំនួយដល់សុខភាពឱ្យកាន់តែប្រសើរ

ចរាចរណ៍៤ ថ្ងៃ មុន

ឆ្នាំ២០២៣ ខេត្តកំពង់ចាម មានអ្នកស្លាប់ព្រោះគ្រោះថ្នាក់ចរាចរណ៍ជាង១រយនាក់ និងរបួសជាង២រយនាក់

ព័ត៌មានជាតិ១ ថ្ងៃ មុន

សម្តេចតេជោ ហ៊ុន សែន សម្រេចជួយកសាងកុដិ-ទិញដីពង្រីកវត្តសម្រាប់ព្រះសង្ឃ និងកូននេនសីហា

បច្ចេកវិទ្យា១៤ ម៉ោង មុន

កុំពឹងផ្អែកលើប្រព័ន្ធសន្តិសុខ App ធនាគារទាំងស្រុង ត្រូវពង្រឹងសុវត្ថិភាពបន្ថែម

ព័ត៌មានអន្ដរជាតិ៥ ថ្ងៃ មុន

រូបភាពបុរសម្នាក់លើឆ្នេរ អង់គ្លេស ក្លាយជាព័ស្តុតាងថា បានឆ្លងភពចូលមកឆ្នាំ ១៩៤៣

ព័ត៌មានជាតិ៦ ថ្ងៃ មុន

មន្រ្តី​ក្រសួង​បកស្រាយវីដេអូរថភ្លើង​បើក​​​លើ​​ផ្លូវជាតិ ពលរដ្ឋ​សង្ស័យបើក​ខុស​បច្ចេកទេស

Sokha Hotels

ព័ត៌មានពេញនិយម