ព័ត៌មានជាតិ
៩ ខែ ឆ្នាំនេះ សាខាពន្ធដារខេត្តកែប ប្រមូលចំណូលពន្ធបានជាង ៧០ ភាគរយ នៃផែនការប្រចាំឆ្នាំ ២០២៣
រយៈពេល ៩ ខែ ដើមឆ្នាំនេះ សាខាពន្ធដារខេត្តកែប ប្រមូលចំណូលពន្ធបានចំនួន ៦,៩៤០,៨៦៤,៩៤៩ រៀល ស្មើនឹង ៧៦,៨២% នៃផែនការប្រចាំឆ្នាំ ២០២៣។
![](https://www.kampucheathmey.com/wp-content/uploads/2023/10/photo_2023-10-19_14-26-51.jpg)
កាលពីរសៀលថ្ងៃទី ១៨ ខែតុលា ឆ្នាំ ២០២៣ លោក អៀង ក្អូន ប្រធានសាខាពន្ធដារខេត្តកែប បានបង្ហាញទិន្នន័យក្នុងកិច្ចប្រជុំឆ្លុះបញ្ចាំងអំពីលទ្ធផល នៃការប្រមូលពន្ធរយៈពេល ៩ ខែ ដើមឆ្នាំ ២០២៣ និងទិសដៅអនុវត្តបន្ត ដែលប្រព្រឹត្តទៅក្រោមអធិបតីភាព លោក អ៊ឹម បញ្ញារិទ្ធិ អភិបាលរង នៃគណៈអភិបាលខេត្តកែប នៅសាលប្រជុំសាខាពន្ធដារខេត្ត។
![](https://www.kampucheathmey.com/wp-content/uploads/2023/10/photo_2023-10-19_14-27-49-1024x682.jpg)
លោក អៀង ក្អូន បានបញ្ជាក់ថា រយៈពេល ៩ ខែ ដើមឆ្នាំនេះ សាខាពន្ធដារខេត្តកែប ប្រមូលចំណូលពន្ធបានចំនួន ៦,៩៤០,៨៦៤,៩៤៩ រៀល ស្មើនឹង ៧៦,៨២% នៃផែនការប្រចាំឆ្នាំ ២០២៣។ បើធៀបនឹងរយៈពេលដូចគ្នា ឆ្នាំ ២០២២ មានការថយចុះចំនួន ៤,៩៤៩,១២៦,៣៧៨ រៀល ស្មើនឹង -៤១.៦២% បញ្ហាទាំងនេះដោយសារតែកើតមានឡើងសង្គ្រាមរវាង អ៊ុយក្រែន និងរុស្ស៊ី ធ្វើឲ្យប៉ះពាល់ដល់សេដ្ឋកិច្ចសកល និងកម្ពុជាផងដែរ។
![](https://www.kampucheathmey.com/wp-content/uploads/2023/10/photo_2023-10-19_14-27-28.jpg)
ជាមួយនោះ លោក អ៊ឹម បញ្ញារិទ្ធិ បានកោតសរសើរ និងលើកទឹកចិត្តឲ្យមន្ត្រីពន្ធដារ ត្រូវខិតខំបន្តផ្សព្វផ្សាយ និងពង្រឹងការអនុវត្ត សារាចរណែនាំ ស្ដីពីការអនុវត្តច្បាប់ ស្តីពី ហិរញ្ញវត្ថុ សម្រាប់ការគ្រប់គ្រងឆ្នាំ ២០២៣ និងបន្តអនុវត្តដោយយកចិត្តទុកដាក់នូវយុទ្ធសាស្ត្រកៀរគរចំណូល ២០១៩-២០២៣ ដើម្បីសម្រេចបានលទ្ធផលប្រមូលចំណូលពន្ធឲ្យអស់សក្ដានុពល និងកាន់តែមានប្រសិទ្ធភាព។
![](https://www.kampucheathmey.com/wp-content/uploads/2023/10/photo_2023-10-19_14-30-36-1024x682.jpg)
លោកអភិបាលរងខេត្ត ក៏បានផ្តល់អនុសាសន៍ជូនដល់ថ្នាក់ដឹកនាំ មន្ត្រីសាខាពន្ធដារខេត្ត មន្ទីរអង្គភាពជុំវិញខេត្ត និងអាជ្ញាធរពាក់ព័ន្ធនូវចំណុចមួយចំនួនដូចខាងក្រោម ៖
១-ថ្នាក់ដឹកនាំ និងមន្ត្រី នៃសាខាពន្ធដារខេត្ត ត្រូវអនុវត្តតាមយុទ្ធសាស្ត្រណែនាំដ៏ខ្ពង់ខ្ពស់របស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា ដែលបានថ្លែងក្នុងពិធីសំណេះសំណាលជាមួយកម្មករ និយោជក និយោជិត នៅរាជធានីភ្នំពេញ កាលពីថ្ងៃទី ៣ ខែតុលា ឆ្នាំ ២០២៣។ បន្ថែមនោះ ត្រូវពង្រឹងប្រសិទ្ធភាព នៃការផ្តល់សេវាជូនអ្នកជាប់ពន្ធ និងពង្រឹងការប្រើប្រាស់បច្ចេកវិទ្យាព័ត៌មានក្នុងការប្រមូលពន្ធ និងពង្រឹងក្រមសីលធម៌វិជ្ជាជីវៈមន្ត្រីពន្ធដារ។
![](https://www.kampucheathmey.com/wp-content/uploads/2023/10/photo_2023-10-19_14-31-09-1024x682.jpg)
២-ថ្នាក់ដឹកនាំ និងមន្ត្រីពន្ធដារ ត្រូវប្រកាន់ខ្ជាប់នូវគុណតម្លៃគោលការណ៍ ៣ សំខាន់ៗ គឺ ៖
-រដ្ឋបាលកិច្ចល្អ ប្រកាន់ខ្ជាប់នូវភាពជាអ្នកដឹកនាំ គុណាធិបតេយ្យ ដែលសំដៅលើ គណនេយ្យភាព សមត្ថភាព ការខិតខំប្រឹងប្រែង និងលទ្ធផលការងារ អ្នកចូលរួមអនុវត្តទាំងអស់ ត្រូវមានឆន្ទៈមោះមុត ការបោះបង់ មានភាពទទួលខុសត្រូវខ្ពស់ សំដៅអនុវត្តការងារក្នុងស្មារតី បុរេសកម្ម និងតម្កល់ផលប្រយោជន៍ជាតិ និងអង្គភាពជាធំ។
-មន្ទីរអង្គភាពនានា និងរដ្ឋបាលគ្រប់ថ្នាក់ ត្រូវផ្តល់កិច្ចសហការ និងគាំទ្រវិធានការនានារបស់រដ្ឋបាលសារពើពន្ធ ធ្វើយ៉ាងណាឲ្យការប្រមូលចំណូលពន្ធសម្រេចបានតាមផែនការកំណត់។
![](https://www.kampucheathmey.com/wp-content/uploads/2023/10/photo_2023-10-19_14-31-20-1024x682.jpg)
ទន្ទឹមនោះ លោក អ៊ឹម បញ្ញារិទ្ធិ ក៏បានអំពាវនាវដល់អ្នកជាប់ពន្ធទាំងអស់ សូមស្ម័គ្រចិត្តមកបំពេញកាតព្វកិច្ចសារពើពន្ធ ស្របតាមច្បាប់កំណត់ ជៀសវាងមានការអនុវត្តដោយបង្ខំ ដែលអាចធ្វើឲ្យប៉ះពាល់កិត្តិយស សេចក្ដីថ្លៃថ្នូរ និងមុខរបរផ្សេងៗ ជាដើម៕
អត្ថបទ ៖ សឹង រ៉ាត់
-
ព័ត៌មានជាតិ១ សប្តាហ៍ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
សេដ្ឋកិច្ច៥ ថ្ងៃ ago
ការវិនិយោគរបស់ក្រុមហ៊ុនជប៉ុន កំពុងជួយរុញឱ្យកំណើនសេដ្ឋកិច្ចកម្ពុជាកាន់តែងើបឡើងបន្ថែមទៀត
-
KPT+៦ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
ព័ត៌មានជាតិ៣ ថ្ងៃ ago
អ្នកនាំពាក្យទទូចដល់អ្នកប្រើបណ្តាញសង្គមបញ្ឈប់ចែកចាយជាបន្ទាន់ និងលុបចេញរាល់មាតិកាដែលពាក់ព័ន្ធឃាតកម្មឃោរឃៅ
-
ព័ត៌មានជាតិ៥ ថ្ងៃ ago
ក.ប.ប រកឃើញថាឈ្មួញនាំចូលផ្លែទុរេនពីប្រទេសជិតខាង និងមានជ្រលក់ថ្នាំ ហើយលក់បន្លំថាជាទុរេនក្នុងស្រុក
-
ព័ត៌មានជាតិ១ សប្តាហ៍ ago
ព្រះភិក្ខុ អុឹង ប៊ុនហ៊ូវ ប្រគេនដី២០០ហិកតាក្នុងខេត្តកំពង់ឆ្នាំង ដើម្បីសង់ពុទ្ធិកសាកលវិទ្យាល័យព្រះសីហនុរាជ
-
ព័ត៌មានជាតិ៧ ថ្ងៃ ago
តើឧកញ៉ាមានសិទ្ធិកាន់កាប់ និងប្រើប្រាស់កាំភ្លើង ដែរឬទេ?
-
ព័ត៌មានជាតិ១ ថ្ងៃ ago
លោក ជួន ណារិន្ទ បញ្ជាឱ្យហៅគ្រូមន្តអាគមយកកាំភ្លើងពោះខ្លួនឯងមកសួរនាំ ទោះសាមីខ្លួនសុំទោសជាសាធារណៈ