ព័ត៌មានជាតិ
សាលារៀន ៦ នៅភ្នំពេញផ្អាកការសិក្សាដោយសារទឹកជំនន់
លោក ហែម ស៊ីណារ៉េត ប្រធានមន្ទីរអប់រំយុវជន និងកីឡាបានមានប្រសាសន៍នៅថ្ងៃទី ២៣ ខែតុលានេះថា ជំនន់ទឹកភ្លៀង និងជំនន់ស្ទឹងព្រែកត្នោតបានបណ្តាលឱ្យសាលារៀនចំនួន ៦ ទទួលរងជន់លិច និងត្រូវបានផ្អាកដំណើរការសិក្សាជាបណ្តោះអាសន្នរហូតដល់ទឹកស្រក។
លោកប្រធានមន្ទីរអប់រំបានបន្តថា ក្នុងចំណោមសាលារៀនេះជន់លិចចំនួន ៦ ក្នុងនោះមានសាលាចំនួន ៥ រងគ្រោះដោយជំនន់ទឹកស្ទឹងព្រែកត្នោត និង១សាលារងគ្រោះដោយជំនន់ទឹកភ្លៀង។
![](https://www.kampucheathmey.com/wp-content/uploads/2023/10/393699186_646201757701584_8515987674410271335_n-1024x768.jpg)
លោកប្រធានមន្ទីរបានបន្តទៀតថា នៅថ្ងៃទី ២២ ខែតុលា ឆ្នាំ២០២៣ ស្ថានភាពទឹកជំនន់ស្ទឹងព្រែកត្នោតបានចាប់ផ្តើមស្រកចុះបណ្តើរៗហើយសាលាចំនួន៥ស្ថិតនៅតាមបណ្តោយស្ទឹងព្រែកត្នោតដែលទទួលរងការជន់លិចរយៈកាលកន្លងមក កំពស់ទឹកបានស្រកចុះជាបណ្តើរៗរួមមានវិទ្យាល័យសម្ដេចហ៊ុនសែនព្រែកកំពឹសបានស្រក 0.2mសាលាបឋមសិក្សា សម្ដេចហ៊ុនសែនស្ពានថ្មបានស្រក់0.5m និងបានផុតពីផ្ទៃអគារអស់ហើយ នៅសល់តែទីធ្លាសាលាសាលាបឋមសិក្សាសម្ដេចហ៊ុនសែន.វត្តព្រែកជ្រៃបានស្រក់ 0.4m សាលាបឋមសិក្សាក្រាំងពង្រ បានស្រកជិតអស់ពីទីធ្លានិងសាលាបឋមសិក្សាវត្តហារ បានស្រកអស់ពីអគារសិក្សា នៅតែទីធ្លាសាលា។
លោកប្រធានមន្ទីរបានបន្តថាចំណែកវិទ្យាល័យព្រែកឯង ស្ថិតក្នុងខណ្ឌច្បារអំពៅជំនន់ទឹកភ្លៀង នៅបន្តជន់លិចទីធ្លាសាលា និងថ្នាក់រៀនមួយចំនួនដដែល ដោយមូលហេតុ ភ្លៀងបានធ្លាក់បន្ថែមមទៀតនៅយប់ថ្ងៃទី២១តុលាឆ្នាំ២០២៣។
![](https://www.kampucheathmey.com/wp-content/uploads/2023/10/393620478_646201661034927_7350589025164036574_n-1024x768.jpg)
លោកប្រធានមន្ទីរបានបញ្ជាក់ថាតាមការវាយតម្លៃរបស់គណ:នាយក និងអាជ្ញាធរមូលដ្ឋានក្នុងករណីមិនមានភ្លៀងធ្លាក់បន្ថែមទៀត និងទឹកស្ទឹកព្រែកត្នោតបន្តស្រកចុះ សាលាដែលបានទទួលរងផលប៉ះពាល់ពីការជន់លិចទឹក និងស្រកអស់ហើយសិស្សានុសិស្សអាចបានចូលរៀនជាធម្មតាឡើងវិញនៅចន្លោះថ្ងៃទី ២៤-២៥ខែតុលា ឆ្នាំ២០២៣នេះ៕
អត្ថបទ៖ សំអឿន
-
សន្តិសុខសង្គម៦ ថ្ងៃ ago
ជនដៃដល់ បាញ់មនុស្ស២នាក់ស្លាប់ នៅបុរីប៉េងហួត មានគោរម្យងារជា ឧកញ៉ា
-
សន្តិសុខសង្គម៦ ថ្ងៃ ago
សមត្ថកិច្ច ចាប់បានបុរសដែលបាញ់មនុស្ស២នាក់ឱ្យស្លាប់ និងរបួស នៅបុរីប៉េងហ៊ួតបឹងស្នោ
-
សន្តិសុខសង្គម៦ ថ្ងៃ ago
Update៖ សមត្ថកិច្ចចាប់ខ្លួនជនសង្ស័យម្នាក់ ក្នុងហេតុការណ៍ផ្ទុះអាវុធ នៅក្នុងបុរីប៉េងហួតបឹងស្នោ
-
ព័ត៌មានជាតិ៥ ថ្ងៃ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
អត្ថាធិប្បាយ៦ ថ្ងៃ ago
សមត្ថកិច្ចប្រើពេល៣ម៉ោង ក្របួចកឧកញ៉ាប្រើកាំភ្លើងផ្ដាច់ជីវិតគូរស្នេហ៍មួយគូរ
-
KPT+៣ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
ព័ត៌មានជាតិ៥ ថ្ងៃ ago
ព្រះភិក្ខុ អុឹង ប៊ុនហ៊ូវ ប្រគេនដី២០០ហិកតាក្នុងខេត្តកំពង់ឆ្នាំង ដើម្បីសង់ពុទ្ធិកសាកលវិទ្យាល័យព្រះសីហនុរាជ
-
ព័ត៌មានជាតិ២ ថ្ងៃ ago
ក.ប.ប រកឃើញថាឈ្មួញនាំចូលផ្លែទុរេនពីប្រទេសជិតខាង និងមានជ្រលក់ថ្នាំ ហើយលក់បន្លំថាជាទុរេនក្នុងស្រុក