Connect with us

សន្តិសុខសង្គម

ឃាត់ខ្លួនជនសង្ស័យ ៣ នាក់ ក្លែងបន្លំឯកសណ្ឋានជានគរបាលជាតិ និងប្លន់យកម៉ូតូ ទូរស័ព្ទជនរងគ្រោះ

បានផុស

នៅ

កាលពី​ព្រឹក​ថ្ងៃ​ទី ២១ ខែ​មិថុនា ឆ្នាំ ២០២៤ នេះ កម្លាំង​អធិការដ្ឋាន​នគរបាល​ដង្កោ បាន​ធ្វើការ​បង្ហាញ​មុខ​ជនសង្ស័យ​ចំនួន ៣ នាក់ ជា​សាធារណៈ ក្រោយ​បង្ក្រាប​បាន​ពាក់ព័ន្ធ​ករណី​បន្លំ​ឯកសណ្ឋាន​ជា​កម្លាំង​នគរបាល​ជាតិ ចូល​ទៅ​វាយ​ខ្នោះ​ប្លន់​ទូរស័ព្ទ និង​ម៉ូតូ​ប្រជាពលរដ្ឋ​ដល់​ក្នុង​ផ្ទះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជនរងគ្រោះ ១/​ឈ្មោះ សាន ពិសី ភេទ​ស្រី អាយុ ១៩ ឆ្នាំ ជនជាតិ​ខ្មែរ ជា​និស្សិត ទីលំនៅ​ភូមិ ដំណាក់​សង្កែ សង្កាត់​ព្រែកកំពឹស ខណ្ឌដង្កោ រាជធានី​ភ្នំពេញ, ២/ព្រះសង្ឃ ព្រះនាម ចាន់ ផលលិត ព្រះជន្ម ១៩ វស្សា ជនជាតិ​ខ្មែរ ស្នាក់នៅ​វត្ត​កំពង់​ក្ដុល ស្ថិតនៅ​ភូមិ​ម្មិ​ត សង្កាត់​សាក់​សំពៅ ខណ្ឌ​ដង្កោ រាជធានី​ភ្នំពេញ។

ជនសង្ស័យ​ចំនួន ០១ នាក់ ឈ្មោះ ជ្រឹង វេហា ហៅ ភោគ ភេទ​ប្រុស អាយុ ១៨ ឆ្នាំ ជនជាតិ​ខ្មែរ មុខរបរ​មិន​ពិតប្រាកដ ស្នាក់នៅ​ភូមិ​សាលា សង្កាត់​ទៀន ខណ្ឌ​ដង្កោ រាជធានី​ភ្នំពេញ។ ឃាត់​នៅ​វេលា​ម៉ោង ១៦ ថ្ងៃ​ទី ២០ ខែ​មិថុនា ឆ្នាំ ២០២៤ ត្រង់​ចំណុច​តូប​លក់​គ្រឿងសំណង់ ផ្លូវ​ទំនប់​សណ្តរ​ស្ទឹង ស្ថិតនៅ​ភូមិ​សាលា សង្កាត់​ទៀន ខណ្ឌ​ដង្កោ រាជធានី​ភ្នំពេញ។

ចំពោះ​វត្ថុតាង​ចាប់​យក​រួមមាន ៖ ១/​ទូរស័ព្ទដៃ​ម៉ាក IphoneXsMax ពណ៌​ទឹកមាស ចំនួន ០១ គ្រឿង (របស់​ព្រះសង្ឃ​រងគ្រោះ​) , ២/​ស្រោម​ខ្នោះ​ពណ៌​ខ្មៅ​ចំនួន ២ , ៣/​ខ្សែ​ក្រវាត់​ប៉ូលិស​ចំនួន ១ , ៤/​ខោ​ឈុត​ជើងវែង​ពណ៌​ខៀវ​ចំនួន ១ , ៥/​អាវយឺត​ដៃ​វែង​ពណ៌​ខ្មៅ​មាន​ឡូហ្គោ​ប៉ូលិស​ចំនួន ០១ (​របស់​ជនសង្ស័យ​)។

តាម​របាយការណ៍​សមត្ថកិច្ច​បាន​ឱ្យ​ដឹង​ថា កាលពី​ថ្ងៃ​ទី ១៨ ខែ​មិថុនា ឆ្នាំ ២០២៤ វេលា​ម៉ោង ១៤ និង ៣០ នាទី ជនរងគ្រោះ​ឈ្មោះ សាន ពិសី ភេទ​ស្រី អាយុ ១៩ ឆ្នាំ បាន​ជិះ​ម៉ូតូ ០១ គ្រឿង ម៉ាក​ហុងដា​ប៊ីត ពណ៌​ខៀវ ស៊េរី​ឆ្នាំ ២០១៩ ពាក់​ស្លាក​លេខ ភ្នំពេញ 1HU-2504 ចេញ​ពី​ផ្ទះ ស្ថិតនៅ​ភូមិ​ដំណាក់​សង្កែ សង្កាត់​ព្រែកកំពឹស ខណ្ឌ​ដង្កោ រាជធានី​ភ្នំពេញ ដើម្បី​យក​សៀវភៅ​ទៅ​ប្រគេន​ជនរងគ្រោះ​ជា​ព្រះសង្ឃ​ព្រះនាម ចាន់ ផលលិត។ ពេលនោះ​ព្រះសង្ឃ​រងគ្រោះ មាន​សង្ឃដីកា​ទៅ​កាន់​ជនរងគ្រោះ​ឈ្មោះ សាន ពិសី ឲ្យ​ទៅ​ជួប​ព្រះអង្គ នៅផ្ទះ​ចាំ​ចម្ការ​ដែល​ជនរងគ្រោះ​ឈ្មោះ សាន ពិសី ធ្លាប់​យក​សៀវភៅ​ទៅ​ប្រគេន​ពីមុន ស្ថិតនៅ​ភូមិ​សាលា សង្កាត់​ទៀន ខណ្ឌ​ដង្កោ រាជធានី​ភ្នំពេញ។ ផ្ទះ​ចាំ​ចម្ការ​នោះ គឺ ​ព្រះសង្ឃ​រងគ្រោះ បាន​ស្គាល់​ឈ្មោះ ប៊ុត សាវី ភេទ​ប្រុស អាយុ ៦៥ ឆ្នាំ ជា​អ្នក​ចាំ​ចម្ការ។ ពេល​ជនរងគ្រោះ​ឈ្មោះ សាន ពិសី ទៅដល់​ផ្ទះ​ចម្ការ​ខាងលើ នៅ​វេលា​ម៉ោង ១៥ និង ៣០ នាទី ថ្ងៃខែ​ឆ្នាំ​ដដែល ជនរងគ្រោះ​រូបនេះ ក៏បាន​ឡើង​ទៅ​ជួប​ព្រះសង្ឃ​រងគ្រោះ​នៅផ្ទះ​ចាំ​ចម្ការ​ខាងក្រោយ។ ហើយ​ជនរងគ្រោះ​ឈ្មោះ សាន ពិសី បាន​យក​សៀវភៅ​ចេញពី​កាបូប​ប្រគល់​ឱ្យ​ព្រះសង្ឃ​រងគ្រោះ។ បន្ទាប់មក ជនរងគ្រោះ​ឈ្មោះ សាន ពិសី ក៏បាន​ខ្ចី​ទូរស័ព្ទដៃ​ម៉ាក Iphone XsMax ពណ៌​ទឹកមាស ពី​ព្រះសង្ឃ​រងគ្រោះ ដើម្បី​ទូរស័ព្ទ​ទៅ​មិត្តភ័ក្ដិ ស្រាប់​តែ​មាន​ជនសង្ស័យ​ឈ្មោះ ជ្រឹង វេហា ហៅ​ភោគ ភេទ​ប្រុស អាយុ ១៨ ឆ្នាំ បាន​ឡើង​ទៅ​លើ​ផ្ទះ​ខាងលើ​នោះ​ដែរ ក្នុង​សំលៀកបំពាក់​ឯកសណ្ឋាន​នគរបាល​ឈុត​ពណ៌​ខៀវ ស្លាក​ឈ្មោះ វី សុភា​វ៉ាន់ អត្តលេខ ៦៥១៤៥ ដណ្តើម​យក​ទូរស័ព្ទ​ដៃ​ម៉ាក​ខាងលើ​ពី​ដៃ​ជនរងគ្រោះ​ឈ្មោះ សាន ពិសី រួច​ច្រាន​ជនរងគ្រោះ ចូល​ទៅ​ក្នុង​ផ្ទះ​ជាមួយ​ព្រះសង្ឃ​រងគ្រោះ ហើយ​ទាញ​ទ្វារ​បិទ យក​ខ្សែ​ចង​ទ្វារ​ពី​ខាងក្រៅ។ ហើយ​ជនសង្ស័យ​ឈ្មោះ ជ្រឹង វេហា ហៅ​ភោគ បាន​និយាយ​ថា នៅ​ឱ្យ​ស្ងៀម​ទៅ បន្ទាប់មក​ក៏​ឃើញ​ជនសង្ស័យ​ឈ្មោះ វី សុភា​វ៉ាន់ ហៅ វ៉ាន់ មករា ហៅ សិដ្ឋ ភេទ​ប្រុស អាយុ ២៣ ឆ្នាំ ស្លៀកពាក់​ឯកសណ្ឋាន​នគរបាល ពណ៌​ទឹកដោះគោ ពាក់​សក្តិ ៤ និង​ជនសង្ស័យ​ឈ្មោះ ខូវ រច្ចនា ភេទ​ស្រី អាយុ ១៩ ឆ្នាំ បាន​ឡើង​មកដល់ ហើយ​ពួកគេ​បាន​និយាយ​ទារ​លុយ​ពី​ជនរងគ្រោះ​ឈ្មោះ សាន ពិសី ចំនួន ៥០០ ដុល្លារ (​ប្រាំ​រយ​ដុល្លារ​អាមេរិក​) រួច​ព្រះសង្ឃ​រងគ្រោះ​ព្រះនាម ចាន់ ផលលិត ក៏បាន​សួរ​នាំ​ទៅ​ពួកគេ​ថា ប៉ូលិស​មកពី​ខាង​ណា រួច​ពួកគេ​បាន​ប្រាប់​ជនរងគ្រោះ​ហាក់​ដូច​មិន​ច្បាស់​លាស់ ទើប​ព្រះសង្ឃ​រងគ្រោះ ក៏បាន​លូន​ចេញពី​ក្នុង​តាម​សំយាប​ផ្ទះ​ចុះទៅ​ក្រោម។ ពេលនោះ​ជនសង្ស័យ​ឈ្មោះ វី សុភា​វ៉ាន់ ហៅ វ៉ាន់ មករា ហៅ សិ​ដ្ឋ បានឃើញ​ ក៏​ដេញតាម តែ​តាម​មិនទាន់​ក៏បាន​ត្រឡប់មកវិញ បើកទ្វារ​ចូលទៅ​ក្នុងផ្ទះ​ដាក់​ខ្នោះដៃ​ជនរងគ្រោះ​ឈ្មោះ សាន ពិសី រួច​យក​កាបូបស្ពាយ​របស់​ជនរងគ្រោះ​ឈ្មោះ សាន ពិសី ឆែក​រកមើល​ឃើញ​សោ​ម៉ូតូ រួច​ជនសង្ស័យ​ឈ្មោះ វី សុភា​វ៉ាន់ ហៅ វ៉ាន់ មករា ហៅ សិ​ដ្ឋ ក៏បាន​យក​សោ​ម៉ូតូ បើក​ម៉ូតូ​របស់​ជនរងគ្រោះ​ឈ្មោះ សាន ពិសី រួម​នឹង​ទូរស័ព្ទដៃ​ម៉ាក​ខាងលើ នាំគ្នា​គេចខ្លួនបាត់។ បន្ថែម​នោះ ដោយសារ​កដៃ​ជនរងគ្រោះ​ឈ្មោះ សាន ពិសី តូច ក៏បាន​ប្រឹង​រើ​ដោះ​ខ្នោះដៃ​ចេញ​ដោយ​ខ្លួនឯង រួចមក​រាយការណ៍​ប្រាប់​សមត្ថកិច្ច និង​ដាក់​ពាក្យបណ្ដឹង​នៅ​ប៉ុស្តិ៍​នគរបាល​រដ្ឋបាល​ទៀន ដើម្បី​ឱ្យ​សមត្ថកិច្ច​ជួយ​អន្តរាគមន៍​ឃាត់ខ្លួន​ជនសង្ស័យ​ខាងលើ​យក​មក​ធ្វើការ​សាកសួរ និង​ចាត់ការ​តាម​ផ្លូវ​ច្បាប់។ រហូតដល់​វេលា​ម៉ោង ២១ និង ០០ នាទី ថ្ងៃខែ​ឆ្នាំ​ដដែល សមត្ថកិច្ច ធ្វើការ​ស្រាវជ្រាវ​ឃាត់ខ្លួន បាន​ជនសង្ស័យ​ចំនួន ០២ នាក់ គឺ ទី ០១-ឈ្មោះ វី សុភា​វ៉ាន់ ហៅ វ៉ាន់ មករា ហៅ សិ​ដ្ឋ និង ទី​ ០២​-ឈ្មោះ ខូវ រច្ចនា រួម​នឹង​វត្ថុតាង ១/​ម៉ូតូ​ម៉ាក​ហុងដា​ប៊ីត ពណ៌​ខៀវ ស៊េរី​ឆ្នាំ​ ២០១៩ ពាក់​ស្លាក​លេខ​ភ្នំពេញ​ 1HU-2504 (​របស់​ជនរងគ្រោះ​ឈ្មោះ សាន ពិសី​) ,២/​ខ្នោះដៃ​ចំនួន​ ០២ , ៣/​កាត​ប៉ូលិស​របស់​ឈ្មោះ វី សុភា​វ៉ាន់ (​ក្លែងក្លាយ​) ចំនួន​ ០១, ៤/​កាត​ប៉ូលិស​របស់​ឈ្មោះ ខូវ រច្ចនា (​ក្លែងក្លាយ​) ចំនួន ​០១, ៥/​ប័ណ្ណ​សរសើរ​ឈ្មោះ វី សុភា​វ៉ាន់ (​ក្លែងក្លាយ​) ចំនួន​ ០១, ៦/​ឯកសណ្ឋាន​នគរបាល​អាវ​ឈុត​ពណ៌​ខៀវ​ស្លាកឈ្មោះ វី សុភា​វ៉ាន់ ចំនួន​ ០១ , ៧/​ឯកសណ្ឋាន​នគរបាល​អាវ​ពណ៌​ទឹកដោះគោ​ពាក់​សក្តិ​ ៤ របស់​ឈ្មោះ វី សុភា​វ៉ាន់ ចំនួន​ ០១, ៨/​ប័ណ្ណសរសើរ​ឈ្មោះ បាន វិចិត្រ (​ក្លែងក្លាយ​) ចំនួន​ ០១, ៩/​ទូរស័ព្ទដៃ​ម៉ាក Tecno Spark ចំនួន ​០២ ​គ្រឿង​, ១០/​លិខិត​សូម​បម្រើ​ការងារ​ឈ្មោះ ជ្រឹង វេហា ចំនួន​ ០១ ​សន្លឹក​, ១១/​ឯកសារ​ធ្វើ​ដីកាចាប់ខ្លួន​ក្លែងក្លាយ​មួយចំនួន​, ១២/​កាបូបស្ពាយ​ពណ៌​ខ្មៅ​ចំនួន​ ០១ (​របស់​ជនសង្ស័យ​) យកមក​ធ្វើការ​សាកសួរ​នៅ​ប៉ុស្តិ៍នគរបាល​រដ្ឋបាល​ទៀន​តាម​នីតិវិធី​ច្បាប់។

លុះដល់​ថ្ងៃ​ទី​ ២០ ខែមិថុនា ឆ្នាំ​ ២០២៤ វេលា​ម៉ោង ​១២ ​និង​ ៣០​ នាទី សមត្ថកិច្ច​ធ្វើការ​ស្រាវជ្រាវ​ឃាត់ខ្លួន​បាន​ជនសង្ស័យ​ម្នាក់ទៀត​ឈ្មោះ ជ្រឹង វេហា ហៅ ភោគ ត្រង់ចំណុច​ផ្ទះ​លក់​គ្រឿងសំណង់ ផ្លូវ​សណ្តរ​ស្ទឹង​ព្រែក​ត្នោត ស្ថិតនៅ​ភូមិ​សាលា សង្កាត់​ទៀន ខណ្ឌដង្កោ រាជធានី​ភ្នំពេញ រួម​នឹង​វត្ថុតាង ១/​ទូរស័ព្ទដៃ​ម៉ាក IphoneXsMax ពណ៌​ទឹកមាស​ចំនួន ​០១​ គ្រឿង (​របស់​ព្រះសង្ឃ​រងគ្រោះ​ព្រះនាម ចាន់ ផលលិត​), ២/​ស្រោម​ខ្នោះ​ពណ៌​ខ្មៅ​ចំនួន ​២ , ៣/​ខ្សែ​ក្រវាត់​ប៉ូលិស​ចំនួន ​១, ៤/​ឯកសណ្ឋាន​នគរបាល​ខោជើងវែង​ពណ៌​ខៀវ​ចំនួន ​១ , ៥/​អាវយឺត​ដៃ​វែង​ពណ៌​ខ្មៅ​មាន​ឡូហ្គោ​ប៉ូលិស​ចំនួន ​០១ (​របស់​ជនសង្ស័យ​) យកមក​ធ្វើការ​សាកសួរ​នៅ​អធិការដ្ឋាន​នគរបាល​ខណ្ឌដង្កោ​តាម​នីតិវិធី​ច្បាប់។ ក្រោយពី​ធ្វើការ​សាកសួរ​ជនសង្ស័យ​បាន​ឆ្លើយ​សារភាព​ប្រាប់​សមត្ថកិច្ច​ថា ពួកគេ (​ជនសង្ស័យ​) ពិតជា​បានធ្វើ​សកម្មភាព​ដាក់​ខ្នោះដៃ​ជនរងគ្រោះ​ឈ្មោះ សាន ពិសី ប្លន់​យក​ម៉ូតូ និង​ទូរស័ព្ទដៃ​របស់​ជនរងគ្រោះ​ទាំងពីរ​នាក់​ប្រាកដ​មែន។ បន្ទាប់ពី​មាន​ចម្លើយ​របស់​ជនសង្ស័យ ហើយ​មានការ​សម្របសម្រួល​ពី​លោក ទី មុនិន្ទ ព្រះរាជអាជ្ញារង នៃ​អយ្យការ​អម​សាលាដំបូង​រាជធានី​ភ្នំពេញ បានអនុញ្ញាតឱ្យ​សមត្ថកិច្ច​ឃាត់ខ្លួន​ជនសង្ស័យ​ដើម្បី​ចាត់ការ​តាមផ្លូវ​ច្បាប់​តែម្តង។

នៅ​ថ្ងៃទី​ ២០ ខែមិថុនា ឆ្នាំ​ ២០២៤ ជនរងគ្រោះ​ឈ្មោះ សាន ពិសី បានមក​ធ្វើ​ពាក្យស្នើសុំ​ម៉ូតូ​ម៉ាក​ហុងដា​ប៊ីត ពណ៌​ខៀវ ស៊េរី​ឆ្នាំ​ ២០១៩ ពាក់​ស្លាកលេខ ភ្នំពេញ​ 1HU-2504 យកទៅ​ប្រើប្រាស់ រួច​សមត្ថកិច្ច​ក៏បាន​ប្រគល់​ម៉ូតូ​ម៉ាក​ខាងលើ​ឱ្យ​ជនរងគ្រោះ​យកទៅ​ប្រើប្រាស់​វិញ ដោយមាន​ការ​ឯកភាព​ពី​លោក ទី មុនិន្ទ ព្រះរាជអាជ្ញា​រង នៃ​អយ្យការ​អម​សាលាដំបូង​រាជធានី​ភ្នំពេញ៕

អត្ថបទ ៖ សុខា

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៧ ម៉ោង មុន

វត្តតិក្ខប្បញ្ញោ រៀបចំពិធីសិតទៀនព្រះវស្សា និងបុណ្យផ្កាប្រាក់សាមគ្គី ដោយមានពុទ្ធបរិស័ទចូលរួមច្រើនកុះករ

ព័ត៌មានជាតិ៧ ម៉ោង មុន

លោក ឃួង ស្រេង៖ រដ្ឋាភិបាលបានកំណត់យ៉ាងច្បាស់ពីតម្លៃដ៏សំខាន់របស់ព្រៃឈើដែលមិនអាចកាត់ផ្តាច់ចេញពីវិស័យអាទិភាពរបស់រដ្ឋ

សេដ្ឋកិច្ច៨ ម៉ោង មុន

ក្រុមហ៊ុនខ្នាតយក្សផលិតរថយន្តអគ្គិសនី AION សម្ពោធរោងចក្រជាផ្លូវការនៅប្រទេសថៃ

ព័ត៌មានជាតិ៨ ម៉ោង មុន

អាជ្ញាធរខេត្តកំពត បន្តដាំដើមត្នោត ៤,៥ ពាន់ដើម លើផ្លូវខ្សែក្រវ៉ាត់ព្រំដែន កម្ពុជា-វៀតណាម

ព័ត៌មានជាតិ៨ ម៉ោង មុន

វគ្គ១.៥លាននាក់៖ សិក្ខាកាមសរសើរពីវគ្គបណ្តុះបណ្តាលជំនាញ “សម្ភារៈទំនើបគ្រប់គ្រាន់ សិក្សាទាំងទ្រឹស្តី និងអនុវត្តផ្ទាល់” ដែលអាចមានជំនាញពិតប្រាកដ

ព័ត៌មានជាតិ១៥ ម៉ោង មុន

អាជ្ញាធរខេត្តបាត់ដំបងប្រកាស ត្រៀមរៀបចំទីទួលសុវត្ថិភាពជូនពលរដ្ឋ ខណៈកម្ពស់ទឹកបន្តកើនឡើងជិតដល់កម្រិតឱ្យប្រុងប្រយ័ត្ន

ព័ត៌មានជាតិ១៧ ម៉ោង មុន

កម្ពុជាទទួលរងឥទ្ធិពលព្យុះ «ហ្គ្សាមី» បណ្ដាលឱ្យមានភ្លៀងធ្លាក់ និងខ្យល់កន្ត្រាក់

កីឡា៩ ម៉ោង មុន

ប៊ីវីអឹម​ សហការជាមួយ វិទ្យាល័យជាស៊ីមព្រែកអញ្ចាញ រៀបចំកម្មវិធី “រត់ដើម្បីសុខភាពសហគមន៍”

សេដ្ឋកិច្ច៨ ម៉ោង មុន

ក្រុមហ៊ុនខ្នាតយក្សផលិតរថយន្តអគ្គិសនី AION សម្ពោធរោងចក្រជាផ្លូវការនៅប្រទេសថៃ

សន្តិសុខសង្គម១០ ម៉ោង មុន

ទំនាស់ពាក្យសម្ដីក្នុងវង់ផឹកស៊ី ទាញកាំបិតចាក់សម្លាប់ស្លាប់ម្នាក់

Sokha Hotels

ព័ត៌មានពេញនិយម