ព័ត៌មានជាតិ
សម្ដេចនាយករដ្ឋមន្ត្រី ជំរុញឱ្យបង្កើនការទំនាក់ទំនងរវាងអាណាព្យាបាលជាមួយសាលារៀន
ថ្លែងក្នុងពិធីបិទសន្និបាតក្រសួងអប់រំ នារសៀលថ្ងៃទី២ ខែមេសា ឆ្នាំ២០២៤នេះ សម្ដេចនាយករដ្ឋមន្ត្រី ហ៊ុន ម៉ាណែត បានជំរុញឱ្យយកចិត្តទុកដាក់ក្នុងការបង្កើនទំនាក់ទំនងរវាងអាណាព្យាបាលជាមួយសាលារៀន ជាពិសេសឪពុកម្ដាយ និងគ្រូបង្រៀន។

ជាការកត់សម្គាល់របស់សម្ដេចធិបតី ហ៊ុន ម៉ាណែត គឺពេលបច្ចុប្បន្ននេះ សាលារៀននៅទីក្រុង កំពុងរងបញ្ហាប្រឈមមួយ គឺការកាត់ផ្ដាច់ទំនាក់ទំនងរវាងសិស្ស អាណាព្យាបាល និងសាលារៀន។ សម្ដេចធិបតី គូសរំលេចយ៉ាងដូច្នេះថា៖ «ឥលូវខ្ញុំឃើញបញ្ហាធំបំផុត ពិសេសសាលានៅទីក្រុង គឺការផ្ដាច់គ្នារវាងឪពុកម្ដាយ និងសិស្ស»។
ត្រង់ន័យនេះ សម្ដេចធិបតី ហ៊ុន ម៉ាណែត បានចាត់ទុកឪពុកម្ដាយ និងសិស្ស គឺជាតួអង្គដ៏សំខាន់ក្នុងការអប់រំ តាមរយៈការអប់រំនៅសាលា និងការអប់រំនៅផ្ទះ ដែលជាកត្តាសំខាន់ខ្លាំងណាស់ ដើម្បីជួយលុបបំបាត់ឥទ្ធិពលមិនល្អពីសង្គមខាងក្រៅ។ សម្ដេច ថា អប់រំមានតែ៣ប៉ុណ្ណោះ គឺអប់រំនៅផ្ទះ នៅសាលារៀន និងនៅក្នុងសង្គម។ ដូច្នេះបើសាលារៀន និងផ្ទះ ឯកភាពគ្នាហើយនោះ ឥទ្ធិពលសង្គមក៏ត្រូវបានពង្រឹង ហើយបញ្ជៀសបានបាតុភាពមិនល្អនានាជាច្រើន។

សម្ដេចនាយករដ្ឋមន្ត្រី បានជំរុញដល់ក្រសួងអប់រំ ក៏ដូចជាគ្រប់ភាគីពាក់ព័ន្ធ គប្បីខិតខំធ្វើយ៉ាងណាបង្កើននូវការគាំទ្រប្រកបដោយភាពប្រទាក់ក្រឡារវាងឪពុកម្ដាយ សហគមន៍ ជាមួយនឹងសាលារៀន ជាពិសេសជាមួយគ្រូ។ សម្ដេច សង្កត់ធ្ងន់ថា បើធ្វើកិច្ចការនេះបាន ទើបជាជោគជ័យនៃការអប់រំនៅកម្ពុជា ដែលស្របតាមគោលការណ៍របស់សម្ដេច «ភាពជាដៃគូរវាងរដ្ឋ និងសហគមន៍ ដើម្បីវិស័យអប់រំ»៕

-
សន្តិសុខសង្គម១ ថ្ងៃ ago
អ្នកកាសែតម្នាក់ត្រូវឃាត់ខ្លួនក្រោយដោះមីនតោនដឹកយកទៅឱ្យប៉ូលិស
-
សន្តិសុខសង្គម៣ ថ្ងៃ ago
Breaking News៖ អគ្គិភ័យកំពុងឆេះក្លឹបមួយកន្លែងនៅជិតវត្តឬស្សីសាញ់(មានវីដេអូ)
-
ព័ត៌មានជាតិ៣ ថ្ងៃ ago
ព័ត៌មានបន្ថែម៖ មានមនុស្ស៣នាក់រងរបួសក្នុងហេតុការណ៍ឆេះក្លឹប
-
ព័ត៌មានអន្ដរជាតិ១ សប្តាហ៍ ago
ការស្លាប់របស់ពិធីការនី កូរ៉េ ដោយសារតែទ្រាំទ្រសម្ពាធ និងការធ្វើបាបពីមិត្តរួមការងារលែងបាន
-
សន្តិសុខសង្គម១ សប្តាហ៍ ago
Update! ដុំដែក៣ដុំដែលធ្លាក់បុកទម្លុះប្លង់សេផ្ទះប្រជាពលរដ្ឋ គឺកើតចេញពីផ្ទុះម៉ូទ័រស្តុកប្រេងរបស់ឧកញ៉ាម្នាក់
-
ជីវិតកម្សាន្ដ១ ថ្ងៃ ago
អតីតស្វាមី រងការចោទ កេងប្រវ័ញ្ចការស្លាប់ Barbie ខណៈមិត្តស្រីទម្លាយថា លោកនិងម្ដាយគឺជាជនបង្ក
-
ព័ត៌មានអន្ដរជាតិ១២ ម៉ោង ago
ធ្លាក់យន្តហោះនៅ អាឡាស្កា អ្នកជិះក្នុងនោះ ស្លាប់ទាំងអស់
-
ជីវិតកម្សាន្ដ១ សប្តាហ៍ ago
បានឱកាសចូលសម្តែងជាថ្មី តាចេក ស៊ូកើយអង្រឹងនៅចេតីយ៍រង់ចាំថតរឿងខ្មោច