ព័ត៌មានជាតិ
មន្ទីរអប់រំរាជធានី ចុះពិនិត្យតាមសាលាក្នុងថ្ងៃសែនចូលឆ្នាំចិនដំបូង
នៅប៉ុន្មានឆ្នាំចុងក្រោយនេះ សាលារៀនរបស់រដ្ឋ និងឯកជនជាច្រើន បានបើកទ្វារបង្រៀនជាធម្មតាក្នុងថ្ងៃសែនចូលឆ្នាំចិន។
កាលពីប៉ុន្មានឆ្នាំមុន ឲ្យតែដល់ថ្ងៃសែន និងថ្ងៃចូលឆ្នាំចិនម្តងៗ សាលារៀន ទាំងសាលារដ្ឋ និងទាំងសាលារៀនឯកជន រួមទាំងក្រុមហ៊ុន និងស្ថាប័នរដ្ឋមួយចំនួន បានបិទទ្វារ មិនបង្រៀន និងមិនធ្វើការឡើយ។
លោក ហែម ស៊ីណារ៉េត ប្រធានមន្ទីរអប់រំរាជធានីភ្នំពេញ នៅថ្ងៃទី ១១ ខែកុម្ភៈនេះ បានដឹកនាំមន្ត្រីចុះពិនិត្យដំណើរការសិក្សានៅតាមសាលារៀននានាក្នុងរាជធានីភ្នំពេញក្នុងថ្ងៃសែនចូលឆ្នាំចិន។
លោកបានបន្តថាការចុះត្រួតពិនិត្យនៅតាមសាលានេះដើម្បីពិនិត្យមើលថាតើមានសាលាណាខ្លះបានបិទទ្វារនិងបើកទ្វារក្នុងពិធីបុណ្យចូលឆ្នាំចិនបន្ទាប់ពីមន្ទីរបានប្រជុំណែនាំនិងផ្សព្វផ្សាយដល់គ្រឹះស្ថានសិក្សាទាំងនោះរួចមក។
លោកបានបន្តទៀតថា “បន្ទាប់ពីចុះត្រួតពិនិត្យមើលតាមសាលារៀននៅក្នុងរាជធានីភ្នំពេញឃើញថាសាលារៀនបានបើកដំណើរការជាធម្មតាមិនមានសាលាណាមួយបិទទ្វារទេគ្រាន់ថាបុណ្យចូលឆ្នាំចិនទោះបីជាយើងខំទប់យ៉ាងម៉ិញក៏មិនអាចទប់បានដែរត្រូវមានសិស្សថមថយសិស្សខ្លះអីចឹងហើយពិសេសសិស្សជាប់ខ្សែស្រឡាញចិន”។
លោក រស់ សុវាចា អ្នកនាំពាក្យក្រសួងអប់រំយុវជននិងកីឡាបានណែនាំដល់សិស្សនិស្សិតត្រូវមករៀនជាធម្មតានៅក្នុងពិធីបុណ្យចូលឆ្នាំចិននេះព្រោះវាមិនមែនជាពិធីបុណ្យរបស់ជាតិយើងទេ។
លោករស់ សុវាចាបានឲ្យដឹងនៅព្រឹកថ្ងៃទី១១កម្ភៈនេះថា “ពិធីបុណ្យចូលឆ្នាំចិនមិនស្ថិតនៅក្នុងប្រតិទិនរបស់មន្ត្រីរាជការនិយោជិកកម្មករប្រចាំ២០២១ទេ។ដូចនេះសិស្សនិស្សិតត្រូវមករៀនជាធម្មតាហើយសូមអ្នកអាណាព្យាបាលមាតាបិតាត្រូវរៀបចំកម្មវិធីគ្រួសារកុំឲ្យប៉ះពាល់ដល់ការសិក្សារបស់បុណ្យធីតារបស់ខ្លួន”៕
អត្ថបទ៖ សំអឿន
-
ព័ត៌មានជាតិ២ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៥ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៥ ម៉ោង ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
កីឡា៦ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៥ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សន្តិសុខសង្គម២ ថ្ងៃ ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
សន្តិសុខសង្គម១៣ ម៉ោង ago
បឋម៖ អគ្គិភ័យកំពុងឆេះផ្ទះពលរដ្ឋក្នុងបុរីពិភពថ្មីកំបូល
-
សន្តិសុខសង្គម១ សប្តាហ៍ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)