ព័ត៌មានជាតិ
ស្តង់ជាង២០០ នៅឆ្នេរអូរត្រេះ ត្រូវអាជ្ញាធរខេត្តព្រះសីហនុ ឈប់ឲ្យលក់ភ្លាមៗ
ស្តង់លក់ទំនិញចំនួនប្រមាណជាង២០០ ដែលបានរៀបចំឡើងនៅតំបន់ក្បែរឆ្នេរ សមុទ្រអូរត្រេះ២ ស្ថិតក្នុងភូមិ៥ សង្កាត់លេខ៤ ខេត្តព្រះសីហនុ ដើម្បីតាំងពិព័រណ៍លក់ផលិតផល ក្នុងឱកាសពិធីបុណ្យចូលឆ្នាំប្រពៃណីចិន-វៀតណាម ត្រូវបានអាជ្ញាធរ សម្រេចបញ្ឈប់មិនឲ្យធ្វើអាជីវកម្មបន្តទៀត។
មន្ត្រីសាលាខេត្តព្រះសីហនុ ខណៈពេលចុះអនុវត្តសេចក្តីជូនដំណឹងរបស់រដ្ឋបាលខេត្តស្តីពីការសម្រេចបញ្ឈប់ការតាំងពិព័រណ៍ស្តង់លក់ទំនិញក្រុមហ៊ុន វ៉ា គ្រី ថេន អេនធើប្រាយ អេនអឺវេន មេនេបមេនសឺវីស បានធ្វើការបញ្ជាក់ថា ក្រុមហ៊ុននេះ មានច្បាប់អនុញ្ញាតត្រឹមត្រូវ ក្នុងការរៀបចំស្តង់លក់ទំនិញរយៈពេល៧ថ្ងៃ ក្នុងឱកាសពិធីបុណ្យចូលឆ្នាំប្រពៃណីចិន-វៀតណាម រយៈពេល ៧ថ្ងៃ គីចាប់ពីថ្ងៃទី១០ ដល់ថ្ងៃទី១៦ ខែកុម្ភៈ ឆ្នាំ២០២១ ប៉ុន្តែអ្វីដែលជាមូលហេតុឈានដល់ការបញ្ឈប់ការតាំងពិព័រណ៍ស្តង់លក់ទំនិញក្រុមហ៊ុនខាងលើនេះ ដោយសារតែក្រុមហ៊ុននេះ មិនបានអនុវត្តតាមខ្លឹមសារលិខិតលេខ០១៤សខលចុះថ្ងៃទី២៦ ខែមករា ឆ្នាំ២០២១របស់ក្រសួងសុខាភិបាល ស្តីពី “ការពង្រឹងការអនុវត្តវិធានការការពារការចម្លងជំងឺកូវីដ-១៩ នៅតាមពិធី បុណ្យផ្សេងៗ និងពិធីរៀបអាពាហ៍ពិពាហ៍ និងមិនអនុវត្តតាមស្មារតីអង្គប្រជុំថ្ងៃទី០៩ខែកុម្ភៈឆ្នាំ២០២១ នៅសាលាខេត្តព្រះសីហនុ ដោយមិនបានចែកម៉ាស និងវាស់កម្ដៅបានគ្រប់ជ្រុងជ្រោយ មានមនុស្សមួយចំនួនចេញ-ចូល តាមច្រកផ្សេងៗដោយសារគ្មានរបងព័ទ្ធជុំវិញ ព្រមទាំងមិនបានរៀបចំឲ្យមានគម្លាតសុវត្ថិភាពចម្ងាយ ១,៥ម៉ែត្រ ពីមនុស្សម្នាក់ទៅមនុស្សម្នាក់ទៀត ដែលអាចបណ្តាលឲ្យឆ្លងជំងឺកូវីដ១៩។ ក្នុងន័យនេះ ដើម្បីចូលរួមទប់ស្កាត់ការឆ្លងជំងឺកូវីដ-១៩ រដ្ឋបាលខេត្តព្រះសីហនុ សម្រេចបញ្ឈប់ការតាំងពិព័រណ៍ ចាប់ពីថ្ងៃទី១១ ខែកុម្ភៈ ឆ្នាំ២០២១ វេលាម៉ោង ១៣:០០នាទីរសៀល នេះតទៅ។
គួរបញ្ជាក់ផងដែរថា ស្តង់លក់ទំនិញខាងលើនេះ ត្រូវបានសាងសង់ឡើងដោយក្រុមហ៊ុន វ៉ា គ្រី ថេន អេនធើប្រាយ អេនអឺវេន មេនេបមេនសឺវីស ហើយបានជួលបន្តទៅឲ្យ ក្រុមសមាគមន៏អាជីវករលក់ដូរផលិតផល មកពីបណ្តាលខេត្តផ្សេងៗទូទាំងប្រទេសកម្ពុជា ដោយក្នុងស្តង់មួយតម្លៃ៣៥០ ដុល្លាររយៈពេល ៧ថ្ងៃ នេះបើតាមប្រាប់ឲ្យដឹងពីសំណាក់បងប្អូនអាជីវករ ប៉ុន្តែពេលនេះពួកគាត់និយាយថា ពួកគាត់ខាតបង់ច្រើនណាស់ ពោលគឺ ទំនិញដែលនាំមកក្នុងគោលដៅតាំងលក់នោះ បែរជាមិនបានដាក់លក់ និងត្រូវប្រមូលដឹកជញ្ជូនទៅវិញ ហើយបងប្អូន អាជីវករ ដែលរងការខាត់បង់ច្រើនជាងគេនោះ គឺក្រុមអ្នកលក់ដូរម្ហូបអាហារតែម្តង៕
អត្ថបទ៖ កោះពស់
សូមចុចអាន៖ អាជ្ញាធរ ឲ្យបញ្ឈប់របរលក់ក្រឡាន តាមផ្លូវជាតិលេខ ០៦ ចេញពីក្រុងសៀមរាប
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង