ព័ត៌មានជាតិ

ស្រវឹងចិត្តខ្លាំង បុរស២នាក់ វាយគេឲ្យរបួស សងសឹកជំនួសប្អូនរឿងជម្លោះ១០ឆ្នាំមុន

បានផុស

៤ years មុន

នៅ

ថ្ងៃចន្ទ ១៥ កុម្ភៈ ២០២១

ដោយ

ពីរនាក់បងប្អូនផឹកស៊ីបុណ្យចូលឆ្នាំ ប្អូនប្រាប់រឿង១០ឆ្នាំមុន មានគេវាយធ្វើបាប គ្រាន់ស្ដាប់ហើយទប់កំហឹងមិនបាន ក៏ទៅវាយគូជម្លោះរបស់ប្អូនឲ្យរងរបួស។ ករណីអំពើហិង្សានេះកើតឡើង កាលពីថ្ងៃទី១៤ ខែកុម្ភៈ ឆ្នាំ២០២១ ក្រុងប៉ោយប៉ែត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រោយមានអំពើហិង្សាររួចមក ជនរងគ្រោះក៏បានទៅប្តឹង លោកវរសេនីយ៍ត្រី នួន នីណារ៉ូ មេបញ្ជាការកងរាជអាវុធហត្ថក្រុងប៉ោយប៉ែត ដឹកនាំអាវុធហត្ថ១ក្រុមចុះដល់កន្លែងកើតហេតុចុះធ្វើការស្រាវជ្រាវរហូតដល់ដល់ម៉ោង៨យប់ថ្ងៃទី១៤ ខែកុម្ភៈ ឆ្នាំ២០២១ ទើបឃាត់ខ្លួនជនបង្កបានចំនួន២នាក់ ទី១. ឈ្មោះ ស៊ីង វីកាំង ភេទប្រុស អាយុ៣៧ឆ្នាំ រស់នៅភូមិសាមគ្គីមានជ័យ សង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ, ទី២. ឈ្មោះ ហេង សំបូរ ភេទប្រុស អាយុ៣៦ឆ្នាំ រស់នៅភូមិមានជ័យ ឃុំស្រែស្ដៅ ស្រុកសំឡូត ខេត្តបាត់ដំបង ហើយបញ្ជូនមកមូលដ្ឋានអាវុធហត្ថក្រុង ដើម្បីធ្វើការសាកសួរ។

តាមចម្លើយសារភាពរបស់ជនសង្ស័យបានសារភាពថា អំឡុងពេលចូលឆ្នាំចិន ពួកគេបាននាំគ្នាផឹកស៊ីដល់ពេលស្រវឹង ប្អូនបាននិយាយប្រាប់រឿងរ៉ាវដែលឈ្មោះ ហ៊ុយ និងឈ្មោះ អេង ឃុយ ធ្លាប់បានវាយមកលើរូបខ្លួនកាលពីជិត១០ឆ្នាំមុន បណ្ដាឲ្យរងរបួសធ្ងន់ធ្ងរ ភ្លាមនោះ ឈ្មោះ ហេង សំបូរ និង ឈ្មោះ ស៊ីង វីកាំង បានខឹងយ៉ាងខ្លាំងដើរសំដៅទៅផ្ទះជនរងគ្រោះឈ្មោះ អេង ឃុយ ពេលទៅដល់ស្រាប់តែឈ្មោះ ហេង សំបូរ បានវាយទៅលើជនរងគ្រោះឈ្មោះ អេង ឃុយបណ្តាលឲ្យរបួសទោះបីមានគេឃាត់ដល់ទៅ៦នាក់ក៏ឃាត់មិនជាប់ដែរ។ ដោយផ្អែកលើចម្លើយសារភាពរបស់ជនសង្ស័យទាំង២ និងមានស្នាមរបួសផងនោះ កម្លាំងព្រហ្មទណ្ឌក្រុងបញ្ជូនមកអាវុធហត្ថខេត្ត ក្នុងនោះកម្លាំងជំនាញអាវុធហត្ថខេត្តបានកសាងសំណុំរឿងបញ្ជូនជនសង្ស័យទាំង២នាក់ ទៅសាលាដំបូងខេត្តចាត់ការតាមនីតិវិធីច្បាប់៕

អត្ថបទ៖ វ៉ាន់ ណាង

សូមចុចអាន៖ អាវុធហត្ថខេត្តតាកែវឃាត់ខ្លួនអ្នកលួចដាំដំណាំកញ្ឆាខុសច្បាប់ម្នាក់នៅស្រុកគិរីវង់