ព័ត៌មានជាតិ
អាជ្ញាធរខេត្តសៀមរាប ថា នឹងចុះពិនិត្យការសាងសង់ស្ថានីយប្រេងឥន្ធនៈSAVIMEX ឡើងវិញ
ម្ចាស់ស្ថានីយលក់ប្រេងឥន្ធនៈSAVIMEX នៅជាប់ស្តុប៧មករា ស្ថិតក្នុងភូមិជន្លង់ សង្កាត់សាលាកំរើក ក្រុងសៀមរាប បានធ្វើសួនច្បារជារនាំងឃាំងផ្លូវថ្មើជើង និងលើគម្របលូកម្ពស់ជិត ១ម៉ែត្រ ដែលអាចបង្កគ្រោះថ្នាក់ចរាចរណ៍ជាយថាហេតុដល់អ្នកដំណើរ។ បញ្ហានេះ អាជ្ញាធរក្រុងសៀមរាបអះអាងថា នឹងចុះទៅពិនិត្យមើលពីច្បាប់ទម្លាប់របស់ទីតាំងខាងលើ។
ពាក់ព័ន្ធនឹងរឿងរ៉ាវខាងលើនេះ ប្រជាពលរដ្ឋ បានលើកឡើងថា ម្ចាស់ស្ថានីយលក់ប្រេងឥន្ធនៈSAVIMEX មិនគួរធ្វើរនាំងបិទផ្លូវថ្មើជើងខ្ពស់នៅជាប់ភ្លើងស្តុបយ៉ាងដូច្នេះទេ ព្រោះវាជាកន្លែងសម្រាប់អ្នកដំណើរទូទៅឆ្លងកាត់ទាំងយប់ទាំងថ្ងៃ ហើយអាចនឹងបង្កគ្រោះថ្នាក់ចរាចរណ៍ដោយមិនដឹងខ្លួន ព្រមទាំងបានសំណូមពរឱ្យអាជ្ញាធរពាក់ព័ន្ធ ក្រុង និងខេត្តសៀមរាប មេត្តាចុះពិនិត្យមើលទីតាំងខាងលើនេះ។
លោក សាម ឡន ចៅសង្កាត់សាលាកំរើក បានឱ្យដឹង នៅព្រឹកថ្ងៃទី២៦ ខែមករា នេះថា ករណីស្ថានីយលក់ប្រេងសាវីមិច ធ្វើសួនច្បារលើចំណីផ្លូវនេះ អាជ្ញាធរសង្កាត់សាលាកំរើកបានធ្វើរបាយការណ៍ទៅជូនរដ្ឋបាលខេត្តសៀមរាប ដើម្បីពិនិត្យ និងសម្រេចរួចហើយ ដោយសារការងារនេះហួសពីសមត្ថភាពរបស់លោក។ ពាក់ព័ន្ធនឹងករណីនេះ អាជ្ញាធរក្រុងសៀមរាប កំពុងរៀបចំគណៈកម្មការមួយ ដើម្បីចុះពិនិត្យស្ថានីយលក់ប្រេងខាងលើនោះហើយ។ អាជ្ញាធរខេត្តសៀមរាប បានបញ្ជាក់ថា ខាងខេត្ត បានចាត់ឱ្យមន្ត្រីជំនាញចុះទៅពិនិត្យទីតាំងខាងលើនេះហើយដែរ តែនៅមិនទាន់ដឹងថាយ៉ាងណានោះទេ ព្រោះកំពុងរង់ចាំការបង្ហាញរបាយការណ៍របស់មន្ត្រីសិន៕
ដោយ៖ ជុន កុសល
-
កីឡា៧ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង