ព័ត៌មានជាតិ
អាជ្ញាធរ សន្យា នឹងនាំសំណូមពរជូនរាជរដ្ឋាភិបាលពិនិត្យ ក្រោយពលរដ្ឋតំបន់រុនតាឯក ជាង ២ ពាន់នាក់ តវ៉ាករណីបាត់សាច់ប្រាក់ក្នុងប័ណ្ណក្រីក្រ
ប្រជាពលរដ្ឋប្រមាណជាង ២ ០០០ នាក់ បានមកប្រមូលផ្ដុំគ្នានៅបរិវេណផ្សាររុនតាឯក ដើម្បីតវ៉ាករណីបាត់បង់សាច់ប្រាក់ក្នុងប័ណ្ណសមធម៌ ឬ ប័ណ្ណក្រីក្រ អស់មួយចំនួនធំ ដោយមិនដឹងមូលហេតុ។ ក្នុងនោះ ចំពោះករណីនេះ អាជ្ញាធរខេត្តសៀមរាប បានសន្យាថា នឹងនាំសំណូមពរនេះ ជូនទៅប្រមុខរាជរដ្ឋាភិបាលពិនិត្យ។
កាលពីថ្ងៃទី ២៧ ខែមករា ឆ្នាំ ២០២៤ ម្សិលមិញ មានករណីផ្ទុះការតវ៉ាមួយស្ថិតនៅចំណុចផ្សាររុនតាឯក ភូមិធម្មជាតិរុនតាឯក ដោយប្រជាពលរដ្ឋប្រមាណជាង ២ ០០០ នាក់ ដែលស្ម័គ្រចិត្តចាកចេញពីលំនៅឋានធ្លាប់តាំងនៅក្នុងរមណីយដ្ឋានអង្គរ ទៅរស់នៅក្នុងក្រុងថ្មីឈ្មោះ«ក្រុងរុនតាឯក តេជោសែន» បានលើកគ្នាតវ៉ារឿងប័ណ្ណសមធម៌ (ប័ណ្ណក្រីក្រ) បន្ទាប់ពីទទួលអនុក្រឹត្យថ្មី លេខ ៣៧១ អនក្រ.កប ចុះហត្ថលេខាដោយ សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា កាលថ្ងៃទី ២៩ ខែធ្នូ ឆ្នាំ ២០២៣ ស្ដីពីការកែសម្រួលអនុក្រឹត្យលេខ ៨៨ អនក្រ.បក ចុះថ្ងៃទី ១២ ខែមិថុនា ឆ្នាំ ២០២០ ស្ដីពីការអនុវត្តកម្មវិធីឧបត្ថម្ភសាច់ប្រាក់ជូនគ្រួសារក្រីក្រ និងងាយរងគ្រោះ កំឡុងពេលប្រយុទ្ធជំងឺកូវីដ-១៩ ពីការផ្សព្វផ្សាយរបស់លោកមេឃុំ។
ដោយឡែកប្រជាពលរដ្ឋមកពីឃុំពាក់ស្មែង ស្រុកអង្គរធំ ក៏បានលើកឡើងដែរថា «សម្រាប់ខ្ញុំយល់ហើយ នៅឡើយតែពលរដ្ឋដែលខ្វះការយល់ដឹង ទើបពួកគាត់នៅមានកម្រិតទាប ធ្វើឲ្យវាទាមទារឲ្យមន្ត្រីជំនាញពន្យល់គាត់បន្ថែម។ បើចេញតែសេចក្ដីប្រកាសឲ្យពួកគាត់អានម៉េចនឹងយល់បាន។ មានន័យថា ពលរដ្ឋដែលមិនមានចែងក្នុងលេខរៀងចាប់ពីលេខ ២ ដល់លេខ ៥ បានតែតម្លៃក្បាលប័ណ្ណ ១២ ម៉ឺនរៀល ហ្នឹងឯង…»។
យ៉ាងណាមិញ ប្រជាពលរដ្ឋដែលលើកគ្នាមកតវ៉ានោះ ក៏បានបញ្ជាក់ដែរថា មូលហេតុមកពីមានការប្រែប្រួលប្រាក់ឧបត្ថម្ភ កំឡុង ៣ ខែចុងក្រោយ គឺ ចាប់ពីខែមករា ដល់ ខែមីនា ឆ្នាំ ២០២៤ ក្រោយពីមានការផ្សព្វផ្សាយគោលការណ៍រាជរដ្ឋាភិបាល និងការចែកខិតប័ណ្ណរបស់មេឃុំ-ចៅសង្កាត់ មេភូមិ ដល់ប្រជាពលរដ្ឋតាមខ្នងផ្ទះរួចមក។ ទន្ទឹមនោះ ប្រជាពលរដ្ឋ យល់ឃើញថា ប្រាក់ពួកគាត់ទទួលបាន គឺជាការដោះដូរលំនៅឋានពីតំបន់អង្គរ ទៅ រុនតាឯក។ ក្នុងនោះ អត្ថប្រយោជន៍ដែលពួកគាត់ត្រូវទទួលបានពីការឧបត្ថម្ភពីរាជរដ្ឋាភិបាលរយៈពេល ១០ ឆ្នាំ ដោយមិនមែនគិតថា ទទួលពីកម្មវិធីកូវីដ-១៩ និងសុពលភាពប័ណ្ណសមធម៌នោះទេ។
ជាមួយគ្នានេះ ក្រុមប្រជាពលរដ្ឋខាងលើ ក៏បានសំណូមពរសុំឲ្យរដ្ឋាភិបាល នៅតែបន្តឧបត្ថម្ភជាបន្តទៀតទៅតាមប្រាក់ដែលពួកគាត់ទទួលបានដូចប្រចាំខែកន្លងមក នៅដដែល ដោយសារមានការលំបាកក្នុងការប្រកបអាជីវកម្មនានានៅទីក្រុងថ្មីមួយនេះ និងជាពិសេសនៅជាប់បំណុលធនាគារ។
ពាក់ព័ន្ធករណីនេះដែរ អាជ្ញាធរខេត្តសៀមរាប ក៏បានជម្រាបជូនសាធារណជនដែរថា កាលពីថ្ងៃទី ២៧ ខែមករា ឆ្នាំ ២០២៤ ក្រុមការងារចម្រុះដោយមានតំណាងក្រសួងសង្គមកិច្ច អតីតយុទ្ធជន និង យុវនីតិសម្បទា តំណាងរដ្ឋបាលខេត្ត និងអ្នកពាក់ព័ន្ធ បានជួបជាមួយប្រជាពលរដ្ឋដែលស្ម័គ្រចិត្តចាកចេញពីតំបន់រមណីយដ្ឋានអង្គរ ទៅតាំងទីលំនៅនៅភូមិធម្មជាតិរុនតាឯក ដើម្បីស្ដាប់សំណូមពររបស់ប្រជាពលរដ្ឋ ពាក់ព័ន្ធនឹងការឧបត្ថម្ភសាច់ប្រាក់។ ជាមួយគ្នានេះ ក្រុមការងារចម្រុះ ក៏បានធ្វើការផ្សព្វផ្សាយជូនប្រជាពលរដ្ឋអំពីគោលនយោបាយ និងការកែសម្រួលលើការឧបត្ថម្ភសាច់ប្រាក់ ដោយអនុវត្តតាមអនុក្រឹត្យលេខ ៨៨ អនក្រ.បក ចាស់ និងអនុក្រឹត្យលេខ ៣៧១ អនក្រ.បកថ្មី ចុះថ្ងៃទី២៩ ខែធ្នូ ឆ្នាំ ២០២៣។ បន្ទាប់ពីបានទទួលសំណូមពរខាងលើ ក្រុមការងារចម្រុះ ក៏ជូនដំណឹងទៅកាន់ប្រជាពលរដ្ឋថា រដ្ឋបាលខេត្ត នឹងធ្វើរបាយការណ៍ជូន រាជរដ្ឋាភិបាល ដើម្បីពិនិត្យ ហើយជូនដំណឹងមកកាន់ពលរដ្ឋវិញ ឲ្យឆាប់រហ័ស ក្រោយពេលទទួលបានដំណឹងពីរាជរដ្ឋាភិបាល៕
អត្ថបទ ៖ ជុន កុសល
សមត្ថកិច្ចឃាត់ខ្លួន យុវជនប្រុសស្រី៣នាក់ ករណីហិង្សាបង្ករបួសស្នាម នៅខណ្ឌទួលគោក
កម្ពុជាបន្តធ្លាក់ភ្លៀង និងខ្យល់កន្ត្រាក់ ខណៈកម្ពស់ទឹករលកនៅតំបន់សមុទ្រ អាចកើតមានដល់ ២,៥០ ម៉ែត្រ
សមាជិកអចិន្ត្រៃយ៍បក្សខេត្តកោះកុង បំផុសស្មារតីកៀងគរសមាជិកបក្សប្រឆាំងមករួមរស់ជាមួយគណបក្សប្រជាជនកម្ពុជា
ក្មេងទំនើង២ក្រុមនៅក្នុងប៉ោយប៉ែតបើកឆាកប្រយុទ្ធត្រូវកម្លាំងអាវុធហត្ថឃាត់ខ្លួនបាន៨នាក់
អាជ្ញាធរខេត្តសៀមរាប គ្រោងដាំដើមឈើតាមដងផ្លូវឱ្យបាន១ម៉ឺនដើម រយៈពេល២ឆ្នាំខាងមុខ
ក្រុមអភិវឌ្ឍន៍សង្កាត់ទឹកល្អក់ទី៣ ខិតខំប្ដូរលូតូចចេញ ដាក់លូធំជាងមុន ដើម្បីបញ្ជៀសទឹកឲ្យបានលឿន
គ្រូបង្រៀនម្នាក់ឆ្លៀតយកម៉ោងសម្រាក លក់ទុរេនដាំនៅចំការផ្ទាល់ខ្លួន រកបានកម្រៃរាប់ម៉ឺនដុល្លារ
MV ថ្មី “Rockstar” របស់ Lisa ខំប្រម៉ូតប្រទេសថៃ បែរជាប់មម្រាមលើ Facebook ភ្លាមៗ
តំណាងអយ្យការចោទបុរសយកកាំភ្លើងបាញ់ពោះខ្លួនឯង ពីបទប្រេីប្រាស់អាវុធដោយគ្មានការអនុញ្ញាត
បុរស បារាំង ម្នាក់ជម្នះកែប្រែរាងកាយដូចមនុស្សក្រៅភព មិនខ្វល់អ្នករិះគន់
-
ព័ត៌មានជាតិ៧ ថ្ងៃ agoអ្នកនាំពាក្យទទូចដល់អ្នកប្រើបណ្តាញសង្គមបញ្ឈប់ចែកចាយជាបន្ទាន់ និងលុបចេញរាល់មាតិកាដែលពាក់ព័ន្ធឃាតកម្មឃោរឃៅ
-
ព័ត៌មានជាតិ៦ ថ្ងៃ agoលោក ជួន ណារិន្ទ បញ្ជាឱ្យហៅគ្រូមន្តអាគមយកកាំភ្លើងពោះខ្លួនឯងមកសួរនាំ ទោះសាមីខ្លួនសុំទោសជាសាធារណៈ
-
ព័ត៌មានអន្ដរជាតិ៥ ថ្ងៃ agoព្យុះខ្សាច់សាហារ៉ាដ៏ធំ ហោះឆ្លងមហាសមុទ្រអាត្លង់ទិក ទៅវាយប្រហារអាមេរិក ចុងសប្តាហ៍នេះ
-
ព័ត៌មានជាតិ៥ ថ្ងៃ agoអភិបាលខេត្តជើងខ្លាំង៤រូប នៅរក្សាតំណែង ខណៈអភិបាល៤រូបទៀត របូតតំណែងនេះ
-
ព័ត៌មានជាតិ១ សប្តាហ៍ agoរដ្ឋមន្ត្រីក្រសួងព័ត៌មាន ស្នើអ្នកសារព័ត៌មាន MMO ឈប់បង្ហោះវីដេអូជនដៃដល់ស្រី ស៊ីណា បាញ់ជនរងគ្រោះ
-
សន្តិសុខសង្គម៦ ថ្ងៃ agoព័ត៌មានបឋម! ជនមិនស្គាល់មុខចាក់សម្លាប់យុវជនម្នាក់នៅផ្ទះជួលជាន់ទី៣
-
ព័ត៌មានជាតិ២ ថ្ងៃ agoចោទកម្ពុជាបង្កើត CoolApp ដើម្បីយកការណ៍ ឯកឧត្ដម ឌី វិជ្ជា ចោទសួរទៅវិញថាតើ Appរបស់ប្រទេសមហាអំណាចបង្កើតដើម្បីអ្វី?
-
ព័ត៌មានជាតិ១ សប្តាហ៍ agoគម្រោងអភិវឌ្ឍន៍ប្រព័ន្ធធារាសាស្ត្រដ៏ធំនៅខេត្តបន្ទាយមានជ័យ នឹងជួយបង្កបង្កើនផលដល់កសិករ និងកាត់បន្ថយទឹកជំនន់