Connect with us

ព័ត៌មានជាតិ

ពលរដ្ឋអាចផ្ញើពាក្យប្ដឹងទៅអង្គភាពប្រឆាំងអំពើ ពុករលួយ តាមប្រៃសណីយ៍បាន ដោយឥតគិតថ្លៃ

បានផុស

នៅ

ចាប់ពីពេលនេះ ប្រជាពលរដ្ឋដែលមានបំណងចង់ផ្ញើសំបុត្រ ឬពាក្យបណ្ដឹងផ្សេងៗទៅកាន់អង្គភាពប្រឆាំងអំពើពុករលួយ (ACU) គឺអាចផ្ញើសំបុត្រ ឬពាក្យបណ្ដឹងទាំងនោះ តាមរយៈប្រៃសណីយ៍កម្ពុជាបាន ហើយថែមទាំងមិនគិតថ្លៃសេវានោះឡើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅព្រឹកថ្ងៃទី១២ ខែមីនា ឆ្នាំ២០២៤ លោក ថេន សំវិសុទ្ធ អគ្គនាយកប្រៃសណីយ៍កម្ពុជា និងលោក ជា សំអាត អគ្គនាយកនៃអគ្គនាយដ្ឋានប្រតិបត្តិការ នៃអង្គភាពប្រឆាំងអំពើពុករលួយ បានចុះហត្ថលេខាលើសេចក្តីជូនដំណឹងរួមរវាងស្ថាប័នទាំងពីរស្តីពីការផ្ញើសំបុត្រ លិខិតស្នាម ពាក្យប្តឹង មកអង្គភាពប្រឆាំងអំពើពុករលួយ តាមរយៈប្រៃសណីយ៍កម្ពុជា ដោយមិនយកថ្លៃសេវា។

សេចក្ដីជូនដំណឹងរួមរបស់អង្គភាពប្រឆាំងអំពើពុករលួយ និងប្រៃសណីយ៍កម្ពុជា បានគូសបញ្ជាក់ថា ដើម្បីផ្តល់នូវភាពងាយស្រួលដល់ប្រជាពលរដ្ឋក្នុងការផ្ញើសំបុត្រ ឬលិខិតស្នាម ជាពិសេសពាក្យបណ្ដឹង ទៅកាន់អង្គភាពប្រឆាំងអំពើពុករលួយ ប្រៃសណីយ៍កម្ពុជា និងអគ្គនាយកដ្ឋានប្រតិបត្តិការ នៃអង្គភាពប្រឆាំងអំពើពុករលួយ បានចុះសហការគ្នាក្នុងការផ្ដល់សេវាផ្ញើលិខិតដោយមិនគិតថ្លៃ ចំពោះអ្នកមានបំណងចង់ផ្ញើសំបុត្រ ឬពាក្យប្ដឹងទៅអង្គភាពប្រឆាំងអំពើពុករលួយ។

ការផ្ញើសំបុត្រ ឬលិខិតស្នាមពាក្យប្ដឹងទៀតសោតនេះ គឺគ្រាន់តែបំពេញលើខ្នងសំបុត្រតាមការកំណត់មួយចំនួនប៉ុណ្ណោះ រួចដាក់ចូលក្នុងប្រអប់សំបុត្រគ្រប់សាខាប្រៃសណីយ៍កម្ពុជា តាមបណ្តារាជធានី-ខេត្ត ទូទាំងប្រទេស។ តាមរយៈនេះ ក្រសួងប្រៃសណីយ៍ និងទូរគមនាគមន៍ និងអង្គភាពប្រឆាំងអំពើពុករលួយ បានលើកទឹកចិត្តដល់ប្រជាពលរដ្ឋ ចូលរួមប្រើប្រាស់សេវាបញ្ញើប្រៃសណីយ៍របស់ប្រៃសណីយ៍កម្ពុជា ដែលផ្តល់សេវាប្រកបដោយគុណភាព សុវត្ថិភាព និងការទទួលខុសត្រូវខ្ពស់នេះ៕

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

សន្តិសុខសង្គម២៥ នាទី មុន

គ្រឿងញៀន១៤៥គីឡូក្រាមត្រូវបានបង្ក្រាប និងឃាត់ខ្លួនឧក្រិដ្ឋជន៥នាក់

ព័ត៌មានជាតិ៤១ នាទី មុន

ក្រសួងព័ត៌មាន និងក្រសួងទេសចរណ៍ ចាប់ដៃគ្នា ដើម្បីផ្សាយពីវិស័យទេសចរណ៍កម្ពុជាឱ្យសម្បូរបែបជាងមុន

ព័ត៌មានជាតិ២ ម៉ោង មុន

ប័ណ្ណ​សម្គាល់​ជលយាន​ចំនួន​៩៨​ប័ណ្ណ ត្រូវ​បាន​ប្រគល់​ជូន​ព​ល​រដ្ឋ​ស្រុក​កោះកុង

ព័ត៌មានអន្ដរជាតិ២ ម៉ោង មុន

​ភាព​តាន​តឹង​លើ​បញ្ហា​ដំឡើង​ពន្ធ​របស់​អឺរ៉ុប​ បង្ក​កង្វល់​​​នៃ​ «សង្រ្គាម​ពាណិជ្ជកម្ម​អឺរ៉ុប​-ចិន​»

ព័ត៌មានជាតិ២ ម៉ោង មុន

ន.ប.ប.ប បំភ្លឺថា  ឃើញស្ងាត់ៗមិនមែនមិនធ្វើការទេ ហេតុដែលស្ងាត់ៗពេលស៊ើបការ ព្រោះខ្លាចបាត់តម្រុយជនល្មើស

ព័ត៌មានជាតិ៦ ម៉ោង មុន

ក.ប.ប រកឃើញថាឈ្មួញនាំចូលផ្លែទុរេនពីប្រទេសជិតខាង និងមានជ្រលក់ថ្នាំ ហើយលក់បន្លំថាជាទុរេនក្នុងស្រុក

ព័ត៌មានជាតិ៤ ម៉ោង មុន

ក្នុងឆ្នាំ២០២៤៖ ឧកញ៉ា អ្នកឧកញ៉ា ៤នាក់ ត្រូវដកហូតគោរមងារ ក្រោយរកស៊ីបោកប្រាស់ និងបាញ់ប្រហារពលរដ្ឋ

ព័ត៌មានជាតិ៨ ម៉ោង មុន

រាជ​ដំណាក់​ព្រះមហាក្សត្រ​ខ្មែរ ​លើ​កំពូលភ្នំ​បូកគោ រង់ចាំអនុញ្ញាតពីព្រះបរមរាជវាំង ​ជួសជុលតាម​គំរូ​ដើម​ឡើង​វិញ

ព័ត៌មានជាតិ៥ ម៉ោង មុន

ដំណាំកសិកម្មជាង ១ ម៉ឺនហិកតា កំពុងរងការវាយប្រហារពីសត្វដង្កូវហ្វូង

ព័ត៌មានអន្ដរជាតិ១០ ម៉ោង មុន

រលក​កម្ដៅ​៥២​អង្សា ប្រល័យ​ជីវិត​អ្នក​ចូលរួម​ធម្មយាត្រា Hajj ជាង​១០០០​នាក់​ហើយ

Sokha Hotels

ព័ត៌មានពេញនិយម