ព័ត៌មានជាតិ
នាយករដ្ឋមន្ត្រីកម្ពុជា គ្រោងបំពេញទស្សនកិច្ចផ្លូវការនៅកូរ៉េខាងត្បូង ដើម្បីទាក់ទាញការវិនិយោគបន្ថែមទៀត
សម្ដេចធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា គ្រោងបំពេញទស្សនកិច្ចផ្លូវការនៅប្រទេសកូរ៉េខាងត្បូង នៅខែឧសភា ឆ្នាំ ២០២៤ខាងមុខនេះ ដើម្បីទាក់ទាញការវិនិយោគបន្ថែមទៀតពីវិនិយោគិនកូរ៉េខាងត្បូង នៅក្នុងប្រទេស កម្ពុជា។
សម្ដេចធិបតី ហ៊ុន ម៉ាណែត បានថ្លែងក្នុងកិច្ចប្រជុំពេញអង្គគណៈរដ្ឋមន្ត្រី នៅព្រឹកថ្ងៃទី ១៥ ខែមីនានេះថា នាពេលឆាប់ៗខាងមុខនេះ នឹងមានគណៈប្រតិភូវិនិយោគិនកូរ៉េខាងត្បូង នឹងមកបំពេញទស្សនកិច្ចសិក្សានៅក្នុងប្រទេសកម្ពុជា ហើយសម្ដេច ក៏នឹងអញ្ជើញទៅបំពេញទស្សនកិច្ចនៅកូរ៉េខាងត្បូង ក្នុងខែឧសភាផងដែរ។
សម្ដេចធិបតី ហ៊ុន ម៉ាណែត បានថ្លែងបែបនេះថា «នៅក្នុងពេលខាងមុខនេះ គឺមានគណៈប្រតិភូវិនិយោគិនកូរ៉េខាងត្បូង នឹងមក ហើយនៅខែ ៥ (ឧសភា) ខ្ញុំនឹងទៅកូរ៉េខាងត្បូង ដើម្បីទស្សនកិច្ចផ្លូវការ តាមការអញ្ជើញរបស់ឯកឧត្ដមប្រធានាធិបតី»។
សម្ដេចនាយករដ្ឋមន្ត្រី បានបញ្ជាក់ថា នៅក្នុងដំណើរទស្សនកិច្ចផ្លូវការ នៅកូរ៉េខាងត្បូងនាពេលខាងមុខនេះ សម្ដេច នឹងជជែកពិភាក្សាជាមួយថ្នាក់ដឹកនាំ និងវិស័យឯកជនរបស់កូរ៉េខាងត្បូង ដើម្បីទាក់ទាញការវិនិយោគិនពីកូរ៉េខាងត្បូង មកប្រទេសកម្ពុជាបន្ថែមទៀត។
ប្រមុខរាជរដ្ឋាភិបាល ក៏បានឲ្យដឹងដែរថា ក្នុងរយៈពេល ៦ខែ នៃរាជរដ្ឋាភិបាល អាណត្តិទី ៧នេះ ទទួលបានគម្រោង វិនិយោគចំនួន ១៧៣គម្រោង ដោយមានទុនវិនិយោគចំនួន ៤ ១៥០លានដុល្លារអាមេរិក ហើយនឹងអាចបង្កើតការងារប្រមាណ ១៧៧ ០០០កន្លែង។
ប្រទេសដែលដាក់ទុនវិនិយោគនោះ រួមមាន៖ ប្រទេសចិន, សិង្ហបុរី, អាមេរិក, កូរ៉េខាងត្បូង, វៀតណាម, ថៃ, ប្រុយណេ, ស៊ុយអែត, កាណាដា, ជប៉ុន និងពីវិនិយោគិនក្នុងស្រុក៕
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១៨ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង