Connect with us

ព័ត៌មានជាតិ

នាយករដ្ឋមន្ត្រី ប្រាប់ពលរដ្ឋកុំបារម្ភរឿងបាត់បង់សង្ក្រាន្តនៅកម្ពុជា ហើយបុណ្យចូលឆ្នាំជាតិខ្មែរ នៅតែមានដដែល

បានផុស

នៅ

សម្ដេចនាយករដ្ឋមន្ត្រី ប្រកាសកុំឱ្យពលរដ្ឋបារម្ភរឿងបាត់បង់សង្ក្រាន្តចូលឆ្នាំប្រពៃណីជាតិខ្មែរ ដោយសម្ដេច បញ្ជាក់ថា កម្ពុជានៅតែអាចប្រារព្វពិធីសង្ក្រាន្ត ឬពិធីបុណ្យចូលឆ្នាំខ្មែរដដែល កុំមានការភាន់ច្រឡំ។ សម្ដេចនាយករដ្ឋមន្ត្រី ថា កិច្ចការពារសម្បត្តិវប្បធម៌ ជាអាទិភាពធំរបស់រាជរដ្ឋាភិបាលកម្ពុជាគ្រប់អាណត្តិមកហើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការចេញមកប្រកាសបែបនេះពីសំណាក់សម្ដេចនាយករដ្ឋមន្រ្តី គឺក្រោយមានការព្រួយបារម្ភលើបាត់បង់ពិធីសង្ក្រាន្ត ឬពិធីបុណ្យចូលឆ្នាំខ្មែរនៅកម្ពុជា ក្រោយប្រទេសថៃ បានចុះសង្ក្រាន្តថៃក្នុងបញ្ជីបេតិកភណ្ឌអរូបិយ នាពេលកន្លងទៅនេះ។

ឆ្លើយតបនឹងការបញ្ហានេះ ថ្លែងចេញខេត្តពោធិ៍សាត់ ក្នុងឱកាសអញ្ជើញជាអធិបតីភាពក្នុងពិធីសម្ពោធឆ្លងបទុមចេតិយ វត្តមណីរតនារាម ខេត្តពោធិសាត់ នៅព្រឹកថ្ងៃទី៣១ ខែមីនា ឆ្នាំ២០២៤នេះ សម្ដេចធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា បានគូសបញ្ជាក់ដូច្នេះថា៖ «លោកតាលោកយាយ អ៊ំពូមីង ការព្រួយបារម្ភ ជាការត្រឹមត្រូវ ប៉ុន្តែកន្លងទៅ មានការផ្ដល់ព័ត៌មានខ្លះដែលមិនគ្រប់ជ្រុងជ្រោយ ធ្វើឱ្យប្រជាពលរដ្ឋយើងមានការភាន់ច្រឡំ ហើយខ្ញុំសូមអរគុណដល់ក្រសួងវប្បធម៌ ដែលបានចេញមកបំភ្លឺ ទៅលើកិច្ចការងារនេះ ហើយនៅថ្ងៃនេះ ខ្ញុំក៏យកឱកាសនេះ បញ្ជាក់ សូមកុំព្រួយបារម្ភរឿងការពារសម្បត្តិវប្បធម៌ គឺជាអាទិភាពធំណាស់របស់រាជរដ្ឋាភិបាលកម្ពុជា រាប់អាណត្តិមកហើយ។ យើងមិនឱ្យបាត់បុណ្យចូលឆ្នាំនេះបាត់បង់ទេ ព្រោះជាប្រពៃណីតាំងដើមមកហើយ»

សម្ដេចធិបតីនាយករដ្ឋមន្ត្រី សង្កត់ធ្ងន់ថា កុំព្រួយរឿងប្រារព្វពិធីចូលឆ្នាំថ្មីនៅកម្ពុជា ឬសង្ក្រាន្តនៅកម្ពុជា ពាក្យនេះ គឺជាពាក្យក្នុងបាលីសំស្ត្រឹត ដែលមានប្រទេសជាច្រើនប្រើ រួមទាំងកម្ពុជា ថៃ ឡាវ ក៏ប្រើដូចគ្នាដែរ។ ក្នុងន័យថា សម្ដេចធិបតី បានអះអាងថា ការចុះសង្ក្រាន្តនៅថៃ មិនធ្វើឱ្យកម្ពុជាឈប់មានសិទ្ធិប្រើប្រាស់ពាក្យសង្ក្រាន្តនោះទេ ផ្ទុយទៅវិញ គឺមានសិទ្ធិដូចគ្នា ដោយមិនប៉ះពាល់អ្វីនោះទេ ជាពិសេសក៏ប៉ះពាល់ដល់កម្ពុជា ក្នុងសិទ្ធិចុះបេតិកភណ្ឌអរូបបិយសង្រ្កាន្តនៅកម្ពុជានោះដែរ។

នៅចំពោះមុខ សម្ដេចធិបតី បានបញ្ជាក់ពីការណែនាំឱ្យក្រសួងវប្បធម៌ និងវិចិត្រសិល្បៈ ត្រូវតែខិតខំរៀបចំឯកសារក្នុងការដាក់សង្ក្រាន្តកម្ពុជាទៅក្នុងបញ្ជីបេតិកភណ្ឌពិភពលោកអរូបិយឱ្យបានរួចរាល់នៅឆ្នាំក្រោយផងដែរ៕

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

សេចក្ដីជូនដំណឹង២០ នាទី មុន

ក្រុមហ៊ុន ហនុមាន ប៊ែវើរីជីស បោះជំហានឆ្ពោះទៅកាន់វិសាលភាពអន្តរជាតិជាមួយម្ចាស់ជើងឯកប្រដាល់ពិភពលោក ម៉ានី ប៉ាគីអាវ!

ព័ត៌មានជាតិ៤៥ នាទី មុន

អ្នកវិភាគ និង​មេ​សហជីព​នៅ​កម្ពុជា​ ៖ សហជីព​ដែល​ប្រព្រឹត្ត​ខុសច្បាប់​ត្រូវតែ​កាត់ទោស​

ព័ត៌មានជាតិ២ ម៉ោង មុន

លោក​ហេង សួរ និង​នាយិកា​ADB​ប្រចាំ​នៅ​កម្ពុជា​ពិភាក្សា​លើ​វឌ្ឍនភាព​ស្តីពី​ការអភិវឌ្ឍ​ជំនាញ​នៅ​កម្ពុជា

ព័ត៌មានជាតិ២ ម៉ោង មុន

ស្ដេចប្រដាល់ហ្វីលីពីន សន្យានៅចំពោះមុខសម្ដេចធិបតី ថា នឹងជួយលើកស្ទួយគុនខ្មែរ

សេចក្ដីជូនដំណឹង៣ ម៉ោង មុន

កម្មការិនីរោងចក្រកាត់ដេរម្នាក់នៅស្រុកអង្គស្នួល ខេត្តកណ្តាល ឈ្នះរង្វាន់១២៥លានរៀលពីភេសជ្ជៈប៉ូវកម្លាំង ខារ៉ាបាវ

Sokha Hotels

ព័ត៌មានពេញនិយម