ព័ត៌មានជាតិ

អ្នកនាំពាក្យ ៖ ពលករខ្មែរធ្វើការនៅអារ៉ាប៊ីសាអូឌីត ៩០ នាក់ ស្នើសុំវិលត្រឡប់មកកម្ពុជាវិញ

បានផុស

២ years មុន

នៅ

ថ្ងៃចន្ទ ៦ ឧសភា ២០២៤

ដោយ

លោក កត្តា អ៊ន រដ្ឋលេខាធិការ និងជាអ្នកនាំពាក្យក្រសួងការងារ និងបណ្ដុះបណ្ដាលវិជ្ជាជីវៈ បានមានប្រសាសន៍នៅព្រឹកថ្ងៃទី ៦ ឧសភា នេះថា បច្ចុប្បន្នពលករខ្មែរធ្វើការនៅអារ៉ាប៊ីសាអូឌីតមានចំនួន ១៣៣ នាក់ ក្នុងនោះបានស្នើសុំវិលត្រឡប់មកស្រុកខ្មែរវិញចំនួន ៩០ នាក់ និងបានមកដល់ខ្មែរចំនួន ២៨ នាក់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកបានបន្តថា ចំណែកអ្នកនៅសល់ ៦២ នាក់ កំពុងរស់នៅជុំគ្នានៅទីកន្លែងស្ថិតក្រោមការមើលថែ និងផ្គត់ផ្គង់ចំណីអាហារយ៉ាងយកចិត្តទុកដាក់ពីស្ថានទូតខ្មែរ និងភាគីពាក់ព័ន្ធ និងអាជ្ញាធរអារ៉ាប៊ីសាអូឌីត។ ពួកគាត់កំពុងរៀបចំបែបបទ នឹងវិលត្រឡប់មកកម្ពុជានៅពេលឆាប់ៗ។

លោកបានបន្តទៀតថា ការបញ្ជូនពលករខ្មែរមកប្រទេសវិញនេះយើងបានសហការជាមួយអារ៉ាប៊ីសាអូឌីតដែលជាប្រទេសជាមិត្ត និងមានទំនាក់ទំនងការទូតល្អនឹងគ្នា។

លោក កត្តា អ៊ន បានបន្ថែមថា ទីភ្នាក់ងារជាតិមុខរបរ និងការងារ (NEA) នៃក្រសួងការងារ និងបណ្ដុះបណ្ដាលវិជ្ជាជីវៈ នឹងជួយសម្របសម្រួលរកការងារធ្វើជូនដល់ប្រជាពលរដ្ឋខ្មែរ ដែលស្នើសុំវិលត្រឡប់មកពីប្រទេសអារ៉ាប៊ីសាអូឌីត។ លើសពីនេះទៀត ពេលពលករត្រឡប់មកវិញ ខាងទីភ្នាក់ងារជាតិមុខរបរ និងការងារ ក៏នឹងសម្របសម្រួលផ្តល់ឱកាសឱ្យពួកគាត់អាចចូលរៀនជំនាញផងដែរ ប្រសិនបើពួកគាត់ចង់រៀន៕

អត្ថបទ ៖ សំអឿន