អ្នកគ្រប់គ្រងគម្រោងអចលនទ្រព្យ​ឲ្យ​អ្នកឧកញ៉ា ឡេង ណា​វ៉ា​ត្រា ទទួល​គោរមងារជា ឧកញ៉ា​ក្មេង​ជាងគេ​នៅ​កម្ពុជា​

​លោក សុន ដារ៉ាវុធ ដែល​ត្រូវ​បាន​គេ​ស្គាល់​ថា ជាប្រធាន​ផ្នែកគ្រប់គ្រង ផ្នែកលក់នៃគម្រោង អចលនទ្រព្យឲ្យអ្នកឧកញ៉ា ឡេង ណា​វ៉ា​ត្រា ត្រូវបាន​ព្រះមហាក្សត្រ​ចេញ​ព្រះរាជក្រឹត្យ​ត្រាស់បង្គាប់ផ្ដល់គោរមងារ ជា​ឧកញ៉ា កាលពី​ថ្ងៃ​ទី​២៣ ខែ​កុម្ភៈ ឆ្នាំ​២០២១​។

​ឧកញ៉ា សុន ដារ៉ាវុធ ត្រូវប្រភពមួយទម្លាយឲ្យដឹងថា គឺជា​អ្នកគ្រប់គ្រង និង ជា​បុគ្គលិក​គំរូ​មួយរូប ដែលមានស្នាដៃតស៊ូស្មោះត្រង់ជាមួយក្រុមហ៊ុន និង ជួយរាល់គ្រប់កិច្ចការងារគ្រប់ គម្រោងអចលនទ្រព្យ ជូនអ្នកឧកញ៉ា ឡេង ណា​វ៉ា​ត្រា តាំងពី​ដើមរៀងមកម្ល៉េះ​។ លោកឧកញ៉ា គឺ ថ្នាក់ដឹកនាំម្នាក់ ធ្វើឲ្យបុគ្គលិកគោរពស្រលាញ់លោកជាខ្លាំង។ ទទឹមនឹងគ្នានោះដែរ លោក ឧកញ៉ា ក៏ធ្លាប់បានជួយដល់សង្គមជាច្រើនកន្លងមកដែរ ទើបនាំឲ្យលោកត្រូវបាន ព្រះមហាក្សត្រ ចេញព្រះរាជក្រឹត្យត្រាស់បង្គាប់ផ្ដល់គោរមងារជាឧកញ៉ាបែបនេះ​។

​លោកឧកញ៉ា ត្រូវបានគេដឹងទៀតថា មានកំណើតក្នុងត្រកូលកសិករ មកពីភូមិចុង​ព្រែក ឃុំ អណ្ដូង​ពោធិ៍ ស្រុករមាសហែក ខេត្តស្វាយរៀង ដែលមានប្រវត្តិតស៊ូជាខ្លាំងលើការសិក្សា ក៏ដូច ការងារជាដើម​៕

អត្ថបទ៖ ស៊ុន ហួត​

សូមចុចអាន៖ មកស្គាល់ឧកញ៉ា ៥ រូប មានសកម្មភាព​លេចធ្លោលើ​បណ្តាញ​សង្គម