ព័ត៌មានជាតិ
អ្នកនាំពាក្យក្រសួងការងារ ស្នើឲ្យ សារព័ត៌មានThe Cambodia Daily សុំទោសជាសាធារណៈ និងកែតម្រូវការផ្សាយរបស់ខ្លួនជាបន្ទាន់
លោក កត្តា អ៊ន រដ្ឋលេខាធិការ និងជាអ្នកនាំពាក្យក្រសួងការងារ និងបណ្ដុះបណ្ដាលវិជ្ជាជីវៈ ស្នើឲ្យសារព័ត៌មាន ខេមបូឌាដេលី (The Cambodia Daily) ត្រូវធ្វើការសុំទោសជាសាធារណៈ និងកែតម្រូវការផ្សាយរបស់ខ្លួនជាបន្ទាន់។
នៅព្រឹកថ្ងៃទី ១៦ ខែឧសភា ឆ្នាំ ២០២៤ នេះ តាមរយៈទំព័រហ្វេសប៊ុក លោក កត្តា អ៊ន បានលើកឡើងថា ការផ្សាយរបស់សារព័ត៌មាន ខេមបូឌាដេលី (The Cambodia Daily ) កាលពីយប់ថ្ងៃទី ១៥ ខែឧសភា ឆ្នាំ ២០២៤ ជាការផ្សាយនូវព័ត៌មានមិនពិត និងបរិហារកេរ្តិ៍ជាសាធារណៈមកលើថ្នាក់ដឹកនាំ និងមន្ត្រី នៃក្រសួងការងារ និងបណ្ដុះបណ្ដាលវិជ្ជាជីវៈ ដោយចោទប្រកាន់ថា ថ្នាក់ដឹកនាំ និងមន្ត្រីក្រសួងពាក់ព័ន្ធមុខរបរ បញ្ជូនពលករទៅធ្វើការនៅបរទេស និងមុខរបរផ្សេងៗ ទៀត។
លោក កត្តា អ៊ន លើកឡើងបន្តថា ការផ្សាយនេះ ជាការប្រឌិតនូវព័ត៌មាន និងប្រភពព័ត៌មាន ក្នុងចេតនាញុះញង់ឲ្យមានការយល់ច្រឡំ រើសអើង និងបំបែកបំបាក់មន្ត្រីរាជការ និងសង្គមជាតិ ព្រមទាំងធ្វើឲ្យប៉ះពាល់ដល់កិត្តិយស សេចក្ដីថ្លៃថ្នូររបស់ថ្នាក់ដឹកនាំ និងមន្ត្រី ដែលនេះជាទង្វើគ្មានវិជ្ជាជីវៈ គ្មានក្រមសីលធម៌សារព័ត៌មាន និងគ្មានការទទួលខុសត្រូវ។
ជាមួយគ្នានេះ លោក កត្តា អ៊ន ក៏បានស្នើឲ្យ សារព័ត៌មាន ខេមបូឌាដេលី (The Cambodia Daily) ត្រូវធ្វើការសុំទោសជាសាធារណៈ និងកែតម្រូវការផ្សាយរបស់ខ្លួនជាបន្ទាន់។
សូមបញ្ជាក់ថា កាលពីយប់ថ្ងៃទី ១៥ ខែឧសភា ឆ្នាំ ២០២៤ ម្សិលមិញនេះ សារព័ត៌មាន ខេមបូឌាដេលី (The Cambodia Daily) បានធ្វើការចុះផ្សាយព័ត៌មានប្រឌិត ខុសវិជ្ជាជីវៈ និងប្រើប្រាស់ពាក្យពេចន៍អសីលធម៌ ព្រមទាំងដាក់ខេបសិននៅលើឃ្លីបវីដេអូរបស់ខ្លួនថា «មន្ត្រីរដ្ឋាភិបាល ទម្លាយថា ប្រពន្ធដើម និងប្រពន្ធចុងលោក ហេង សួរ កាក់កបក្នុងមុខរបរនាំពលករទៅបរទេស ដោយសារមានប្តីជាខ្នងបង្អែក» ដែលទង្វើនេះ គឺជាចេតនាញុះញង់ឲ្យមានការយល់ច្រឡំ រើសអើង បំបែកបំបាក់មន្ត្រីរាជការ និង សង្គមជាតិ៕
អត្ថបទ ៖ ពិសី
-
ព័ត៌មានអន្ដរជាតិ១៣ ម៉ោង agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច២ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
កីឡា៣ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ៦ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេចក្ដីជូនដំណឹង២ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
សេដ្ឋកិច្ច៥ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ