ព័ត៌មានជាតិ
អាជ្ញាធរកោះកុង និងខេត្តមួយនៅប្រទេសថៃ ជួបគ្នាប្រកួតកីឡាបាល់ទាត់ ក្នុងន័យមិត្តភាពទំនាក់ទំនងព្រំដែន
អាជ្ញាធរខេត្តកោះកុង និងអាជ្ញាធរខេត្តត្រាត ប្រទេសថៃ បានជួបគ្នាប្រកួតកីឡាបាល់ទាត់លក្ខណៈពង្រឹងមិត្តភាព សាមគ្គីភាព និងសហប្រតិបត្តិការទំនាក់ទំនងព្រំដែន។
![](https://www.kampucheathmey.com/wp-content/uploads/2024/05/photo_2024-05-24_10-10-27-1024x682.jpg)
កាលពីរសៀលថ្ងៃទី ២៣ ខែឧសភា ឆ្នាំ ២០២៤ អាចនិយាយបានថា ជាថ្ងៃដំបូង នៃការប្រកួតកីឡាបាល់ទាត់រួមគ្នាមិនធ្លាប់មាន ក្រោយជំងឺកូវីដ-១៩ សាបសូន្យ រវាងអាជ្ញាធរខេត្តកោះកុង និងខេត្តត្រាត អាជ្ញាធរស្រុកមណ្ឌលសីមា និងអាជ្ញាធរស្រុកខ្លងយ៉ៃ ស្ថិតនៅភូមិលេខ ៣ ឃុំម៉ាយរ៉ូត។
លោក ឈេង សុវណ្ណដា អភិបាលរងខេត្តកោះកុង លើកឡើងថា ការប្រកួតកីឡាបាល់ទាត់នេះ ដើម្បីសុខភាពផង និងដើម្បីផ្សារភ្ជាប់ទំនាក់ទំនងមិត្តភាពលើកិច្ចសហការការងារព្រំដែនផងដែរ។
![](https://www.kampucheathmey.com/wp-content/uploads/2024/05/photo_2024-05-24_10-10-10-1024x682.jpg)
លោក ឈេង សុវណ្ណដា បានបន្ថែមថា សព្វថ្ងៃនេះ ខេត្តកោះកុង និងខេត្តត្រាត មានទំនាក់ទំនងការងារអភិវឌ្ឍន៍ ក៏ដូចជាផ្លាស់ប្ដូរទំនិញពាណិជ្ជកម្មបានយ៉ាងល្អប្រសើរតាមខ្សែបន្ទាត់ព្រំដែនរវាងប្រទេសទាំងពីរ។
លោកអភិបាលរងខេត្ត ជឿជាក់ថា ការរឹតចំណងមិត្តភាពសាមគ្គីភាពរវាងកម្ពុជា-ថៃ បានធ្វើឱ្យជីវភាពប្រជាពលរដ្ឋធូរធារផ្នែកសេដ្ឋកិច្ចពាណិជ្ជកម្ម និងភាពសុខដុមរមនារួមគ្នា ក្រោមគោលនយោបាយរបស់រាជរដ្ឋាភិបាល ដោយមានសុខសន្តិភាព និងការអភិវឌ្ឍឥតឈប់ឈរ។
![](https://www.kampucheathmey.com/wp-content/uploads/2024/05/photo_2024-05-24_10-10-16-1024x682.jpg)
អាជ្ញាធរខេត្ត នៃប្រទេសទាំងពីរ សន្យា នឹងបន្តកិច្ចសហប្រតិបត្តិការគ្នាកាន់តែរឹងមាំថែមទៀត តាមរយៈការងារទំនាក់ទំនងគ្រប់វិស័យទាំងអស់ទៅអនាគត៕
អត្ថបទ ៖ សិរីវឌ្ឍនៈ
![](https://www.kampucheathmey.com/wp-content/uploads/2024/05/photo_2024-05-24_10-10-20-1024x682.jpg)
![](https://www.kampucheathmey.com/wp-content/uploads/2024/05/photo_2024-05-24_10-10-24-1024x682.jpg)
![](https://www.kampucheathmey.com/wp-content/uploads/2024/05/photo_2024-05-24_10-09-55-1024x682.jpg)
![](https://www.kampucheathmey.com/wp-content/uploads/2024/05/photo_2024-05-24_10-10-01-1024x682.jpg)
![](https://www.kampucheathmey.com/wp-content/uploads/2024/05/photo_2024-05-24_10-10-04-1024x682.jpg)
![](https://www.kampucheathmey.com/wp-content/uploads/2024/05/photo_2024-05-24_10-10-06-1024x682.jpg)
-
ជីវិតកម្សាន្ដ១ សប្តាហ៍ ago
ពិធីករម្នាក់ រងការរិះគន់យ៉ាងចាស់ដៃទង្វើខ្វះសីលធម៌ អង្គុយគងអន្ទាក់ខ្លាពេលសម្ភាសន៍អ្នកនិពន្ធ សុខ ចាន់ផល
-
ជីវិតកម្សាន្ដ៣ ថ្ងៃ ago
ពូ ណុយ និង យ៉ែម ស្រីពេជ្រ ត្រៀមចូលរោងការដើមខែក្រោយ
-
ព័ត៌មានជាតិ៧ ថ្ងៃ ago
មន្ត្រីគាំទ្រគម្រោងព្រែកជីកហ្វូណនម្នាក់ ចោទសួរ The Cambodia Daily ហេតុអ្វីផ្សាយព័ត៌មានប្រឆាំងប្រយោជន៍ជាតិ?
-
ព័ត៌មានអន្ដរជាតិ៣ ថ្ងៃ ago
មូលហេតុ ៣ ដែលអធិរាជ ឈានឡុង នៃរាជវង្ស Qing បញ្ជាឲ្យកាត់ក្បាលគ្រូទាយល្បីម្នាក់
-
ព័ត៌មានជាតិ២៣ ម៉ោង ago
Breaking News! ព្រែកជីកហ្វូណនតេជោ នឹងបើកការដ្ឋានសាងសង់ផ្លូវការនៅ ខែសីហា
-
ព័ត៌មានអន្ដរជាតិ១ សប្តាហ៍ ago
៥០ ឆ្នាំមកនេះ បុរាណវិទូ ចិន នៅតែឈឺចាប់ ក្រោយកំណាយឃើញទ័ពដីឥដ្ឋអធិរាជ ឈិនស៊ី
-
ព័ត៌មានជាតិ៧ ថ្ងៃ ago
សត្វព្រៃដែលបាត់វត្តមានចាប់ពី ៣០ ឆ្នាំ ទើបប្រកាសថាផុតពូជពីដែនព្រៃធម្មជាតិ
-
ព័ត៌មានជាតិ១ សប្តាហ៍ ago
គម្រោងដាំដើមត្នោត តាមមហាវិថីថ្មីទៅព្រលានយន្តហោះតេជោតាខ្មៅ រដ្ឋមន្រ្តីក្រសួងបរិស្ថានប្រកាសរង់ចាំសហការ