Connect with us

ព័ត៌មានជាតិ

ស្អែកព្រឹកប្រមុខការពារជាតិអាមេរិក នឹងបំពេញទស្សនកិច្ចនៅកម្ពុជា ហើយនឹងចេញទៅវិញនៅពេលរសៀល

បានផុស

នៅ

តាមការគ្រោងទុក បើសិនជាគ្មានការប្រែប្រួលនោះទេ នៅវេលាម៉ោង៩៖១៥នាទីព្រឹក ថ្ងៃស្អែក ទី០៤ ខែមិថុនា ឆ្នាំ២០២៤ រដ្ឋមន្ត្រីការពារជាតិរបស់សហរដ្ឋអាមេរិក លោក Lloyd Austin នឹងមកដល់ដីកម្ពុជា ដើម្បីបំពេញទស្សនកិច្ចផ្លូវការ។ នេះបើតាមរបៀបវារៈនៃដំណើរទស្សនកិច្ច ដែលរៀបចំឡើងដោយក្រសួងការពារជាតិ។

©: AP
សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមរបៀបវារៈនៃកម្មវិធី តាមការគ្រោងទុក បន្ទាប់ពីចុះដល់អាកាសយាន្តដ្ឋានអន្តរជាតិភ្នំពេញភ្លាម លោក Lloyd Austin នឹងចំណាយពេលប្រមាណ ១០នាទី នៅបន្ទប់រងចាំពិសេស ដើម្បីជួបសំណេះសំណាលជាមួយអតីតសិក្ខាកាមកម្មវិធី International Military Education and Training-IMET សហរដ្ឋអាមេរិក។

បន្ទាប់ពីនេះ លោករដ្ឋមន្ត្រីការពារជាតិអាមេរិក នឹងអញ្ជើញជួបសំណេះសំណាលជាមួយសម្ដេចតេជោ ហ៊ុន សែន ប្រធានព្រឹទ្ធសភាកម្ពុជា នៅវិមានព្រឹទ្ធសភា ដើម្បីចូលជួបសម្ដែងការគួរសម និងពិភាក្សាការងារ ដែលគ្រោងនឹងចំណាយពេលវេលាប្រមាណមួយម៉ោង។

ក្រោយចប់កម្មវិធីជាមួយសម្ដេចតេជោ តាមការគម្រោង លោក Lloyd Austin បន្តដំណើរទៅកាន់វិមានសន្តិភាព ដើម្បីចូលជួបសម្ដែងការគួរសម និងពិភាក្សាការងារជាមួយសម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រីកម្ពុជា​ តាមវេលាកំណត់ប្រមាណ១ម៉ោង។

រដ្ឋមន្ត្រីការពារជាតិរបស់សហរដ្ឋអាមេរិក នឹងបន្តដំណើរទៅកាន់ទីស្ដីការក្រសួងការពារជាតិកម្ពុជា ដើម្បីចូលជួបសម្ដែងការគួរសម និងពិភាក្សាការងារជាមួយលោក ទៀ សីហា ឧបនាយករដ្ឋមន្ត្រី រដ្ឋមន្ត្រីការពារជាតិកម្ពុជា។ ដំណើររបស់លោក Lloyd Austin ទៅដល់ទីស្ដីការក្រសួងការពារជាតិ នឹងមានពិធីបដិសណ្ឋារកិច្ច និងពិធីត្រួតពលរៀបចំដោយកងកិត្តិយសត្រែទ័ព។

បើសិនជាគ្មានការប្រែប្រួលទេ លោក​ Lloyd Austin រដ្ឋមន្ត្រីការពារជាតិអាមេរិក នឹងចាកចេញពីដែនដីរបស់កម្ពុជានៅវេលាម៉ោង២៖៣០ នាទីរសៀលថ្ងៃដដែល។

គួររំលេចជូនបន្តិចថា តាមការឱ្យដឹងអ្នកនាំពាក្យក្រសួងការបរទេសកម្ពុជា ដំណើរទស្សនកិច្ចផ្លូវការរបស់ប្រមុខការពារជាតិសហរដ្ឋអាមេរិកមកកាន់កម្ពុជា គឺភាគីសហរដ្ឋអាមេរិកជាអ្នកស្នើរសុំឱ្យមានដំណើរទស្សនកិច្ចនេះ៕

ដោយ៖ ង៉ិល ណារ៉ាត់

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៥ ម៉ោង មុន

ក.ប.ប រកឃើញថាឈ្មួញនាំចូលផ្លែទុរេនពីប្រទេសជិតខាង និងមានជ្រលក់ថ្នាំ ហើយលក់បន្លំថាជាទុរេនក្នុងស្រុក

ព័ត៌មានជាតិ៣ ម៉ោង មុន

ក្នុងឆ្នាំ២០២៤៖ ឧកញ៉ា អ្នកឧកញ៉ា ៤នាក់ ត្រូវដកហូតគោរមងារ ក្រោយរកស៊ីបោកប្រាស់ និងបាញ់ប្រហារពលរដ្ឋ

ព័ត៌មានជាតិ៦ ម៉ោង មុន

រាជ​ដំណាក់​ព្រះមហាក្សត្រ​ខ្មែរ ​លើ​កំពូលភ្នំ​បូកគោ រង់ចាំអនុញ្ញាតពីព្រះបរមរាជវាំង ​ជួសជុលតាម​គំរូ​ដើម​ឡើង​វិញ

ព័ត៌មានជាតិ៤ ម៉ោង មុន

ដំណាំកសិកម្មជាង ១ ម៉ឺនហិកតា កំពុងរងការវាយប្រហារពីសត្វដង្កូវហ្វូង

សេចក្ដីជូនដំណឹង៨ ម៉ោង មុន

តើអ្នកយល់យ៉ាងណាចំពោះក្រុមហ៊ុនផាសអ៊ែប (PassApp) បានធ្វើរឿងមួយនេះ???

Sokha Hotels

ព័ត៌មានពេញនិយម