Connect with us

ព័ត៌មានជាតិ

ឯកឧត្ដម ហ៊ុន ម៉ានី ៖ ការងារបក្ស រដ្ឋ និងសង្គមមហាជន ត្រូវដើរទន្ទឹមគ្នា ក្នុងគោលដៅបម្រើប្រទេសជាតិ ប្រជាជន ឲ្យកាន់តែល្អប្រសើរ

បានផុស

នៅ

ឯកឧត្ដម ហ៊ុន ម៉ានី ឧបនាយករដ្ឋមន្ត្រី រដ្ឋមន្ត្រី​ក្រសួង​មុខងារ​សាធារណៈ និង​ជា​សមាជិក​គណៈ​អចិន្ត្រៃយ៍​គណៈកម្មាធិការ​កណ្ដាល បាន​មាន​ប្រសាសន៍​ថា ការងារ​បក្ស រដ្ឋ និង​សង្គម​មហាជន ត្រូវ​ដើរ​ទន្ទឹមគ្នា ក្នុង​គោលដៅ​បម្រើ​ប្រទេសជាតិ និង​ប្រជាជន ឲ្យ​កាន់តែ​ល្អ​ប្រសើរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ឯកឧត្ដម ហ៊ុន ម៉ានី មាន​ប្រសាសន៍​បែបនេះ ក្នុង​ឱកាស ឯកឧត្ដម បាន​អញ្ជើញ​ផ្ដល់​បទ​ឧទ្ទេសនាម​លើ​ប្រធានបទ«ភាព​ជា​អ្នក​ដឹកនាំ នវានុវត្តន៍ និង​គុណា​ធិបតេយ្យ ក្នុង​រដ្ឋបាល​សាធារណៈ​» ក្នុង​វគ្គ​អប់រំ​នយោបាយ​របស់​គណបក្ស​ប្រជាជន​កម្ពុជា កម្រិត ២ ជំនាន់​ទី ១០ ដែល​មាន​សិក្ខាកាម​ជា​មន្ត្រី​គណបក្ស​មកពី​បណ្ដា​គណបក្ស​ក្រសួង​-​ស្ថាប័ន រាជធានី​-​ខេត្ត និង​អង្គការ​យុវជន​គណបក្ស​ចូលរួម​សរុប​ចំនួន ១៣៣ រូប (ស្រី ១៨ រូប) នៅ​វិមាន ៧ មករា កាលពី​រសៀល​ថ្ងៃ​ទី ១៣ ខែ​មិថុនា ឆ្នាំ ២០២៤។

នា​ឱកាស​នោះ​ដែរ ឯកឧត្ដម ហ៊ុន ម៉ានី បាន​រម្លឹក​អំពី​ប្រវត្តិ​កកើត នៃ​ស្ថាប័ន​មុខងារ​សាធារណៈ និង​សមិទ្ធផល​នានា ដែល​ក្រសួង​សម្រេច​បាន ព្រមទាំង​រៀបរាប់​ពី​មុខងារ ភារកិច្ច និង​ទំនួល​ខុសត្រូវ​ចម្បង​ៗ របស់​ក្រសួង​មុខងារ​សាធារណៈ ក្នុង​ការ​ដឹកនាំ គ្រប់គ្រង និង​អភិវឌ្ឍន៍​វិស័យ​មុខងារ​សាធារណៈ។

ជាមួយ​នេះ ឯកឧត្ដម ហ៊ុន ម៉ានី ក៏បាន​បញ្ជាក់​ពី​សមិទ្ធផល នៃ​ការងារ​ស្នូល​សំខាន់ៗ ក្នុង​ការ​ឆ្លើយ​តប​នឹង​វិធានការ​គន្លឹះ​ទាំង ៣ របស់​រាជរដ្ឋាភិបាល ដែល​បាន​ដាក់​ចេញ ក្នុងនាម​ជា​លេខាធិការដ្ឋាន គ​.​វ​.​រ ក្រសួង បាន​រៀបចំ​ការ​ប្រឡងប្រជែង​ចំនួន ៦ ដង ដោយ​ជ្រើសរើស​មន្ត្រី​រាជការ ៩៧៥ នាក់ ឲ្យ​ចូល​បម្រើ​ការងារ​តាម​ក្រសួង​-​ស្ថាប័ន និង​កំពុង​រៀបចំ​ការ​ប្រឡងប្រជែង​គ្រូ​បឋមសិក្សា ដែល​មាន​បេក្ខជន​ចូលរួម​ប្រឡង ៣៨,១៦៨ នាក់ ហើយ​បច្ចុប្បន្ន ក្រសួង ក៏បាន និង​ជំរុញ​ការ​ពិនិត្យ​ឡើងវិញ និង​ការ​វិភាគ​មុខងារ និង​រចនាសម្ព័ន្ធ​ក្រសួង​-​ស្ថាប័ន និង​ធ្វើ​បច្ចុប្បន្នភាព​ទិន្នន័យ​មន្ត្រីរាជការ​ស៊ីវិល​ក្រសួង​-​ស្ថាប័ន ដែល​ជា​ការងារ​អាទិភាព​មួយ នៃ​វិធានការ​គន្លឹះ របស់​រាជរដ្ឋាភិបាល អាណត្តិ​ទី ៧ នៃ​រដ្ឋសភា ផង​ដែរ។

បន្ថែម​ពី​នេះ ឯកឧត្ដម​ឧបនាយករដ្ឋមន្ត្រី បាន​បង្ហាញ​ពី​ភាព​ជា​គំរូ និង​គោលការណ៍​ការ​ដឹកនាំ​របស់​គណបក្ស​ប្រជាជន​កម្ពុជា ជាពិសេស​ការ​គួរ​ស្វែងយល់ និង​សិក្សា​បន្ថែម​ពី​ការ​ដឹកនាំ​របស់ សម្ដេច​តេជោ ហ៊ុន សែន និង​ថ្នាក់ដឹកនាំ​ដទៃ​ទៀត​របស់​គណបក្ស​ប្រជាជន​កម្ពុជា ដោយ​ឈរ​លើ​គោល​ជំហរ​រឹងមាំ ប្រកប​ដោយ​សាមគ្គី ឯកភាព​ផ្ទៃក្នុង។

ទន្ទឹម​នោះ ឯកឧត្ដម​ឧបនាយករដ្ឋមន្ត្រី បាន​រំលឹក​ពី​គោលការណ៍​ដឹកនាំ និង​សារ​ដាស់តឿន​សំខាន់ៗ ក៏ដូចជា​អភិក្រម​នានា ដែល​អ្នកដឹកនាំ​ត្រូវ​ប្រកាន់ខ្ជាប់ ធ្វើ​យ៉ាងណា​រក្សា​នូវ​សាមគ្គី​ឯកភាព​ផ្ទៃក្នុង ព្រមទាំង​ជំរុញ​ចិត្ត​ឲ្យ​សិក្ខាកាម​ទាំងអស់ ចូលរួម​បំពេញ​តួនាទី ភារកិច្ច ក្នុង​ការ​កែទម្រង់ និង​លើក​កម្ពស់​រដ្ឋបាល​សាធារណៈ ស្របតាម​ទស្សនវិស័យ​របស់ សម្ដេច​ធិបតី ក្នុង​ការ​រៀបចំ​ផ្ទះសំបែង​របស់​យើង​ឲ្យ​បាន​ស្អាត និង​មាន​របៀបរៀបរយ។ ជាង​នេះ ត្រូវ​ចូលរួម​ក្នុង​ការងារ​គណបក្ស​បន្ថែម​ទៀត ធ្វើ​យ៉ាងណា​ឲ្យ​ការងារ ទាំង​បក្ស ទាំង​រដ្ឋ និង​ការងារ​មហាជន ដើរ​ទន្ទឹមគ្នា ក្នុង​គោលដៅ​បម្រើ​សេវា​សាធារណៈ​ជូន​ប្រជាពលរដ្ឋ​ឲ្យ​កាន់តែ​ល្អ​ប្រសើរ។

គួរ​ជម្រាប​ថា វគ្គ​អប់រំ​នយោបាយ​គណបក្ស​កម្រិត ២ មាន​ការ​អញ្ជើញ​ចូលរួម​ធ្វើ​បទ​ឧទ្ទេសនាម​ដោយ​ឥស្សរជន​ជាន់ខ្ពស់​របស់​កម្ពុជា​ជាច្រើន​រូប ដើម្បី​ផ្តល់​នូវ​ពុទ្ធិ និង​ចំណេះដឹង ក៏ដូចជា​បទ​ពិសោធ ដែល​វាគ្មិន​ធ្លាប់​បាន​ជួបប្រទះ​កន្លងមក ទៅ​លើ​ទិដ្ឋភាព នៃ​ការ​ដឹកនាំ ទិដ្ឋភាព នៃ​ការ​គ្រប់​គ្រង​ការងារ​រដ្ឋ ការងារ​បក្ស សង្គម និង​មហាជន ជូន​ទៅ​ដល់​សិក្ខាកាម​ទាំងអស់​គ្នា។

វគ្គ​អប់រំ​នយោបាយ​នេះ ធ្វើឡើង​ក្នុង​គោលបំណង ផ្ដល់​ជា​ចំណេះដឹង​សំខាន់ៗ និង​ចាំបាច់​មួយ​ចំនួន​ដល់​មន្ត្រី​គណបក្ស ជាពិសេស​មន្ត្រី​បន្តវេន អំពី​វិធីសាស្ត្រ​ត្រិះរិះ​ពិចារណា​ប្រកប​ដោយ​វិទ្យាសាស្ត្រ ការ​លើក​កម្ពស់​ការ​យល់ដឹង​ពី​បុព្វហេតុ សមិទ្ធផល និង​មេរៀន​ប្រវត្តិសាស្ត្រ៕

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ២ ម៉ោង មុន

លោក ហេង សួរ ដឹកនាំ​កិច្ចប្រជុំ​ប្រចាំឆ្នាំ នៃ​ភាគី​ហត្ថលេខី​នៃ​អនុស្សរណៈ​លើ​ការយោគយល់​គ្នា ស្តីពី​គម្រោង​រោងចក្រ​កាន់តែ​ប្រសើរ​នៅ​កម្ពុជា​សម្រាប់​ឆ្នាំ​២០២៣-២០២៧

ព័ត៌មានជាតិ៤ ម៉ោង មុន

ក្រសួង​ព័ត៌មាន​ និង ​ក្រសួង​ឧស្សាហកម្ម​ ចុះ​អនុស្សរណៈ​យោគយល់​គ្នា​ ដើម្បី​រួមសហការ​គ្នា​ផ្សព្វផ្សាយ​ព័ត៌មាន​ពាក់​ព័ន្ធ ​បេសកកម្ម និង​គោលនយោបាយរួមតែមួយ

ព័ត៌មានជាតិ៤ ម៉ោង មុន

អ្នកនាំពាក្យរងក្រសួងការងារ ៖ កម្ពុជា ជាឋានសួគ៌របស់សហជីពជាង៦ពាន់

សន្តិសុខសង្គម៧ ម៉ោង មុន

គ្រឿងញៀន១៤៥គីឡូក្រាមត្រូវបានបង្ក្រាប និងឃាត់ខ្លួនឧក្រិដ្ឋជន៥នាក់

ព័ត៌មានជាតិ៧ ម៉ោង មុន

ក្រសួងព័ត៌មាន និងក្រសួងទេសចរណ៍ ចាប់ដៃគ្នា ដើម្បីផ្សាយពីវិស័យទេសចរណ៍កម្ពុជាឱ្យសម្បូរបែបជាងមុន

ព័ត៌មានជាតិ១៣ ម៉ោង មុន

ក.ប.ប រកឃើញថាឈ្មួញនាំចូលផ្លែទុរេនពីប្រទេសជិតខាង និងមានជ្រលក់ថ្នាំ ហើយលក់បន្លំថាជាទុរេនក្នុងស្រុក

ព័ត៌មានជាតិ១១ ម៉ោង មុន

ក្នុងឆ្នាំ២០២៤៖ ឧកញ៉ា អ្នកឧកញ៉ា ៤នាក់ ត្រូវដកហូតគោរមងារ ក្រោយរកស៊ីបោកប្រាស់ និងបាញ់ប្រហារពលរដ្ឋ

ព័ត៌មានជាតិ១៥ ម៉ោង មុន

រាជ​ដំណាក់​ព្រះមហាក្សត្រ​ខ្មែរ ​លើ​កំពូលភ្នំ​បូកគោ រង់ចាំអនុញ្ញាតពីព្រះបរមរាជវាំង ​ជួសជុលតាម​គំរូ​ដើម​ឡើង​វិញ

ព័ត៌មានអន្ដរជាតិ១៧ ម៉ោង មុន

រលក​កម្ដៅ​៥២​អង្សា ប្រល័យ​ជីវិត​អ្នក​ចូលរួម​ធម្មយាត្រា Hajj ជាង​១០០០​នាក់​ហើយ

ព័ត៌មានជាតិ១២ ម៉ោង មុន

ដំណាំកសិកម្មជាង ១ ម៉ឺនហិកតា កំពុងរងការវាយប្រហារពីសត្វដង្កូវហ្វូង

Sokha Hotels

ព័ត៌មានពេញនិយម