ព័ត៌មានជាតិ
សហជីពនៅកម្ពុជា ៖ ការផ្សព្វផ្សាយអាក្រក់ពីវិស័យកាត់ដេរនៅកម្ពុជាគឺជាការសម្លាប់កម្មករ
ភ្នំពេញ ៖ លោក អ៊ុន ដារ៉ា ប្រធានសហភាពសហជីពកម្ពុជាពន្លឺកម្មករថ្លែងថា ការសរសេរផ្សព្វផ្សាយអាក្រក់ពីវិស័យកាត់ដេរនៅកម្ពុជាតួយ៉ាងដូចជារបាយការណ៍សង់ត្រាល់ គឺកំពុងសម្លាប់កម្មករនិយោជិត ព្រោះមិនបានជួយពង្រីកវិសាលភាពវិនិយោគ ហើយផ្ទុយទៅវិញបែរជាធ្វើឱ្យអ្នកបញ្ជាទិញ អ្នកវិនិយោគ និងម្ចាស់ជំនួយងាកចេញពីកម្ពុជា។
លោកថ្លែងថា «ខ្ញុំឃើញថា ការសរសេររបាយការណ៍អាក្រក់ពីកម្ពុជា គឺបាននឹងកំពុងសម្លាប់ប្រជាជនកម្ពុជា សម្រាប់ខ្ញុំមិនគាំទ្រទេរបាយការណ៍ទាំងនេះ ហើយខ្ញុំសូមឱ្យអង្គការមួយចំនួនដូចជាសង់ត្រាល់ជាដើម ដែលសរសេរ និយាយមិនល្អពីកម្ពុជាសូមបញ្ឈប់ការសរសេរបែបហ្នឹង។»
លោកបញ្ជាក់ថា ការអនុវត្តសិទ្ធិសេរីភាពនៅកម្ពុជា ថ្វីបើមិនល្អឥខ្ចោះ ប៉ុន្តែតាមការពិនិត្យជាក់ស្តែងក្នុងនាមជាអ្នកដឹកនាំសហជីពលោកមើលឃើញថា ការអនុវត្តសិទ្ធិសេរីភាពនៅកម្ពុជាមានភាពទូលំទូលាយរហូតដល់៩០ភាគរយ ព្រោះអង្គការសមាគមមានសេរីភាពពេញលេញ។ ភស្តុតាងជាក់ស្តែងបន្ថែមទៀត គឺអង្គការសង់ត្រាល់ផ្ទាល់ ដែលមានស្នាក់ការក្នុងប្រទេសកម្ពុជា មានសិទ្ធិដើរស្រែក ដើរធ្វើសកម្មភាពគ្រប់បែបយ៉ាង។
ជាមួយគ្នានេះ លោក អ៊ឹង ម៉េងតុង ប្រធានសហជីពរួបរួមអភិវឌ្ឍន៍កម្មករ នៅរោងចក្រ ហូវ៉ា និយាយថា នៅកន្លែងធ្វើការងារសព្វថ្ងៃលោកបានអនុវត្តសិទ្ធិសេរីភាពពេញលេញ មិនដែលជួបរឿងធ្វើទុក្ខបុកម្នេញ បិទសិទ្ធិសេរីភាព ដូចការលើកឡើងក្នុងរបាយការណ៍អង្គការសង់ត្រាល់នោះទេ។ ក្នុងនាមសហជីព លោកអ៊ឹង ម៉េងតុង បដិសេធចំពោះរបាយការណ៍សង់ត្រាល់ ដែលបានសរសេរញុះញង់បំភ្លៃការពិត បំផ្លាញវិស័យកាត់ដេរនៅកម្ពុជា។
លោកថ្លែងថា «ខ្ញុំសូមបដិសេធរបាយការណ៍របស់អង្គការសង់ត្រាល់ ដែលថា មានការរំលោភបំពានមកលើសហជីពនៅកម្ពុជា ក៏ដូចជាការគំរាមកំហែង ក្នុងនាមខ្ញុំជាសហជីពនៅកម្ពុជា ខ្ញុំអត់ទទួលបាននូវអ្វីដែលគេចោទប្រកាន់ដូចអង្គការសង់ត្រាល់នោះទេ។»
ស្រដៀងគ្នានេះ លោក ឌិន សំអាត ប្រធានសហជីពពលកម្មកម្ពុជា នៅរោងចក្រ វីនណាស ក៏បានធ្វើការបដិសេធខ្លឹមសាររបាយការណ៍អង្គការសង់ត្រាល់ផងដែរ ដោយលោកបានលើកឡើងថា របាយការណ៍សង់ត្រាល់ផ្ទុយពីការពិតជាក់ស្តែង នៃស្ថានភាពសហជីពមូលដ្ឋាននៅកម្ពុជា ដែលកំពុងមានភាពល្អប្រសើរ សូម្បីអង្គការ ILO-BFC ក៏ទទួលស្គាល់ភាពល្អប្រសើរនេះដែរ។
លោក ឌិន សំអាត បានសម្តែងក្តីបារម្ភក្រៃលែងចំពោះរបាយការណ៍សង់ត្រាល់ ដែលអាចធ្វើឱ្យប៉ះពាល់ធ្ងន់ធ្ងរដល់ការងារ កម្មករនិយោជិត។ របាយការណ៍នោះទៀតសោត គឺបង្ហាញពីការរារាំង មិនចង់ឱ្យប្រទេសជាតិទទួលបានអ្នកវិនិយោគថ្មីៗ មិនចង់ឱ្យមានអ្នកបញ្ជាទិញ ក៏ដូចជាមិនចង់ឱ្យមានម្ចាស់ជំនួយមកជួយដល់កម្ពុជា ផងដែរ៕
-
ព័ត៌មានជាតិ៦ ថ្ងៃ ago៦ថ្ងៃក្នុងព្រឹត្តិការណ៍ «នគរសង្ក្រាន្ត» មន្ទីរសុខាភិបាលរាជធានីភ្នំពេញ បានពិនិត្យ និងព្យាបាលជូនពលរដ្ឋជាង២ពាន់នាក់
-
ព័ត៌មានអន្ដរជាតិ៣ ថ្ងៃ agoខេត្ត Kochi នៅជប៉ុនផ្តល់ប្រាក់ ១២៥ដុល្លារឲ្យអ្នកនៅលីវ ចំណាយលើការណាត់ចួបបង្កើតស្នេហា
-
ព័ត៌មានអន្ដរជាតិ៤ ថ្ងៃ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានអន្ដរជាតិ៤ ថ្ងៃ agoវិមានក្រឹមឡាំង៖ ពូទីន ត្រៀមជួបហ្សេលេនស្គី ទាល់តែមានការចុះហត្ថលេខាលើកិច្ចព្រមព្រៀងសន្តិភាព
-
ព័ត៌មានជាតិ១ សប្តាហ៍ agoបដិសេធមិនឱ្យ សម រង្ស៊ី ចូលរួមការជួបជុំសមាគមខ្មែរនៅប៉ារីស គឺដើម្បីបញ្ចៀសការភ្ជាប់ជាមួយបុគ្គលនេះកំពុងជាប់ទោស
-
សន្តិសុខសង្គម២ ថ្ងៃ agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ
-
ព័ត៌មានជាតិ៦ ថ្ងៃ agoមន្រ្តីបរិស្ថានស្នើពលរដ្ឋកុំបរិភោគត្រីងាប់ និងផ្អាកប្រើប្រាស់ទឹកព្រែកត្រែង នៅស្រុករតនៈមណ្ឌល ខេត្តបាត់ដំបង
-
ព័ត៌មានអន្ដរជាតិ១៧ ម៉ោង agoចាប់ខ្លួនបានហើយ! ខ្មាន់កាំភ្លើង ដែលប៉ុនប៉ងបាញ់ប្រហារលោក ត្រាំ នៅសេតវិមាន