ព័ត៌មានជាតិ
បុរសម្នាក់ ជាប់គុកជាលើកទី៣ ខណៈលួចទ្រព្យសម្បត្តិប្រជាពលរដ្ឋ
មុខសញ្ញាចាស់ម្នាក់ ដែលធ្លាប់ជាប់គុកចំនួន២លើកអស់រយៈពេល១២ឆ្នាំ និងទើបចេញពីគុកថ្មីៗនេះ មិនព្រមកែខ្លួនទេ នៅតែបន្តប្រព្រឹត្តមុខលួចដដែល ត្រូវបានកម្លាំងនគរបាលបង្ក្រាបបញ្ជូនទៅដេកគុកជាលើកទី៣។
នគរបាលក្រុងច្បារមន បានឲ្យដឹងថា នៅយប់ថ្ងៃទី០២ ខែមីនា ឆ្នាំ២០២១ មានករណីចោរចូលគាស់លួសសំណាញ់ដែកចូលលួចទ្រព្យសម្បត្តិរបស់ប្រជាពលរដ្ឋ នៅភូមិពាណិជ្ជកម្ម សង្កាត់រការធំ ក្រុងច្បារមន ខេត្តកំពង់ស្ពឺ ដែលបង្កឡើងដោយជនសង្ស័យមិនស្គាល់មុខ និងចំនួន។ នគរបាលបន្តទៀតថា ក្រោយពីទទួលពាក្យបណ្ដឹងពីពលរដ្ឋ កម្លាំងនគរបាលប៉ុស្តិ៍នរដ្ឋបាលរកាធំ សហការជាជំនាញនគរបាលយុត្តិធម៌ ក្រុងច្បារមន ធ្វើការស្រាវជ្រាវឈានដល់កំណត់បានមុខសញ្ញាជនសង្ស័យរួចឃាត់ខ្លួនតែម្តង។
មុខសញ្ញាដែលឃាត់ខ្លួននោះ មានឈ្មោះ កែវ ឈឺ ភេទប្រុស អាយុ៣៤ឆ្នាំ នៅភូមិក្រាំងពលទេព សង្កាត់រការធំ ក្រុងច្បារមន ជាមុខសញ្ញាចាស់ធ្លាប់ជាប់ពន្ធនាគារ ចំនួន ០២លើក រួចមកហើយពីបទលួចមានស្ថានទម្ងន់ទោស ដោយជាប់គុកអស់រយៈពេល១២ឆ្នាំ។ ក្រោយចេញពីគុកវិញមិនព្រមកែខ្លួនប្រកបមុខរបរស្របច្បាប់ទេ គឺមិនរាងចាលនៅបន្តប្រព្រឹត្តមុខរបរចោរដដែល។
ក្រោយពីឃាត់ខ្លួនសមត្ថកិច្ចធ្វើការដកហូតម៉ូតូមួយគ្រឿង ម៉ាក HONDA C125 ពណ៌ខ្មៅ ស៊េរីឆ្នាំ២០១៤ ពាក់ស្លាកលេខ កំពង់ស្ពឺ 1G-7224 ដែលជនសង្ស័យយកមកលាក់ទុកនៅក្នុងព្រៃក្បែរថ្នល់រទេះភ្លើងក្រោយដីឡូត៍ ឈួន គឹមសាន។ បច្ចុប្បន្នសមត្ថកិច្ចជំនាញបានកសាងសុំណុំរឿង ចាត់ការតាមនីតិវិធីច្បាប់៕
អត្ថបទ៖ ភួង រដ្ឋា
សូមចុចអាន៖ នារីវ័យក្មេងរូបស្រស់ម្នាក់ ត្រូវឃាតក អារ.ក សម្លាប់
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង