ព័ត៌មានជាតិ

បិទសណ្ឋាគារ ហេង ហេង សេរីរ័ត្ន នៅស្វាយរៀង ខណៈជាប់ពាក់ព័ន្ធស្ដ្រីជនជាតិវៀតណាម២នាក់

បានផុស

៣ years មុន

នៅ

ថ្ងៃពុធ ៣ មីនា ២០២១

ដោយ

លោកវេជ្ជបណ្ឌិត កែរ រដ្ឋា ប្រធានមន្ទីរសុខាភិបាលខេត្តស្វាយរៀង បានមានប្រសាសន៍នៅរសៀលថ្ងៃទី០៣មីនានេះថា អាជ្ញាធរបានសម្រេចបិទសណ្ឋាគារហេង ហេង សេរីរ័ត្ន ដែលស្ត្រីជនជាតិវៀតណាមចំនួន២នាក់ មានវិជ្ជមានកូវីដ១៩ បានស្នាក់នៅ និងយកទីតាំងនោះ សម្រាប់ធ្វើជាមណ្ឌលចត្តាឡីស័កតែម្តង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកបានបន្តថា ពាក់ព័ន្ធនឹងស្ត្រីជនជាតិវៀតណាមនេះដែរ ក្រុមការងារស្រាវប្រយុទ្ធប្រឆាំងនឹងជំងឺកូវីដ១៩ បានរកឃើញអ្នកប៉ះពាល់ចំនួន២៥នាក់ និងបានយកសំណាករួចរាល់ហើយនៅព្រឹក នេះ និងកំពុងតែស្វែងរកអ្នករត់កង់បី ដែលបានដឹកស្ត្រីវៀតណាមទាំងពីរនាក់នោះផងដែរ។ លោកបានបន្តទៀតថា ក្នុងចំណោមអ្នកពាក់ព័ន្ធចំនួន២៥នាក់នោះ មានសមត្ថកិច្ចចំនួន ៧នាក់និងនារី វៀតណាមចំនួន២នាក់ទៀត ត្រូវបានបញ្ជូនមកធ្វើចត្តាឡីស័ក នៅផ្ទះសំណាក់គ្រូ បង្រៀន ក្រុងស្វាយរៀង។ ចំណែកឯ អ្នកផ្សេងទៀតដូចជាម្ចាស់សណ្ឋាគារ បុគ្គលិកនិងអ្នកដែលលក់ដូរនៅសណ្ឋាគារ ត្រូវធ្វើចត្តាឡីស័កនៅសណ្ឋាគារហេង ហេង សេរីរ័ត្ន។

យោងតាមរបាយការណ៍ស្ដីពីស្ដ្រីជនជាតិវៀតណាម២នាក់ ដែលវិជ្ជមានកូវីដ១៩ នៅខេត្តស្វាយរៀង ១. ឈ្មោះ Dinh Thi Xuon Nhi ភេទស្រី អាយុ២៧ឆ្នាំ ជនជាតិវៀតណាម មុខរបរ ធ្វើសំណង់ ២. ឈ្មោះ Nguyen Ngoc Xia ភេទស្រី អាយុ២៨ឆ្នាំ ជនជាតិវៀតណាម មុខរបរ ធ្វើ សំណង់។ អ្នកទាំង២មានអាសយដ្ឋាននៅ អាផាតមិន Star Diamonds ផ្លូវលេខ៩៩ សង្កាត់បឹងត្របែក ខណ្ឌចំការមន រាជធានីភ្នំពេញ ម្នាក់ស្នាក់នៅបន្ទាប់លេខ៤ ជាន់ទី៤ និងម្នាក់ទៀតនៅបន្ទាប់លេខ៣ ជាន់ទី៩៕