Connect with us

សេដ្ឋកិច្ច

ការកក់បន្ទប់ស្នាក់នៅ មុនពេលបុណ្យចូលឆ្នាំចិន មិនទាន់មាន ខណៈអ្នកជំនាញអះអាងថា ជាទម្លាប់ប្រជា​ជនមិនចូលចិត្តកក់ទុកមុន

បានផុស

នៅ

បុគ្គលិកផ្ទះសំណាក់ សណ្ឋាគារ នៅតាមគោលដៅទេសចរណ៍ខាន់ៗ ដូចជាខេត្តកែប ខេត្ត​សៀម​រាប ខេត្តព្រះសីហនុបានបង្ហើបប្រាប់កម្ពុជាថ្មីថា មុនពេលពិធីបុណ្យចូលឆ្នាំថ្មីប្រពៃណីចិនរៀបចំធ្វើឡើងនៅថ្ងៃទី ២៨ ខែមករា សប្ដាហ៍ក្រោយ ការកក់បន្ទប់​ស្នាក់​នៅ​មិន​​ទាន់មានច្រើននៅឡើយ ខណៈអ្នកជំនាញបានលើកឡើងថា ជាទម្លាប់ប្រជា​ជនកម្ពុជា មិនចូលចិត្តកក់​កន្លែង​ស្នាក់នៅទុកមុន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អ្នកនាង ស្រី មុំ បុគ្គលិកនៅសណ្ឋាគារ SARA VOAN ​ក្នុងខេត្តកែប បានឱ្យដឹងនៅថ្ងៃទី ២០ ខែមករា ឆ្នាំ ២០២៥ នេះ​ថា ការកក់​បន្ទប់​ស្នាក់នៅសម្រាប់ទេសចរណ៍ក្នុងស្រុកធ្វើដំណើរកម្សាន្តក្នុងឱកាសបុណ្យចូលឆ្នាំចិន ខាងមុខ​នេះ មិនទាន់មាននោះទេ ទំនងដោយសារប្រជាជនខ្មែរគ្មានទម្លាប់កក់ទុកមុន។

កញ្ញា ម៉ាលីស បុគ្គលិកផ្នែកលក់ នៅសណ្ឋាគារ La Palmeraie d’Angkor Charming Hotel ខេត្តសៀមរាប ប្រាប់ថា៖ «ភ្ញៀវចូលឆ្នាំចិន អត់មានភ្ញៀវខ្មែរណាកក់បន្ទប់ទេ ខណៈមានតែ​ភ្ញៀវ​​បរ​ទេសដែលគាត់មកលេង ព្រោះភ្ញៀវខ្មែរគាត់ចូលចិត្តកក់ភ្លាមមកនៅភ្លាម»។

លោក ធួន ស៊ីណាន ​ប្រធាន​សមាគម​ទេសចរណ៍​អាស៊ី​ប៉ាស៊ីហ្វិក​កម្ពុជា (PATACC) ប្រាប់​កម្ពុជា​​ថ្មីនៅថ្ងៃទី ២០ ខែមករា ឆ្នាំ ២០២៥ ថា ជាទម្លាប់របស់ប្រជាជនកម្ពុជា បុណ្យអ្វីក៏ដោយ នឹងមានភ្ញៀវទេសចរក្នុងស្រុកដើរលេងកម្សាន្តច្រើននៅក្នុងឱកាសបុណ្យចូលឆ្នាំចិនខាងមុខ។

លោក ធួន ស៊ីណាន មានប្រសាសន៍ថា៖ «ជាទម្លាប់របស់ប្រជាជនខ្មែរយើង ជាពិសេសអ្នកដែលដើរលេងក្នុងស្រុក ពុំសូវចាប់អារម្មណ៍ពីការកក់បន្ទប់ស្នាក់នៅអីទេ ជួនកាលទៅដល់ដើរចូលភ្លាមៗ វាជាទម្លាប់របស់ជាតិសាសន៍នីមួយៗ វាមិនមែនតែខ្មែរយើងទេ បរទេសដូចជាចិន វៀតណាម និងប្រទេសនៅក្នុងតំបន់ខ្លះទៀតក៏ដូចគ្នាដែរ វាជាទម្លាប់របស់ប្រជាជន អ្នកខ្លះក៏គិតថាអត់ដើរលេងទេ ស្អែកឡើងប្រពន្ធកូនបបួលក៏ចេញវឹងអញ្ចឹងទៅ ព្រឹកឡើងគ្មានផែនការ អង្គុយ​ញាំបាយថ្ងៃត្រង់ជជែកគ្នា ក៏នឹកឃើញក៏ទៅប្រុយអញ្ចឹងទៅ»។

នៅក្នុងរយៈពេល ៣ ថ្ងៃ នៃពិធីបុណ្យចូលឆ្នាំថ្មីប្រពៃណីចិន កាលពីឆ្នាំមុន (ចាប់ពីថ្ងៃទី ០៩ ដល់ថ្ងៃទី ១១ កុម្ភៈ ២០២៤)​ កម្ពុជាទទួលបានភ្ញៀវទេសចរដើរលេងកម្សាន្តតាមបណ្តាគោលដៅទេសចរណ៍នានា ទូទាំងប្រទេស សរុបចំនួនប្រមាណ ១ លាននាក់ (១ ០៥១ ៤៧២) ក្នុងនោះ អ្នកទេសចរជាតិមានចំនួន ៩៩៣ ៩៩១ នាក់ និងអ្នកទេសចរបរទេសមានចំនួន ៥៧ ៤៨១ នាក់។

ក្នុងនោះខេត្តចំនួន ៥ ទទួបានទេសចរណ៍ច្រើនជាងគេរួមមាន ខេត្តព្រះសីហនុ ជិត ៣០ ម៉ឺននាក់ ខេត្តសៀមរាបជាង ១១ ម៉ឺននាក់ ខេត្តបាត់ដំបងជិត ៩ ម៉ឺននាក់ ខេត្តប៉ៃលិនជិត ៨ ម៉ឺននាក់ និងខេត្តកែបជាង ៧ ម៉ឺននាក់។

សូមជំរាបថា ពិធីបុណ្យចូលឆ្នាំថ្មីប្រពៃណីចិននៅឆ្នាំនេះនឹងត្រូវរៀបចំធ្វើឡើងចាប់ពីថ្ងៃទី ២៨ ខែមករា ដល់ថ្ងៃទី ៣១ ខែមករា ឆ្នាំ ២០២៥៕

អត្ថបទ៖ ឡេង ដេត

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ១ ម៉ោង មុន

មន្ត្រីជាន់ខ្ពស់ ក្រើនរំលឹកយុវជនមកពីគ្រួសារក្រីក្រ និងងាយរងហានិភ័យ បង្កើនការចុះឈ្មោះចូលរៀនជំនាញដោយឥតគិតថ្លៃ

លោក សាយ សំអាល់
ព័ត៌មានជាតិ១ ម៉ោង មុន

រដ្ឋមន្ត្រីដែនដី​ អះអាងថា ក្បាលដីនៅសល់៥០ម៉ឺនក្បាលដីទៀត និងចុះបញ្ចប់នៅឆ្នាំ២០២៦ខាងមុខ

ព័ត៌មានជាតិ១ ម៉ោង មុន

សម្តេច ម៉ែន សំអន អរគុណក្រុមគ្រូពេទ្យស្ម័គ្រចិត្ត (CHPAA) ដែលព្យាបាលជំងឺជូនពលរដ្ឋ នៅកម្ពុជា ដោយឥតគិតថ្លៃ

ជីវិតកម្សាន្ដ១ ម៉ោង មុន

យុវតី សំនៀងស្រដៀងរាជិនីសំឡេងសារិកាមាស ធ្លាប់ប្រឡងកម្មវិធី The Kids Cambodia រដូវកាលទី២

ព័ត៌មានជាតិ១ ម៉ោង មុន

អ្នកនាំពាក្យ ៖ សមាជិក ប.ស.ស និងគ្រូពេទ្យ មិនត្រូវសមគំនិតគ្នា កេងផលប្រយោជន៍ពី ប.ស.ស ចៀសវាងប្រឈមនឹងផ្លូវច្បាប់

Sokha Hotels

ព័ត៌មានពេញនិយម