ព័ត៌មានជាតិ

បញ្ជូនទៅធ្វើតេស្ត ម្ចាស់អាហារដ្ឋាន NONA Sea Food ប៉ះពាល់ផ្ទាល់អន្ទិត កក្កដា សោភ័ណ្ឌ

បានផុស

៣ years មុន

នៅ

ថ្ងៃចន្ទ ១៥ មីនា ២០២១

ដោយ

នាងអ៊ូកភេទទី៣ល្បីឈ្មោះនៅក្រុងច្បារមន ជាម្ចាស់អាហារដ្ឋាន NONA Sea Food និងក្រុមគ្រួសារត្រូវបានអាជ្ញាធរបញ្ជូនខ្លួនទៅកាន់មណ្ឌលចត្តឡីស័ក បន្ទាប់ពីអាជ្ញាធរស្រាវជ្រាវរកឃើញពាក់ព័ន្ធដោយផ្ទាល់ជាមួយអន្ទិត កក្កដា សោភ័ណ្ឌ ដែលមានផ្ទុកវីរុសកូវីដ-១៩ ។

តាមប្រភពពីអាជ្ញាធរបានឱ្យដឹងថា នាងអ៊ូក ភេទទី៣ និងក្រុមគ្រួសាររស់នៅភូមិពាណិជ្ជកម្ម សង្កាត់រការធំ ក្រុងច្បារមន ខេត្តកំពង់ស្ពឺ មានការពាក់ព័ន្ធដោយផ្ទាល់ជាមួយបុគ្គល កក្តដា សោភ័ណ្ឌ ដែលវិជ្ជមានវីរុសកូវីដ-១៩ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមប្រភពគួរឱ្យទុកចិត្តបានឱ្យដឹងថា កាលពីថ្ងៃទី១៤ ខែមីនា ឆ្នាំ២០២១ បុគ្គលឈ្មោះ កក្តដា សោភ័ណ្ឌ ដែលប្រើប្រាស់អាខោន ហ្វេសប៊ុកឈ្មោះ kakada sorphorn វិជ្ជមានកូវីដ-១៩ បានមកលេងនៅខេត្តកំពង់ស្ពឺ និងដើរលេងក្នុងខេត្តកំពង់ស្ពឺ មាន៣ទីតាំង ដូចខាងក្រោម៖

១-អាហារដ្ឋាន ម៉ែប៉ុក កញ្ចុះឬស្សី ក្នុងឃុំស្គុំ ស្រុកសំរោងទង ខេត្តកំពង់ស្ពឺ ត្រូវបានអាជ្ញាធរបិទបណ្ណោះអាសន្ន ។
២-អាហារដ្ឋាន NONA Sea Food ម្ចាស់ហាង ឈ្មោះ អ៊ូក ខាងកើតផ្សារទីរួមខេត្តកំពង់ស្ពឺ ភូមិពាណិជ្ជកម្ម សង្កាត់រការធំ ក្រុងច្បារមន ។
៣-ផ្សាររាត្រីកំពង់ស្ពឺ ជាប់សួនមាត់ស្ទឹងព្រែកត្នោត ។

ចំពោះអ្នកដែលពាក់ព័ន្ធទីតាំងខាងលើ ឬប៉ះពាល់ជាមួយបុគ្គល កក្កដា សោភ័ណ្ឌ ត្រូវដាក់ខ្លួននៅដាច់ដោយឡែក ឬធ្វើចត្តាឡីស័ក តាមការណែនាំរបស់ក្រសួងសុខាភិបាល ។ ប្រសិនបើកើតមានអការៈខុសពីធម្មតា ត្រូវទៅធ្វើតេស្ដរកមេរោគកូវីដ-១៩ ជាបន្ទាន់ ។

សូមរំលឹកថា ក្រៅពីខេត្តកំពង់ស្ពឺ ក៏មានអ្នកប៉ះពាល់ផ្ទាល់ និងដោយប្រយោល ជាមួយបុគ្គល កក្កដា សុភ័ណ្ឌ ដែលមានវិជ្ជមានកូវីដ-១៩ ក្នុងកម្មពិធីមង្គលការមួយក្នុងឃុំរវាង ស្រុកសំរោង ខេត្តតាកែវមានចំនួនជិត៤០០នាក់ ពេលនេះកំពុងនាំយកទៅធ្វើចត្តឡីស័ក ។