ព័ត៌មានជាតិ

ប្រធានមន្ទីរព័ត៌មានខេត្តស្វាយរៀង បានចុះពិនិត្យទីតាំងចត្តាឡីស័ក និងឧបត្ថម្ភសម្ភារៈ រដ្ឋបាលឃុំក្រោលគោ

បានផុស

៤ years មុន

នៅ

ថ្ងៃព្រហស្បតិ៍ ១៨ មីនា ២០២១

ដោយ

ដើម្បីចូលរួមនិងការពារទប់ស្កាត់ការឆ្លងរីករាលដាលជំងឺកូវីដ១៩ នៅក្នុងខេត្តស្វាយរៀង កាលពីយប់ថ្ងៃទី១៧ ខែមីនា ឆ្នាំ២០២១ លោក កែវ ចន្ទ័លី ប្រធានមន្ទីរព័ត៌មានខេត្ត និងជាអនុប្រធានក្រុមការងារចុះជួយឃុំក្រោលគោ រួមដំណើរជាមួយមន្ត្រីរាជការមន្ទីរព័ត៌មានខេត្តបាននាំយកម៉ាសការពារចំនួន ២០ប្រអប់, មីចំនួន ២០កេស, ថវិកា ៣សែនរៀល ផ្តល់ជូនរដ្ឋបាលឃុំក្រោលគោ ស្រុកស្វាយជ្រំ ដើម្បីចូលរួមការទប់ស្កាត់ការឆ្លងរីករាលដាលជំងឺកូវីដ១៩ ព្រមទាំងចុះពិនិត្យទីតាំងកន្លែងធ្វើចត្តាឡីស័ក ដែលស្ថិតនៅក្នុងស្នាក់ការគណបក្សប្រជាជនកម្ពុជាឃុំក្រោលគោ ស្រុកស្វាយជ្រំ ខេត្តស្វាយរៀង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកប្រធានមន្ទីរព័ត៌មានខេត្តស្វាយរៀង បានបញ្ជាក់ឲ្យដឹងថា ដើម្បីអនុវត្តតាមការណែនាំរបស់រាជរដ្ឋាភិបាលកម្ពុជានិងវិធានការរបស់ក្រសួងសុខាភិបាលសេចក្តីជូនដំណឹងរបស់រដ្ឋបាលខេត្តស្វាយរៀង ក្នុងទិសដៅចូលរួមទប់ស្កាត់ការរីករាលដាលជំងឺកូវីដ១៩ មន្ទីរព័ត៌មានខេត្ត បានជួយឧបត្ថម្ភជាម៉ាស មី និងថវិកាមួយចំនួន ដើម្បីជួយដល់ប្រជាពលរដ្ឋដែលមកចូលមណ្ឌលធ្វើចត្តាឡីស័កឃុំក្រោគោ ក្នុងការពិនិត្យសុខភាពនិងធ្វើតេស្តរកមេរោគកូវីដ១៩។

លោក កែវ ច័ន្ទលី ក៏បានសំណូមពរដល់បងប្អូនប្រជាពលរដ្ឋទាំងអស់ត្រូវចូលរួមអនុវត្តតាមការណែនាំរបស់ក្រសួងសុខាភិបាលដោយអនុវត្តនូវវិធានការ ៣កុំ ៣ការពារ។

លោកភោគវណ្ណថន ប្រធានក្រុមប្រឹក្សាឃុំក្រោលគោ បានថ្លែងអំណរគុណយ៉ាងជ្រាលជ្រៅចំពោះលោក កែវ ចន្ទ័លី ប្រធានមន្ទីរព័ត៌មានខេត្ត និងជាអនុប្រធានក្រុមការងារចុះជួយឃុំក្រោលគោ ដែលបានជួយឧបត្ថម្ភ ដល់រដ្ឋបាលឃុំសម្រាប់ចាត់ចែងការចូលរួមទប់ស្កាត់ជំងឺកូវីដ១៩ នៅក្នុងមណ្ឌលចត្តាឡីស័កឃុំក្រោលគោរ ស្រុកស្វាយជ្រំផងដែរ៕

អត្ថបទ៖ អ៊ុង ភក្ដី

Related Topics:ចត្តាឡីស័ក