ព័ត៌មានជាតិ
ថៃ អនុញ្ញាតឱ្យពលករខ្មែរដែលមានទិដ្ឋាការស្នាក់នៅផុតសុពលភាព បន្ត ៦ ខែទៀត រហូតដល់ខែសីហា ឆ្នាំ ២០២៥
រាជរដ្ឋាភិបាលថៃ បានសម្រេចអនុញ្ញាតឱ្យពលករខ្មែរ ដែលមានទិដ្ឋាការស្នាក់នៅផុតសុពលភាពនៅថ្ងៃទី ១៣ ខែកុម្ភៈ ឆ្នាំ ២០២៥ អាចបន្តបណ្ណអនុញ្ញាតការងារ និងទិដ្ឋាការស្នាក់នៅរយៈពេល ៦ ខែបន្តបន្ថែមទៀត រហូតដល់ថ្ងៃទី ១៣ ខែសីហា ឆ្នាំ ២០២៥។
លោក កត្តា អ៊ន រដ្ឋលេខាធិការ និងជាអ្នកនាំពាក្យក្រសួងការងារ និងបណ្តុះបណ្តាលវិជ្ជាជីវៈ បានមានប្រសាសន៍នៅព្រឹកថ្ងៃទី ០៧ កុម្ភៈ នេះថា យោងតាមស្មារតីអង្គប្រជុំរវាង លោក ហេង សួរ រដ្ឋមន្ត្រីក្រសួងការងារ និងបណ្ដុះបណ្ដាលវិជ្ជាជីវៈកម្ពុជា ជាមួយរដ្ឋមន្ត្រីក្រសួងការងារថៃ លោក Phiphat Ratchakitprakarn កាលពីថ្ងៃទី ៣០ ខែតុលា ឆ្នាំ ២០២៤ កន្លងទៅ រដ្ឋាភិបាលថៃ បានសម្រេចអនុញ្ញាតឱ្យពលករខ្មែរ ដែលមានទិដ្ឋាការស្នាក់នៅផុតសុពលភាពនៅថ្ងៃទី ១៣ ខែកុម្ភៈ ឆ្នាំ ២០២៥ អាចបន្តបណ្ណអនុញ្ញាតការងារ និងទិដ្ឋាការស្នាក់នៅ រយៈពេល ២ ឆ្នាំ បន្តទៀត រហូតដល់ឆ្នាំ ២០២៧ ប៉ុន្តែត្រូវដំណើរការឱ្យបានរួចរាល់ត្រឹមថ្ងៃទី ១៣ ខែកុម្ភៈ ឆ្នាំ ២០២៥។
លោកបានបន្តថា ប៉ុន្តែដើម្បីជួយសម្រួល និងទុកពេលវេលាឱ្យនិយោជកថៃ អាចបន្តបណ្ណអនុញ្ញាតការងារ និងទិដ្ឋាការស្នាក់នៅជូនពលករបានរួចរាល់ទាន់ពេលវេលា កាលពីថ្ងៃទី ៤ ខែកុម្ភៈ ឆ្នាំ ២០២៥ គណៈរដ្ឋមន្ត្រីថៃ បានសម្រេចឯកភាពលើការពន្យារពេល ចំនួន ៦ ខែទៀត ចាប់ពីថ្ងៃទី ១៤ ខែកុម្ភៈ ដល់ថ្ងៃទី ១៣ ខែសីហា ឆ្នាំ ២០២៥ ដើម្បីឱ្យនិយោជករៀបចំដំណើរការឯកសារឱ្យពលករអាចស្នាក់នៅ និងធ្វើការបានដល់ថ្ងៃទី ១៣ ខែកុម្ភៈ ឆ្នាំ ២០២៧ និងបន្តបាន ២ ឆ្នាំទៀត។
បើតាម លោក កត្តា អ៊ន ការពន្យារពេលក្នុងការដំណើរការឯកសារដល់ពលករនាពេលនេះ គឺស្ថិតក្រោមការចុះអនុស្សរណៈយោគយល់រវាងប្រទេសកម្ពុជា និងថៃ។ នីតិវិធីក្នុងការបន្តបណ្ណអនុញ្ញាតការងារ និងទិដ្ឋាការស្នាក់ ដល់ពលករខ្មែរ គឺត្រូវដំណើរការតាមនីតិវិធីរបស់ភាគីថៃ។
លោក កត្តា អ៊ន បានបញ្ជាក់ថា គិតត្រឹមខែធ្នូ ឆ្នាំ ២០២៤ ពលករខ្មែរដែលកំពុងស្នាក់នៅ និងធ្វើការនៅប្រទេសថៃប្រមាណជិត ១ លាន ៣ សែននាក់ ស្រីជាង ៥២ ម៉ឺននាក់៕
អត្ថបទ ៖ សំអឿន
អាជ្ញាធរជាតិគ្រឿងញៀន និងសមាគមសិល្បករខ្មែររួមគ្នាពង្រីកការផ្សព្វផ្សាយអប់រំពីគ្រឿងញៀន
EU គ្រោងបង្កើនវិធានការវាយបក ទៅនឹងពន្ធចុងក្រោយរបស់ ត្រាំ
មានការព្រួយបារម្ភខ្លាំងជុំវិញអំពើហិង្សាផ្ទុះឡើងចំថ្ងៃប្រកាសសាលក្រម លោក Yoon
លោក ហេង សួរ អរគុណកងអង្គរក្សដែលលះបង់កម្លាំងកាយ ឃ្លាតពីគ្រួសារ ដើម្បីការពារសុវត្ថិភាពពលរដ្ឋ ថ្នាក់ដឹកនាំ និងសង្គមជាតិ
វិស័យអប់រំខេត្តក្រចេះរីកចម្រើន រហូតជាប់ជយលាភីប្រកួតប្រជែងថ្នាក់ជាតិឆ្នាំ២០២៤
សភាពាណិជ្ជកម្មអាមេរិកនៅកម្ពុជា ស្នើឱ្យដោះស្រាយបញ្ហាពន្ធអាមេរិកថ្មី ដើម្បីបញ្ចៀស «វិបត្តិសេដ្ឋកិច្ចជ្រាលជ្រៅ»
កម្ពុជា នឹងបន្តមានភ្លៀងធ្លាក់ជាមួយផ្គររន្ទះ និងខ្យល់កន្ត្រាក់ដល់ថ្ងៃទី៥មេសា
អាមេរិកថាកម្ពុជាយកពន្ធខ្លួន ៩៧ ភាគរយ តែអតីតប្រធាន EuroCham នៅកម្ពុជា ហៅតួលេខនេះថា «បំភ័ន្ត» ជំរុញដោយនយោបាយ
ត្រាំ ប្រកាសដំឡើងពន្ធទ្រង់ទ្រាយធំជាសកល ក្នុងនោះកម្ពុជា រងគ្រោះខ្លាំង
រដ្ឋមន្ត្រី៖ ការដំឡើងពន្ធរបស់អាមេរិកមិនប៉ះពាល់ ១០០% លើការនាំចេញរបស់កម្ពុជានោះទេ
-
ព័ត៌មានជាតិ២ ថ្ងៃ agoក្រោយមរណភាពបងប្រុស ទើបសម្ដេចតេជោ ដឹងថា កូនស្រីម្នាក់របស់ឯកឧត្តម ហ៊ុន សាន គ្មានផ្ទះផ្ទាល់ខ្លួននៅ
-
ព័ត៌មានអន្ដរជាតិ៦ ថ្ងៃ agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ២ ថ្ងៃ agoនិស្សិតពេទ្យដ៏ស្រស់ស្អាតជិតទទួលសញ្ញាបត្រ ស្លាប់ជាមួយសមាជិកគ្រួសារក្នុងអគាររលំដោយរញ្ជួយដី
-
ព័ត៌មានអន្ដរជាតិ១ ថ្ងៃ agoមីយ៉ាន់ម៉ា៖ ក្រុមសង្គ្រោះតួកគី ជួយជីវិតបុរសម្នាក់ ក្រោយជាប់ក្រោមគំនរបាក់បែក៥ថ្ងៃ
-
សន្តិសុខសង្គម១ សប្តាហ៍ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ៧ ថ្ងៃ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ចរាចរណ៍៣ ថ្ងៃ agoរថភ្លើងដឹកស្រូវក្រឡាប់ធ្លាក់ចេញពីផ្លូវ នៅស្រុកថ្មគោល
-
សន្តិសុខសង្គម៣ ថ្ងៃ agoនគរបាលឡោមព័ទ្ធខុនដូមួយកន្លែងទាំងយប់ ឃាត់ជនបរទេសប្រុសស្រីជាង ១០០នាក់