ព័ត៌មានជាតិ
លោក កត្តា អ៊ន ច្រានចោលការចុះផ្សាយរបស់ The Cambodia daily ដែលចោទប្រកាន់ថ្នាក់ដឹកនាំក្រសួងការងារ និងថ្នាក់ដឹកនាំ ប.ស.ស ប្រព្រឹត្តអំពើពុករលួយ
លោក កត្តា អ៊ន រដ្ឋលេខាធិការ និងជាអ្នកនាំពាក្យក្រសួងការងារ និងបណ្ដុះបណ្ដាលវិជ្ជាជីវៈ បានចេញមុខច្រានចោលចំពោះការចុះផ្សាយព័ត៌មានមិនពិត បំភ្លៃការពិត របស់សារព័ត៌មាន The Cambodia daily ដែលសរសេរចោទប្រកាន់ថ្នាក់ដឹកនាំក្រសួងការងារ និងថ្នាក់ដឹកនាំ ប.ស.ស ប្រព្រឹត្តអំពើពុករលួយ បណ្ដាលឲ្យបាត់បង់ថវិកាបេឡាជាតិសន្តិសុខសង្គម។
កាលពីល្ងាចថ្ងៃទី ០៦ ខែកុម្ភៈ ឆ្នាំ ២០២៥ តាមរយៈទំព័រហ្វេសប៊ុក លោក កត្តា អ៊ន បានប្រតិកម្មទៅនឹងការចុះផ្សាយរបស់សារព័ត៌មាន The Cambodia daily ថា «ការផ្សាយព័ត៌មានមិនពិត បំភ្លៃការពិតរបស់ The Cambodia daily នាថ្ងៃទី ០៦ ខែកុម្ភៈ ឆ្នាំ ២០២៥ ដោយចោទប្រកាន់ថ្នាក់ដឹកនាំក្រសួងការងារ និងថ្នាក់ដឹកនាំ ប.ស.ស.ប្រព្រឹត្តអំពើពុករលួយ បណ្តាលឲ្យបាត់បង់ថវិកាបេឡាជាតិសន្តិសុខសង្គម គឺមានចេតនាបំផ្លាញកិត្តិយស ភាពថ្លៃថ្នូរ និងភាពស្អាតស្អំរបស់ថ្នាក់ដឹកនាំ ដើម្បីបំពុលសង្គម សាធារណជន ក្នុងការកេងចំណេញនយោបាយរបស់ខ្លួន»។
លោក កត្តា អ៊ន ក៏បានអំពាវនាវដល់សាធារណជន សូមកុំជឿ និងកុំផ្សព្វផ្សាយបន្តព័ត៌មានមិនពិត បំភ្លៃការពិត របស់សារព័ត៌មាន The Cambodia daily ខាងលើនេះ។
សូមបញ្ជាក់ថា កាលពីថ្ងៃទី ០៦ ខែកុម្ភៈ ឆ្នាំ ២០២៥ ម្សិលមិញនេះ សារព័ត៌មាន The Cambodia daily បានធ្វើការចុះផ្សាយព័ត៌មានមិនពិត បំភ្លៃការពិត និងខុសវិជ្ជាជីវៈ ដោយដាក់ខេបសិនថា «មន្ត្រីទម្លាយថា រដ្ឋខាត ១៥ លានដុល្លារ រាល់ឆ្នាំ ដោយសារអំពើពុករលួយរវាង លោក ហេង សួរ និង អគ្គនាយក ប.ស.ស» ដែលទង្វើនេះ ត្រូវបានក្រសួងការងារ ចាត់ទុកថា មានចេតនាបំផ្លាញកិត្តិយស ភាពថ្លៃថ្នូរ និងភាពស្អាតស្អំរបស់ថ្នាក់ដឹកនាំក្រសួងការងារ និងថ្នាក់ដឹកនាំ ប.ស.ស ដើម្បីបំពុលសង្គម សាធារណជន ក្នុងការកេងចំណេញនយោបាយរបស់ខ្លួន៕
អត្ថបទ ៖ ពិសី
-
ព័ត៌មានអន្ដរជាតិ១៩ ម៉ោង agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
សេចក្ដីជូនដំណឹង២ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ៧ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៦ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ