ព័ត៌មានជាតិ
ខេត្តព្រះសីហនុ ចូលរួមពិធីចុះអនុស្សរណៈរវាងក្រុមហ៊ុនអ្នកឧកញ៉ា ទៀ វិចិត្រនិងសមាគមទេសចរណ៍ ដើម្បីសហការគ្នាពង្រីកវិសយ័ទេសចរណ៍
ព្រះសីហនុ ៖ លោក ម៉ាង ស៊ីណេត អភិបាលខេត្តព្រះសីហនុ និង លោក ហួត ហាក់ រដ្ឋមន្ត្រីក្រសួងទេសចរណ៍ បានអញ្ជើញជាអធិបតីក្នុងពិធីចុះហត្ថលេខាលើអនុស្សរណៈ នៃការយោគយល់ ដើម្បីសហការគ្នាពង្រីកវិសយ័ទេសចរណ៍នៅក្នុងខេត្តព្រះសីហនុ រវាងក្រុមហ៊ុន ជីធីវីសុី អ៊ឹមផត អេចផត ខូលអិលធីឌី (G.T.V.C Import Export Co.Ltd.) របស់អ្នកឧកញ៉ា ទៀ វិចិត្រ និងសមាគមទេសចរណ៍ អាស៊ីប៉ាស៊ីហ្វិកកម្ពុជា (PATA CambodiaChapter) ដែលមានលោកបណ្ឌិត ធួន ស៊ីណាន ជាប្រធាន។

ពិធីនេះបានធ្វើឡើង នៅព្រឹកថ្ងៃ១៤មីនា២០២៥ នៅទីតាំងវ៉នដឺឡេន រីសត (Wonderland Suites & Resort )ស្ថិតក្នុងភូមិត្រពាំងគោ ឃុំជើងគោ ស្រុកព្រៃនប់ ខេត្តព្រះសីហនុ។

អនុស្សរណៈនៃការយោគយល់រវាងក្រុមហ៊ុនទេសចរណ៍ទាំងពីរ ផ្តោតជាសំខាន់ទៅលើកិច្ចសហប្រតិបត្តិការរួមគ្នា ដើម្បីនាំភ្ញៀវទេសចរណ៍ទាំងក្នុងប្រទេសនិងពីបណ្តាប្រទេសនានា មកកាន់មូលដ្ឋានទេសចរណ៍ ដែលក្រុមហ៊ុនអ្នកឧកញ៉ា ទៀ វិចិត្រ កំពុងប្រតិបត្តិការនៅក្នុងខេត្តព្រះសីហនុ ក្នុងនោះ បើតាមអ្នកឧកញ៉ា ទៀ វិចិត្រ ឱ្យដឹងថា បច្ចុប្បន្នក្រុមហ៊ុនរបស់អ្នកឧកញ៉ា មានផលិតផល និង សេវាកម្មទេសចរណ៍សំខាន់ៗច្រើនកន្លែង ក្នុងខេត្តព្រះសីហនុ រួមមានវ៉នដឺឡេន រីសត (Wonderland Suites & Resort) ក្នុងភូមិត្រពាំងគោ ឃុំជើងគោ ស្រុកព្រៃនប់ , មានសេវាកម្មទេសចរណ៍នៅលើកោះរ៉ុង និងសេវាកម្មទេសចរណ៍មួយចំនួនទៀតក្នុងខេត្តព្រះសីហនុ ហើយជាមួយគ្នានេះក្រុមហ៊ុនក៏បានទទួលសិទ្ធិវិនិយោគពីកំពង់ផែអន្តរជាតិក្រុងព្រះសីហនុ បង្កើតជាកំពង់ផែទេសចរណ៍លើផ្ទៃដីប្រមាណ២២០០០ម៉ែត្រការ៉េ មានសមត្ថភាពទទួលអូបរ័ទេសចរណ៍តូច ធំ ចេញ ចូលម្តង២០គ្រឿងក្នុងពេលតែមួយ ហើយនៅកំពង់ផែទេសចរណ៍នេះមានគ្រប់ហេដ្ឋារចនាសម្ព័ន្ធសម្រាប់តម្រូវការរបស់អ្នកទេសចរណ៍រាប់ទាំងសេវាសន្តិសុខសុវត្ថិភាពផងដែរ។

មានប្រសាសន៍សំណេះសំណាលក្នុងពិធីនេះ លោកម៉ាង ស៊ីណេត អភិបាលខេត្តព្រះសីហនុ និង លោក ហួត ហាក់ រដ្ឋមន្ត្រីក្រសួងទេសចរណ៍ បានសម្តែងនូវការអបអរសាទរ ចំពោះកិច្ចសហការរវាងក្រុមហ៊ុនទាំង២ ដែលនឹងជួយជំរុញដល់វិសយ័ទេសចរណ៍ ក្នុងខេត្តព្រះសីហនុនិយាយដោយឡែក និងនិយាយជារួមសម្រាប់វិសយ័ទេសចរណ៍ជាតិ។

ទាំងក្រសួងទេសចរណ៍ និងទាំងអាជ្ញាធររដ្ឋបាលខេត្តព្រះសីហនុ ថ្នាក់ដឹកនាំក្រសួង និង ថ្នាក់ដឹកនាំខេត្តក៏បានបញ្ជាក់ពីការគាំទ្រនិងជួយជ្រោមជ្រែងគ្រប់នីតិវិធីព្រមទាំងបច្ចេកទេស ដើម្បីឱ្យដំណើរនេះប្រព្រឹត្តទៅទទួលបានលទ្ធផលល្អ៕
ដោយ ៖ ស៊ុយ ចាន់ធា














-
ព័ត៌មានអន្ដរជាតិ៣ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម៤ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៦ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ៣ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៦ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៧ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម៣ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម២ ថ្ងៃ ago
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ