ព័ត៌មានជាតិ
គោរមៈ ច័ន្ទរាជ្យ សរសើរ យ៉ាស៊ីន និង មហាម៉ាត់ បើមាននិស្ស័យគង់មានថ្ងៃជួបគ្នាទេ
អ្នកលេងគុនខ្មែរមកពីក្លឹប Cambodian Top Team គោរមៈ ច័ន្ទរាជ្យ បានសរសើរសមត្ថភាពកីឡាករអាហ្វហ្គានីស្ថាន យ៉ាស៊ីន និង មហាម៉ាត់ ពិតជាល្អ ពិសេសកម្លាំងបុកហើយបើមាននិស្ស័យគង់បានជួបគ្នានៅថ្ងៃណាមួយជាមិនខាន។
គោរមៈ ច័ន្ទរាជ្យ
គោរមៈ ច័ន្ទរាជ្យ បានឲ្យដឹងថា រូបគេពិតជាសរសើរ យ៉ាស៊ីន និង មហាម៉ាត់ មានសមត្ថភាពប្រកួតល្អណាស់ ពិតសរសើរពួកគេអាចរស់នៅខ្មែរបាន និងហ្វឹកហាត់គុនខ្មែរបានល្អថែមទៀតផង។ អ្នកទាំងពីរមានកម្លាំងស៊ុហ្វខ្លាំង ពោលគឺល្អបុក ចំណែកក្បាច់វិញចេញច្បាស់ៗ។
មហាម៉ាត់ ពេលឈ្នះខ្សែក្រវាត់ (រូបភាពផេក Hang Meas Kunkhmer)
កូនសិស្សលោក ហ៊ុន ច័ន្ទរាជ្យ រូបនេះបន្ថែមទៀតថា មានការសោកស្ដាយដែរបើ មហាម៉ាត់ មកកម្ពុជាអំឡុងឆ្នាំមុនៗប្រហែលអាចប៉ះប្រកួតគ្នាស្របពេលខ្លួនលេងទម្ងន់ស្រាលផងដែរ។ ដោយសារឥលូវទម្ងន់ខ្លួនឡើងខ្លាំង និងសម្រកលែងចុះផងនោះ គោរមៈ ចាប់ផ្ដើមលេងទម្ងន់ ៥៧គីឡូក្រាមវិញហើយ និងបានចេញប្រកួតខ្លះៗហើយដែរ។ ដូច្នេះរូបគេថាបើមាននិស្ស័យមែនថ្ងៃណាមួយអាចនឹងប៉ះ យ៉ាស៊ីន ព្រោះទម្ងន់ប្រហាក់ប្រហែលគ្នា និងប្រកាសថាខ្លួនមិនខ្លាចញញើតអ្វីនោះទេស្វាគមន៍ជានិច្ច។
យ៉ាស៊ីន (រូបភាពហ្វេបុក សេន ប៊ុនថេន)
បញ្ជាក់ដែរថា គោរមៈ ច័ន្ទរាជ្យ ជាកូនសិស្សលោក ហ៊ុន ច័ន្ទរាជ្យ តាំងតែពីវ័យក្មេងមកម្ល៉េះ ឥលូវរូបគេពេញរូបពេញរាងហើយ និងកំពុងប្រកួតគុនខ្មែរផង និងជាកីឡាករជម្រើសជាតិគុនចម្រុះផង។ ចំពោះអ្នកប្រដាល់សញ្ជាតិអាហ្វហ្គានីស្ថាន យ៉ាស៊ីន និង មហាម៉ាត់ វិញបច្ចុប្បន្នកំពុងរួមរស់ និងហ្វឹកហាត់គុនខ្មែរជាមួយលោក សេន ប៊ុនថេន។ ពួកគេទាំងកំពុងសាងកេរ្តិ៍ឈ្មោះ និងធ្វើឲ្យអ្នកនិយមគុនខ្មែរមានការភ្ញាក់ផ្អើលជាខ្លាំងតាមរយៈទម្រង់វាយបុកដៃគូខ្លាំង និងការយកឈ្នះកីឡាករខ្មែរជាបន្តបន្ទាប់៕
-
ព័ត៌មានអន្ដរជាតិ១២ ម៉ោង agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច២ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
ព័ត៌មានអន្ដរជាតិ៦ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
កីឡា៣ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេចក្ដីជូនដំណឹង២ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
សេដ្ឋកិច្ច៥ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ