ព័ត៌មានជាតិ

សហគ្រាសចំនួន ៨ រួមទាំងរោងចក្រផលិតសំបកកង់ដ៏ធំក្នុងខេត្តក្រចេះ ត្រូវការកម្មកររាប់ពាន់នាក់បម្រើការងារ

បានផុស

៥២ វិនាទី មុន

នៅ

ថ្ងៃសៅរ៍ ១៤ មិថុនា ២០២៥

ដោយ

ក្រុមហ៊ុន រោងចក្រ សហគ្រាស ក្នុងខេត្តក្រចេះបានប្រកាសត្រូវការបុគ្គលិកកម្មករប្រមាណចំនួន ៦២៧៦ កន្លែង ចូលបម្រើការងារនៅតាមក្រុមហ៊ុន រោងចក្រ សហគ្រាស ចំនួន ៨ ដែលកំពុងវិនិយោគលើវិស័យផ្សេងៗ។ នេះបើតាមការឲ្យដឹងពីរដ្ឋបាលខេត្តក្រចេះ នាព្រឹកថ្ងៃសៅរ៍ ទី១៤ ខែមិថុនា ឆ្នាំ២០២៥នេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

រោងចក្រ សហគ្រាស ដែលកំពុងវិនិយោគលើវិស័យកសិកម្ម ក៏ដូចជាឧស្សាហកម្មក្នុងខេត្តក្រចេះមានតម្រូវការបុគ្គលិកកម្មកររាប់ពាន់កន្លែង សម្រាប់ដំណើរការក្នុងខ្សែសង្វាក់ផលិតកម្មការងារក្នុងនោះមានដូចជា៖

១)-ក្រុមហ៊ុន ប៊ិញហ្វឿកក្រចេះរ៉ាប់ប៊ើរ២ ចំនួន ២៩០៦ កន្លែង
២)-ក្រុមហ៊ុន អ៊ីសធើន រ៉ាប់ប៊ើរ(ខេមបូឌា) ចំនួន ២២១០ កន្លែង
៣)-ក្រុមហ៊ុន សុវណ្ណវទ្ធី ខូលអិលធីឌី ចំនួន ៥០០ កន្លែង
៤)-ក្រុមហ៊ុន NEW BUSTAR (CAMBODIA) TIRE CO.,LTD ចំនួន ៣០០ កន្លែង
៥)-ក្រុមហ៊ុន ភូរៀងក្រចេះអភិវឌ្ឍន៍កៅស៊ូ ចំនួន ១៦០ កន្លែង
៦)-ក្រុមហ៊ុន ដូវទីសាយហ្គន ប៊ិញភឿក (អេសបីខេ) ចំនួន ១៥០ កន្លែង
៧)-ក្រុមហ៊ុន ដុងណាយ ក្រចេះ អភិវឌ្ឍន៍កៅស៊ូ ចំនួន ១៥ កន្លែង
៨)-ក្រុមហ៊ុន ដុងភូ ក្រចេះ អភិវឌ្ឍន៍កៅស៊ូ ចំនួន ៣៥ កន្លែង ។

អត្ថបទ៖ ប្រុញ វិធិន