ព័ត៌មានជាតិ
សម្តេចធិបតី ហ៊ុន ម៉ាណែត ចាប់អារម្មណ៍អត្ថបទហ្វេសប៊ុក «មេទ័ព លីពូ» បកស្រាយសាមញ្ញ តែមុតស្រួច
សម្តេចធិបតី ហ៊ុន ម៉ាណែត នាយករដ្ឋមន្ត្រីកម្ពុជានៅថ្ងៃទី ០៦ ខែកញ្ញា ឆ្នាំ ២០២៥ បានចាប់អារម្មណ៍អត្ថបទហ្វេសប៊ុកផេករបស់ «មេទ័ព លីពូ» បកស្រាយចម្ងល់លើការងាររបស់ក្រសួងការពារជាតិ និងការផ្ដល់ស្បៀងដល់កងទ័ព។
សម្ដេចធិបតី ហ៊ុន ម៉ាណែត បានសរសេរនៅបណ្ដាញសង្គមហ្វេសប៊ុកផេកផ្លូវការថា៖ «ជាទូទៅមិនមានសំណេរច្រើនទេដែលខ្ញុំជក់ចិត្តអានពីដើមរហូតចប់។ ក្នុងមួយរយៈនេះ មានសំណេរនៅលើហ្វេសប៊ុកផេកមួយឈ្មោះ «មេទ័ព លីពូ» ដែលខ្ញុំបានតាមដាន ព្រោះអត្ថបទជាច្រើនដែលបានសរសេរ គឺមានហេតុផល ដោយផ្អែកលើអំណះអំណាងសមរម្យ គួបផ្សំជាមួយបទពិសោធន៍ផ្ទាល់ខ្លួននៅជួរមុខ»។
សំណេរមិនផ្អែកជ្រុលតាមអារម្មណ៍ផ្ទាល់ខ្លួន ឬទិដ្ឋភាពមួយជ្រុងណានោះទេ ហើយសំណេរភាគច្រើនក៏មិនសរសេរដើម្បីលើកសរសើរអ្នកនេះ ឬវាយប្រហារអ្នកនោះទេ។
សម្ដេចធិបតីបានបន្ថែមថា៖ «អ្វីដែលខ្ញុំចូលចិត្តអានសំណេរនៅលើផេកនេះ គឺអ្នកសរសេរ ធ្វើការបកស្រាយសាមញ្ញៗ (សាបៗ) ខ្លីៗ ងាយយល់ ប៉ុន្តែមុតស្រួច»។
ខ្លឹមសារសំណេរខាងក្រោម៖
ថ្ងៃនេះពូចង់បកស្រាយ មានបងប្អូន គាត់នៅតែឆ្ងល់ថា៖ «ក្រសួងការពារជាតិពេលនេះ កំពុងធ្វើអ្វីខ្លះ? តើស្បៀង ពេលនេះគ្រប់គ្រាន់ឬនៅ?»
សំនួរខ្លះគ្រាន់តែជាចម្ងល់បងប្អូន មិនបាច់បកស្រាយក៏បានដែរ។ តែពូចង់ពន្យល់បែបសាបៗ ស្រួលស្តាប់ ស្រួលយល់ ហើយបាត់ឆ្ងល់!
ទី១៖ តើស្បៀង ពេលនេះគ្រប់គ្រាន់ឬនៅ?
ចំពោះបញ្ហាស្បៀងពេលនេះ ពូអាចនិយាយបានថា គ្រប់គ្រាន់ហើយ ជំនួយគួរប្តូរជាសម្ភារៈចាំបាច់ជំនួសវិញ ល្អជាង។
ទី២៖ តើក្រសួងការពារជាតិកំពុងធ្វើអ្វី?
ក្រសួងកំពុងធ្វើការកម្រិតក្រសួង ដែលប្រជាជន និងទាហាន មិនគួរដឹង ព្រោះវាជាការសម្ងាត់របស់ជាតិ។ បងប្អូនឆ្ងល់ថា ម៉េចមិនដែលឃើញដឹកស្បៀងដើរចែក នេះហើយដែលហៅថា «ការសម្ងាត់ » បងប្អូនដេកនៅតែផ្ទះ ម៉េចដឹងថាគេមិនដឹក? បងប្អូនទៅសួរ កូនទាហានតាមព្រំដែន ពួកគាត់ម៉េចដឹង? សូម្បីឋានៈមេបញ្ជាការខ្លះ អត់ដឹងស្បៀងគេដឹកពីណាទៅផង។ បងប្អូនត្រូវចាំថា ក្រសួងការពារជាតិ មានតួនាទីផ្គត់ផ្គង់ស្បៀងទាហានជួរមុខ ជួរក្រោយ ពេញមួយប្រទេស មិនមែនមួយទិស ឬមួយភូមិភាគនោះទេ។ ហើយរឿងខ្លះក៏គេមិនចំបាច់ទៅដើរពន្យល់ប្រជាជនម្តងម្នាក់ៗដែរ។
បងប្អូនដើរសួរទាហានតាមព្រំដែន បើប៉ះអ្នកសម្បូរស៊ី គេនឹងឆ្លើយថាមានហើយ តែបើសួរប៉ះអ្នកអត់ដែលបានជំនួយ គាត់ច្បាស់ជានិយាយថា មិនដែលបានស្អីផង។ រួចហើយចាប់ផ្តើម វង្វេងហើយមិនដឹងមួយណាពិត? មួយណាមិនពិត? ទាហានជួរមុខ រាប់ម៉ឺននាក់បងប្អូនគិតថាស្បៀងមួយក្តិតឡាន ដែលដឹកទៅចែក អាចស៊ីបានមួយព្រំដែនមែន? តែមួយគោល ៣០នាក់ ស៊ីតែ ៣ថ្ងៃអស់បាត់ហើយ…
បងប្អូនមានដែល សួរខ្លួនឯងវិញទេថា៖ «មុនពេលអញយកជំនួយទៅ តើទាហានបានស្អីហូប?» ចម្លើយបែបសាបៗ «គឺការផ្គត់ផ្គង់ទាំងស្រុងរបស់ក្រសួងការពារជាតិ សូម្បីមកដល់ពេលនេះ ស្បៀងរបស់បងប្អូនគឺបានត្រឹម ២៥%/៧៥% ទៀតនៅតែជាទំនួលខុសត្រូវរបស់ក្រសួងដដែលទេ។» ការដែលគេមិនប្រាប់ថា ក្រសួងកំពុងធ្វើអ្វី! ព្រោះបើប្រាប់ ក្អែក ១ ទៅជាក្អែក ១០ អាមិនដឹងរឿងផង នៅវាបកស្រាយចេញ ទម្រាំគេអោយដឹងរឿងទៀត ម្ចាស់ជំនួយឆាតសួរឆ្លើយៗ មានស្អី សម្ងាត់ទៀត។
ទី៣៖ ជួយយ៉ាងម៉េច បានចំគោលដៅ?
ចង់ជួយអោយចំគោលដៅ ត្រូវទៅអោយដល់គោលដៅ ឬ តាមរយៈអ្នកដែលអាចយកអោយចំគោលដៅ។ ជួយតាមលទ្ធភាព ជួយជាក្រុម កុំជួយម្នាក់ៗ ទោះបីតិចតួចក៏ដោយទាហានអត់ច្រណែនគ្នា។
ជាសំណូមពរ ដល់ម្ចាស់ជំនួយ ចង់ជួយផ្ទាល់ ចុះផ្ទាល់ ទៅមើលផ្ទាល់ កុំសួរព័ត៌មានទាហាន អស់អាចម៌ អស់នោមពេក។
ដំបូងសួរ នៅកងពលណា? គ្នាប៉ុន្មាននាក់? ឈរជើងទិសណា? សុំមើលកាតទាហានបន្តិច! មានរូបទីតាំងអត់ ថតវីដេអូមក បើអាច Pin ក៏បាន ព្រោះខ្ញុំខ្លាចចំទាហានបោក។ បងឯងជួយថត វីដេអូ មួយខ្លីបមក ខ្ញុំរកជំនួយជូន…
ចង់ដឹងគាត់ពិត មិនពិត សុំតែឈ្មោះ និងទិសគាត់ឈរជើងបានហើយ សួរមេបញ្ជាការ ហើយហៅគាត់មកទទួលមកចប់ហើយ កុំវែងឆ្ងាយ។ ទាហានគាត់មិនបោកទេ ណាស់តែអាអ្នកសុំជំនួយតើដែលបោក ដូចធ្លាប់ឮ រឿងស៊ីភាគរយ ពួកអាស្លាប់!
-
ព័ត៌មានអន្ដរជាតិ១២ ម៉ោង agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច២ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
កីឡា៣ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ៦ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេចក្ដីជូនដំណឹង២ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
សេដ្ឋកិច្ច៥ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ