នយោបាយ
ស្អែកនេះ សម្តេច ហ៊ុន សែន នឹងសួរនាំលោក មីន អ៊ុងលាំង រឿងកាត់ទោសលោកស្រី អ៊ុងសាន ស៊ូជី និងបញ្ហាឈប់បាញ់គ្នា
សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជាបានអះអាងថា សម្តេច នឹងជួបពិភាក្សាការងារជាមួយលោក មីន អ៊ុងលាំង ប្រធានក្រុមប្រឹក្សារដ្ឋាបាលមីយ៉ាន់ម៉ាតាមប្រព័ន្ធវីដេអូនៅថ្ងៃពុធ ស្អែកនេះ ដើម្បីចង់ដឹងបញ្ហាកាត់ទោសលើលោកស្រី អ៊ុងសាន ស៊ូជី និងវឌ្ឍនភាពនៃការអនុវត្តកិច្ចព្រមព្រៀងជាឯកច្ឆ័ន្ធ ៥ ចំណុចរបស់មេដឹកនាំអាស៊ាន។ កិច្ចព្រមព្រៀងទាំងនេះ រួមមាន បទឈប់បាញ់ ការបញ្ចប់អំពើហឹង្សានៅក្នុងប្រទេសមីយ៉ាន់ម៉ា និងយន្តការផ្តល់ជំនួយមនុស្សធម៌សម្រាប់ប្រជាជនមីយ៉ាន់ម៉ា។
សម្តេចតេជោនាយករដ្ឋមន្រ្តីកម្ពុជា និងជាប្រធានអាស៊ាន បានបញ្ជាក់បែបនេះប្រាប់ទៅកាន់លោកIsmail Sabri Yaakob នាយករដ្ឋមន្រ្តីម៉ាឡេស៊ីតាមរយៈប្រព័ន្ធវីដេអូនៅព្រឹកថ្ងៃទី ២៥ ខែមករា ឆ្នាំ២០២២នេះ។ លោក កៅ គឹមហួន រដ្ឋមន្រ្តីប្រតិភូអមនាយករដ្ឋមន្រ្តីបានមានប្រសាសន៍ថា នៅក្នុងជំនួបនេះ សម្ដេចតេជោនាយករដ្ឋមន្រ្តី បានគូសបញ្ជាក់ថា សម្ដេចបានប្រឹងប្រែងធ្វើយ៉ាងណាចង់ឲ្យបទឈប់បាញ់ និងជំនួយមនុស្សធម៌អាចទៅដល់ដៃប្រជាពលរដ្ឋមីយ៉ាន់ម៉ា។
សម្តេចតេជោ បានបញ្ជាក់ប្រាប់លោក Ismail Sabri Yaakob ថា នៅក្នុងជំនួបជាមួយមេដឹកនាំមីយ៉ាន់ម៉ា សម្ដេច ក៏បានទទួលការសន្យាពីលោកមីន អ៊ុងលាំង ក្នុងការធ្វើយ៉ាងណាឲ្យជំនួយបានដល់ដៃប្រជាជនមីយ៉ាន់ម៉ា ដែលត្រូវការចាំបាច់ ។ សម្ដេចតេជោ ក៏បានប្រាប់យករដ្ឋមន្ត្រីម៉ាឡេស៊ីទៀតថា ក្រោយដំណើរទស្សនកិច្ចរបស់សម្ដេចទៅមីយ៉ាន់ម៉ាបានពីរបីថ្ងៃ ស្រាប់តែមានការកាត់ទោសលោកស្រីអ៊ុងសាន ស៊ូជី ជាប់គុក៤ឆ្នាំ ហើយក៏មានការប្រើប្រាស់យន្តហោះយោធាក្នុងប្រតិបត្តិការផងដែរ។
សម្ដេចតេជោនាយករដ្ឋមន្ត្រី បានគូសបញ្ជាក់បែបនេះថា ៖«សម្ដេច នឹងជួបជាមួយនឹងលោក មីន អ៊ុងលាំង តាមប្រព័ន្ធវីដេអូនៅថ្ងៃស្អែកនេះ ដើម្បីចង់ដឹងពីការងារទាំងអស់នេះ» ។ ជាមួយគ្នានេះ សម្តេច ហ៊ុន សែន បានអះអាងថា សភាពការណ៍នៅមីយ៉ាន់ម៉ា ពិតជាមានភាពស្មុគស្មាញមែនទែន ដោយសារមីយ៉ាន់ម៉ាមានរដ្ឋាភិបាលពីរ រួមទាំង រដ្ឋាភិបាលស្រមោល។ បើតាមសម្តេចតេជោ គឺសម្តេចបានប្រាប់ទៅលោក មីន អ៊ុងលាំង ផងដែរថា សម្ដេច នឹងអញ្ជើញលោក( មីន អ៊ុងលាំង)ចូលប្រជុំកំពូលអាស៊ាន ប្រសិនជាមានការអនុវត្តនូវកិច្ចព្រមព្រៀងជាឯកច្ឆ័ន ៥ ចំណុចរបស់មេដឹកនាំអាស៊ានមានវឌ្ឍនភាព ។ ប៉ុន្តែ បើមិនមានវឌ្ឍនភាពទេ សុំឲ្យលោក ត្រូវត្រៀមបញ្ជូនតំណាងមិនមែនថ្នាក់នយោបាយ ដើម្បីចូលរួមកិច្ចប្រជុំកំពូលអាស៊ាននាពេលខាងមុខ៕
អត្ថបទ ៖ ណារី
-
ព័ត៌មានជាតិ៧ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៧ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ២ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?