នយោបាយ

អតីតអ្នកគាំទ្រគណបក្សសង្គ្រោះជាតិ១០៧នាក់នៅកោះកុង មកចូលរស់ជីវភាពជាមួយគណបក្សប្រជាជនកម្ពុជា

បានផុស

២ years មុន

នៅ

ថ្ងៃសុក្រ ២៥ មីនា ២០២២

ដោយ

កោះកុង ៖ អតីតសមាជិកគណបក្សសង្គ្រោះជាតិចំនួន១០៧នាក់រស់នៅខេត្តកោះកុង បានស្ម័គ្រចិត្តចូលរួមរស់ជាមួយជីវភាពនយោបាយឈ្នះឈ្នះជាមួយគណបក្សប្រជាជនកម្ពុជាក្រោមម្លប់ដ៏ត្រជាក់មានសន្តិភាព ស្ថេរភាពការដឹកនាំការដឹកនាំដ៏ឈ្លៀសវៃរបស់សម្តេចអគ្គមហាសេនាបតីតេជោហ៊ុន សែន នាយករដ្ឋមន្ត្រីនៃកម្ពុជា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការប្រកាសចូលរួមស្ម័គ្រចិត្តអតីតអ្នកគាំទ្រអតីតគណបក្សសង្គ្រោះជាតិ ក្រោមវត្តមាន អ្នកឧកញ៉ា លី សាម៉េត តំណាងសម្តេចតេជោ ហ៊ុន សែនប្រធានគណបក្សប្រជាជនកម្ពុជាដែលបានរៀបចំឡើងសាលប្រជុំគណបក្សប្រជាជនកម្ពុជាខេត្តនៅរសៀលថ្ងៃទី ២៥ ខែមីនាឆ្នាំ២០២២។

តាមមតិលើកឡើងរបស់លោកឧកញ៉ា លី សាម៉េត ទៅកាន់សមាជិកសមាជិកាមកពីអតីតគណបក្សសង្គ្រោះជាតិនិងគណបក្សផ្សេងទៀតក្នុងខេត្តកោះកុងចំនួន ១០៧រូប ដែលស្ម័គ្រចិត្តចូលរួមរស់ជីវភាពនយោបាយជាមួយគណបក្សប្រជាជនកម្ពុជា គឺការត្រឹមត្រូវបំផុតដែលជ្រើសរើសយកគណបក្សប្រជាជនកម្ពុជាដែលដឹកនាំដោយសម្តេចតេជោ ហ៊ុន សែន។

លោកឧកញ៉ា លី សាម៉េត ជឿជាក់ថា សមាជិក សមាជិកាថ្មីទាំង១០៧រូបនេះក្នុងការចូលរួមចំណែកកសាងអភិវឌ្ឍន៍សង្គមកម្ពុជាឲ្យកាន់តែប្រសើរឡើងកាន់តែជឿនលឿនថែមក្រោមម្លប់សន្តិភាព ស្ថេរភាព និងគោលនយោបាយឈ្នះឈ្នះរបស់រាជរដ្ឋាភិបាលបច្ចុប្បន្ន។

អ្នកឧកញ៉ា លី សាម៉េត ក៏បានពន្យល់ដែរថា ការចូលមករួមរស់ជាមួយគណបក្សសង្គ្រោះជាតិកន្លងទៅ ពុំបានផ្តល់ចំណេញអ្វីដល់ក្រុមគ្រួសារ ពោលបម្រើបរទេសតែប៉ុណ្ណោះ ដោយមិនបានគិតគូរអំពីសុខទុក្ខរបស់ប្រជាពលរដ្ឋឡើយ។ ផ្ទុយទៅវិញមានថ្នាក់ដឹកនាំគណបក្សប្រជាជនកម្ពុជាគឺតែងតែរួមសុខរួមទុក្ខជាមួយប្រជាពលរដ្ឋគ្រប់ពេលវេលាដោះស្រាយទុក្ខលំបាកផ្សេងៗជូនប្រជាពលរដ្ឋជានិច្ចនិងមិនដែលរត់ចោលបងប្អូនប្រជាពលរដ្ឋឡើយនោះទេទោះក្នុងកាលៈទេសៈបែបណាក៏ដោយ។

លោកឧកញ៉ា ឱ្យដឹងទៀតថា យើងមានសន្តិភាពស្ថេរភាពយើងមានអ្វីៗដូចសព្វថ្ងៃនេះគឺមិនមែនជារឿងចៃដន្យទេតែវាជាជួបវាសនាដ៏ល្អដែលប្រទេសកម្ពុជាមានសម្ដេចតេជោ ហ៊ុន សែន ជាប្រធានគណបក្សប្រជាជនកម្ពុជា និងជានាយករដ្ឋមន្ត្រីដោយសម្តេចមិនដែលធ្វើឲ្យប្រជាពលរដ្ឋគ្រប់ស្រទាប់វណ្ណៈមានការខកចិត្តម្ដងណាឡើយ។

ដូច្នេះលោកឧកញ៉ាបានអំពាវរនាវដល់សមាជិកបក្សទាំងចាស់ទាំងថ្មីគ្រូរួមគ្នាថែរក្សាសន្តិភាពឲ្យបានដាច់ខាតដោយមិនត្រូវឲ្យជនអគតិណាមួយមកបំផ្លាញបានឡើយ៕

អត្តបទ ៖ សិរីវឌ្ឍន