នយោបាយ
កម្ពុជា និងប្រទេសអាស៊ាន៥ទៀត បានបោះឆ្នោតអនុបវាទព្យួរអសនៈរុស្ស៊ីពីក្រុមប្រឹក្សាសិទ្ធិមនុស្សUN
អង្គការសហប្រជាជាតិកាលពីថ្ងៃព្រហស្បតិ៍ម្សិលមិញនេះ បានរៀបចំសន្និបាតបោះឆ្នោតសម្រេចព្យួរ ឬមិនព្យួរសមាជិកភាពរុស្ស៊ីពីក្រុមប្រឹក្សាសិទ្ធិមនុស្ស។ ប្រទេសចំនួន៩៣ បានបោះឆ្នោតគាំទ្រឲ្យព្យួរសមាជិកភាពរុស្ស៊ីពីក្រុមប្រឹក្សាសិទ្ធិមនុស្សរបស់អង្គការសហប្រជាជាតិ ខណៈ២៤ប្រទេសបានបោះឆ្នោតប្រឆាំង និង៥៨ប្រទេស បានបោះឆ្នោតអនុបវាទ។ ការបោះឆ្នោតអនុបវាទនេះ ក៏មានកម្ពុជា ថៃ ឥណ្ឌូនេស៊ី ម៉ាឡេស៊ី សិង្ហបុរី និងប្រទេសព្រុយណេផងដែរ។
ចំណែក ប្រទេសសមាជិកអាស៊ានដែលបោះឆ្នោតគាំទ្រឲ្យព្យួរសមាជិកភាពរុស្ស៊ីពីក្រុមប្រឹក្សាសិទ្ធិមនុស្សនៃអង្គការសហប្រជាជាតិវិញ មានតែ២ប៉ុណ្ណោះ គឹប្រទេសមីយ៉ាន់ម៉ា និងហ្វីលីពីន ខណៈប្រទេសវៀតណាម និងឡាវ បានបោះឆ្នោតប្រឆាំង។ ការបោះឆ្នោតសម្រេចព្យួរ ឬមិនព្យួរសមាជិកភាពរុស្ស៊ីពីក្រុមប្រឹក្សាសិទ្ធិមនុស្សរបស់អង្គការសហប្រជាតិ ធ្វើឡើងបន្ទាប់ពីរុស្ស៊ី បានលើកទ័ពទៅឈ្លានពានអ៊ុយក្រែនអស់រយៈពេលជាង៤០ថ្ងៃមកហើយ។ នៅចុងក្រោយនេះ កងទ័ពរុស្ស៊ី បានដកចេញជាយក្រុងគៀវ និងពីទីក្រុងBuchan តែបានបន្សល់ទុកនូវសាកសពជាច្រើននៅតាមដងផ្លូវ។
ដោយឡែក ពាក់ព័ន្ធនឹងការបោះឆ្នោតអនុបវាទការព្យួរសមាជិកភាពរុស្ស៊ីពីក្រុមប្រឹក្សាសិទ្ធិមនុស្សនៃអង្គការសហប្រជាជាតិនេះ រដ្ឋាភិបាលកម្ពុជា មិនទាន់មានការពន្យល់ឲ្យដឹងណាមួយនៅឡើយទេ។ យ៉ាងណាក៏ដោយ កាលពីប៉ុន្មានសប្តាហ៍កន្លងទៅនេះ កម្ពុជា និងប្រទេសជាច្រើននៅលើពិភពលោក បានបោះឆ្នោតគាំទ្រការប្រឆាំងនឹងការឈ្លានពានរបស់រុស្ស៊ីនៅក្នុងប្រទេសអ៊ុយក្រែន។
សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា បានប្រកាសជំហរម្តងជាពីរដងថា កម្ពុជា មិនគាំទ្រការឈ្លានពានរបស់រុស្ស៊ីនៅក្នុងប្រទេសអ៊ុយក្រែន ឬមិនគាំទ្រប្រទេសមួយលើកទ័ពទៅឈ្លានពានប្រទេសមួយទៀតនោះឡើយ។ មិនតែប៉ុណ្ណោះ សម្តេចនាយករដ្ឋមន្រ្តីកម្ពុជា បានប្រកាសឈរនៅជាមួយប្រជាជនអ៊ុយក្រែនថែមទៀត ដើម្បីប្រឆាំងនឹងការឈ្លានពានរបស់រុស្ស៊ី៕
ដោយ៖ វណ្ណ សុគន្ធា
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៣ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ