នយោបាយ
លោក សូ ណារ៉ូ ចេញមុខវាយប្រហារលោក សម រង្ស៊ី ថា ជាមនុស្សឡប់សតិ
លោក សូ ណារ៉ូ ដែលគេស្គាល់ថា ជាមនុស្សគាំទ្រក្រុមប្រឆាំងដ៏សកម្មនោះ បានចេញមុខវាយប្រហារលោក សម រង្ស៊ី ថា ជាមនុស្សឡប់សតិ ខណៈដែលខ្លួនជាប្រធានស្តីទី នៃគណបក្សមួយ បែរជាទៅឃោសនាគាំទ្រគណបក្សមួយទៀត។
ការចេញមុខវាយប្រហាររបស់លោក សូ ណារ៉ូ ខណៈលោក សម រង្ស៊ី បានបើកការវាយប្រហារចំៗលើអតតីដៃគូនយោបាយរបស់ខ្លួន គឺលោក កឹម សុខា ដែលមិនបានចេញទៅបោះឆ្នោតគាំទ្រគណបក្សភ្លើងទៀន នៅក្នុងការបោះឆ្នោតជ្រើសរើស ក្រុមប្រឹក្សាឃុំ-សង្កាត់អាណត្តិទី ៥ កាលពីថ្ងៃទី ៥ ខែមិថុនា កន្លងទៅថ្មីៗនេះ។
លោក សូ ណារ៉ូ លើកឡើងយ៉ាងដូច្នេះថា «នៅក្នុងពិភពលោកទាំងមូល គ្រប់ប្រទេសទាំងអស់មិនដែលមានករណីប្រធានគណបក្សមួយ បែរជាស្ម័គ្រចិត្តទៅបោះឆ្នោតគាំទ្រឲ្យគណប្សមួយទៀតទេ។ បើពិតជាមានមែននោះ គឺមានតែប្រធានបក្សហ្នឹងជាមនុស្សឡប់សតិ ឬវិកលចរិក ទើបក្បត់គណបក្សខ្លួនឯង ដើម្បីទៅគាំទ្រគណបក្សដទៃ»។
លោក សូ ណារ៉ូ អះអាងទៀតថា «នៅកម្ពុជា មានករណីពិសេសតែ ១គត់ ក្នុងលោកានេះ គឺបុគ្គលម្នាក់ដែលតាំងខ្លួនជាប្រធានស្តីទី នៃគណបក្សមួយ បែរជាឡប់សតិទៅឃោសនាបោះឆ្នោតគាំទ្រពេញទំហឹងឲ្យគណបក្សមួយទៀត។ បើគាត់ជាមនុស្សមានសតិធម្មតា ឬចេះខ្មាស់គេតែបន្តិច គឺគាត់ច្បាស់ជាចាកចេញទៅរួមរស់ជាមួយបក្ស ដែលគាត់គាំទ្រហើយ មិនមែនកំសាកនៅជិះទូក២នោះទេ»។
បើតាមលោក សូ ណារ៉ូ មានតែមនុស្សឡប់សតិទេ ដែលអាចនិយាយមិនចេះខ្មាស់ថា លោក កឹម សុខា មានកំហុសធ្ងន់ ដែលមិនចេញទៅបោះឆ្នោត ខណៈដែលលោក កឹម សុខា នៅមិនទាន់មានសេរីភាពពេញលេញ ហើយអតីតគណបក្សសង្គ្រោះជាតិ ក៏គ្មានឈ្មោះក្នុងសន្លឹកឆ្នោតផងនោះ។ លោកថា ការនិយាយបែបនេះ ប្រហែលជាលោក សម រង្ស៊ី ចង់ឲ្យលោក កឹម សុខា ក្បត់បក្សខ្លួនហើយ។
គួររំលឹកថា លោក សម រង្ស៊ី ដែលបច្ចុប្បន្នកំពុងនិរទេសខ្លួននៅក្រៅប្រទេស គេចចេញពីការតាមចាប់ខ្លួនរបស់សមត្ថកិច្ចកម្ពុជា នៅក្នុងសំណុំរឿងជាច្រើននោះ បានផ្ដល់បទសម្ភាសជាមួយវិទ្យុអាស៊ីសេរី កាលពីយប់ថ្ងៃទី ៩ ខែមិថុនា ឆ្នាំ ២០២២ ដោយបានចេញមុខវាយប្រហារចំៗលើអតីតដៃគូនយោបាយរបស់ខ្លួន គឺលោក កឹម សុខា ដែលមិនបានចេញទៅបោះឆ្នោត។
ថ្លែងក្នុងកិច្ចសម្ភាសន៍នោះ លោក សម រង្ស៉ី បាននិយាយថា «ខ្ញុំមិនសូវនិយាយអំពីអាកប្បកិរិយាបុគ្គលទេ ប៉ុន្តែខ្ញុំកត់សម្គាល់មួយឃើញថា លោក កឹម សុខា គាត់បានថ្លែងថា គាត់អត់ទៅចូលរួមការបោះឆ្នោតទេ ព្រោះគាត់អត់មានឃើញគណបក្សណាដែលពេញចិត្ត។ គាត់និយាយថា គណបក្សប្រជាជន ក៏គាត់មិនពេញចិត្ត គណបក្សភ្លើងទៀន ក៏គាត់មិនពេញចិត្ត….គាត់និយាយបែបនេះខុសធ្ងន់ណាស់»៕
អត្ថបទ៖ កោះកែវ
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៧ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានជាតិ៥ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
កីឡា២ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត